😻 خطيئة الأقدار 😻

part 4

الحلقة 4:
كريم _ عشق معادش تطبس ياخي ما تعرش الي مش باهيلك جملا التعب و ما تبقاش طالعة هابطة في الدروج ابقى في بلاصة وحدة يا لوطة يا لفوق .. بااااهي ..
عشق _ ب..باهي ..
هزت من يدو البيل و خرجت هبطت اللوطة بحذا خديجة
عشق _ خدوووج انا جيت تحبشي نعاونك في حاجة ..
خديجة _ لا لا لا يا عسلة اقعد انت ارتاح .. جبدتلها كرسي و قعدتها .. انا هاني كملت يهبط كريم نبدو ناكلوا ..
عشق _ و بابا وهارون وينهم ياخي( هارون هو خو كريم الصغير بيناتو عام هو و عشق حسيلوا صحاب بلقدا من قبل بليتو هو بفضلوا هو تعرف كريم و عشق على بعضهم في حفلة عيد ميلادو و قتها لمهم حتى هو قطعة زين )
خديجة _ رجع شاد الشركة اتو مبعد نحكيلك على كل شي نعرفك بش تقعد تسأل ههه ..
عشق _ هههه نحبك خدوجتي كي تفهمني ..

هوما هكاكا و دخل كريم _ ااا خدوج جعت
خديجة _ حمدلله عليك كي تحلت الشاهيا بابا اقعد اقعد لفطور حاضر
عشق _ يااا خدوووج الروز بالفاكية عندي برشا شاهيتو
خديجة _ حليلي على بنيتي كول كول اتو نزيدك منو
كريم _ لمرا جاية تشتها حاجة طول كلمني ..
عشق _ تهنى تهنى .. و غطست تاكل فالروز ( اااااع نحب روز بالفاكية حتى انا 🙂😂)
كملو كلو لين شبعوا لمت خديجة و مريم (البون ) الطاولة حبت عشق تعاونهم ما خلوهاش و بعد كل واحد شد بيتو وقيت قايلة ..
طالعة في الدروج بالقدرة خلط علاها كريم شدها من يدها _مش قتلك الدروج يتعبك و التعب مش باهيلك ..
عشق _ شبش نعمل بلاهي اصلن منيش تاعبة برشا نجم روحي ..
كريم _ باهي .. باهي .. رد بالك ..
وصلوا للبيت ترماو على الفرش كل واحد في جنب و كل واحد متلفت لجيهة...