ذنوب نقية

جزء الاول

#ذنوب نقية

بقلم هيل محمد 🤍

بسم لله

********

رهف: كاعده واكلب بصور عرسي وحدة وحدة جنت حلوة ولهسة حلوة احس متغيرت
دخل وهو كله اعصاب مدري شبي شمر باكيت الجكاير ع الميز الي بصف الجربايه حاجيته ميرد سكتت عنه ونزلت حطي معكرونه ع نار سمعت صوت وراي

مؤيد: الطنطل كاعد

رهف: لتفت فازه من الصوت كمزتني ضل يباوع سألته تريد معكرونه؟؟

مؤيد: اي اكيد غير من ايدج تطلع طيبه

رهف:  هههه تمام بس ها انا اسويها صفره وبيها روبه

مؤيد: اكلاتج فد غريبه بس يلا

رهف: ضوكها وبعدها احكم استاذ مؤيد

مؤيد: هاهية نضوك شورانه اشو طباخه واحلى ام بيت

رهف: ضحكت بس مؤيد بهذا البيت الي روحه مرحه يشاقه وياي ويعاملني مثل اخته بكل حنيه مرات ما اطلب منه اشياء وفجاة يجيبها شلون يحس بيا انو مشتهية اكله او طلعه مادري فززني من صفنتي

مؤيد: شبيج رهف صاير شي

رهف: احم ردت اسالك اخوك شبي اجا ضايج ومعصب

مؤيد: هيج سالفه ابوي محاجيه بيها وضاج الافندي

رهف: اها اشوفه كلش ماله خلك ع عموم رايحة شوي لبين متستوي المعكرونه انتبه عليها مو تحترك

مؤيد: من عيوني

رهف: ضحكت بوجه وتمشيت صاعده لغرفتي فتحت الباب جان نايم ع ضهرة ويكتب شي بلفون غلست اكيد مثل كل يوم كروب جماعته اخذت حلويات من نساتل واجباس ونزلت حتى ما باوع عليه سحبت نفس اصبر بروحي واصبر
واصبر ومدري وين ماخذني الزمن
رحت للمطبخ ملكيت مؤيد موجود خليت الحلويات ورتبتهم وكفت اصفي المعكرونه من المي بس مسيطرت ع ايدي بسرعه الزم الجدر مني رفعت راسي

مؤيد: غير تنتبهين لو محتركة

رهف: صفنت شوي

مؤيد  : لو متأذيه ها

رهف: ومنو يهتم ها اشو اخوك ضاربني بعرض الحايط لو امك الي مراضيه ع اي شي اسوي محد يهتم حتى اهلي صار اسبوع متصلين سألو عني؟ لا مالهم خلكي اصلا

مؤيد: انا اهتم لامرج هلكد ضامه بكلبج منهم طز بيهم الي ميريدج لتردي لا تضلين تمشين ع مايهم وبكيفهم ترا عندج رأي كلب ومشاعر وعقل ليش تخليهم يتحكمون بيج سواء امي او اخوي اما اذا ع اهلج بحياته الانسان ما يعيش ع سوأل شلونك شخبارك ابد هاي كلنا ششوفين بيتنا كلمن ملتهي بروحه لو اموت هسه صدكِ محد يفزع