😻 خطيئة الأقدار 😻

part 2

الحلقة 2 :
علقت و مشت دخلت للديسينغ تخبت فيه تسمع في تكسير لوطة سيي دخلوا للدار و قاعدين يلوجوا علاها و هي تحاول تكتم صوت شهقاتها الخافت هي كك و ترى كان الباب متع بيت نوم تخلع و ملوح في وسط البيت و دخلوا يجي 5 رجال و بداو يلوجوا و يفرتوا في الدبش وواحد منهم جا بش يحل باب الدريسينغ و يسمعوا كان في حس كرتوش لوطة هبطوا اكا الرجال يجروا منبا درج و تسمع صوت كريم يعيط
كريم _ عشق اخرج ما تخافش كل شي لباس انا هنا
هي سمعت صوتوا منا و خرجت تجري عنقتوا و تبكي
عشق _ خفت برشا و الله.. شبيك بطيت
تبسم كريم و زاد جبدها ليه _ ما تخافش معاك يا روحي ×عدا يدو على شعرها بحنية و كمل ×_ ماك تعرف الطريق طويل
عدا يدوا على كرشها بحنية _ كبرت كرشك و زدت زينت ..
خزرلها في عينيها و تكلم _ توحشتك برشا يا روحي ..
(توضيح : كريم و عشق ما تقابلوش عندهم تقريب 3 شهور تو تفهموا علاش مبعد او بالاحرى لين نلقى فكرة باهية نكتبها 🙂😂..)
هبطت راسها و حطت يدها فوق يدو _كان تشوف انا .. سامحني
كريم_ مش و قتو تو نحكو مبعد فالموضوع هيا قبل ما يزيد يجو جماعة اخرين ..
شدها من يدها و خرجو من الدار يلقاو رجالو يستناو لبرا عاد قلهم شنيا لازم يعملوا و ركب في الكرهبة و ديريكسيون دار امو..
الطريق طويل و الصمت محتل المكان ..
عشق _ وين ماشين ؟؟؟
كريم _ دار امي.. تحب تشوفك و تتطمن عليك توحشتك ..
عشق _ حتى انا توحشتها برشا ..