😻 خطيئة الأقدار 😻

part 5

الحلقة 5 :
هو منبا درج و هزو النوم كان تاعب من الاحداث الي صارو ليوم و هي سرحت مع أفكارها لين رجعت باها الذاكرة لنهار عرسهم ...
Flash back : ...👈
لابسة روب بيضة فتووق هي ختارتها على ذوقها و طالون عالي و مسيبة شعرها كيما مستانسة و عملتلها الحجامة مكياج خفافي مناسب لعمرها و قاعدة تركح في مشيتها ههه مش مستانسة بالطالون ... هي هكاكا و تسمع حس التزمير لبرا جتها ميار منغادي تجري ( ميار اخت كريم و هارون _ وصلو يا عشق وصلوا ...
عشق - اوووه سيا سيا انا حاضرة نورمالموون .. زيد ثبت مش ناقصة حاجة . ..
ميار _ لا لا سفا هيا عاد متخليش خويا يستنا ... ههه
عشق _ ههه
                               ________________
كريم كان واقف يستنا فاها مطبس راسو يركح في المنقالة اكا الكستيم كانت زايدة فيه الشطر مع لحيتو و شعروو اااه طلع اوووووبا تي قنبلة متع زين اصل و على هزت راسو يشوف فاها جاية دااخ من زينها و ما فاق كان على صوتها _ حبيبي وين سرحت
باسها من راسها و شدلها يدها طلعو في الكرهبة و ديريكسيون الصالة ...
كريم _ وااااي الثنية غالطة يا معلم ...
الشيفور _ سي كريم مدام ميار محضرتلكم مفاجئة و عطتني لوكال بش نهزكم ...
كريم _ امم .. مثبت
الشيفور _ اكيد سي كريم
خزرتلوا عشق و بدت توشوش _ مالصباح ميار معايا في الحجامة ما جبدتلي على شي مفماش منها الحكاية ..
كريم يجبد تلفونوا يلقى مفماش ريزوا في البلاصة و على هزت راسو يرى ثنية غابة لكلها اشجار منا و منا و في آخر الطريق برشا كراهب و رجال مسلحة ..
عشق _ ك.. كريم ...
كريم _ ههههههه × ضحك ضحكة استهزاء اكيد مش كريم الي يحصل ×
مد يدوا لتحت الروبة متاعها و جبد رشاش و زوز فرودة ...
حط في راسو الفرد _ آقف تو ...
الشيفور عرفها تكعبرتلوا وقف الكرهبة و هبط يجري هبط كريم و اوووب يجيبهالو في مؤخرة راسو و هز الرشاش و توووف يفرغوا في اكا الرجال الي كانوا جايين يجروا ...
كريم و الرشاش قصة حب الى الابد 🙂😂