😻 خطيئة الأقدار 😻

part 6

الحلقة6 :
نحت عشق الطالون و جبدت سبادري من الكرهبة لبستوا فيسع كانت حاسة الي اليوم مش بش يتعدا على خير و متحس كان في كريم خطفها من يده و دخلوا يجروا للغابة ...
عشق _ اااه يا كريم معادش نجم
كريم _ امشي امشي لازم نخرجوا على الكياس باز وائل غادي اكيد فاق بكل شي ...
عشق _ باهي .... ااااع يا ربي نحبش نموت نهار عرسي ...
كريم _ هههه ما تخافش ما تموتش نهار عرسناااااا ...
عشق _ ههه باهي عرسنااااا ..
كانوا يجروا ساقيهم اعلى من راسهم وصلوا على الكياس و بطبيعة لقاو وائل غادي خاتر فقد أثر الكرهبة في المنطقة أذيكا ...
وائل _ حندروووك الطحانة ...
كريم _ ههه سلكتها متخافش ...
و اكا الجماعة وين راو وائل و الرجال الكل هربوا ...
عشق كانت حاطة يدها على ركبتها و تلهث ..
كريم _ حبي لباس ....
عشق _ لباس يا كريم ههههه يهلكك هكا يصيرلنا لليلة عرسنا ...
كريم _ هههه الليلة بش تقعدلنا تاريخ ..
ضحكوا الناس الكل و رجعوا للصالة كملوا العرس ...
Rjaana ll 7ather : ...👈
تبسمت مع الذكريات الحلوة لين هزها النوم ...
مع حكاية ال خمسة متع العشية قامت عشق و هبطت للكوجينة بش تاكل حاجة هي حلت الفريجيدار و تحس في حركة و راها و على التلفيتة يخرجلها هارون من جنب الفريجيدار و يقلها _ بووووووو
عشق شهقت بلقوي بعد قالت _ يهلكك يا خراا طيحتلي قلبي
هارون _ اااا يهلكني نسيت الي انت حبلة يا خرا لباس ما صارلك شي
عشق _ ههه لباس لباس ما تخافش
قدم سلموا على بعضهم بالتعنيق هارون _ توحشتك خراا خليت علينا بلاصة كبيرة
عشق _ كان تشوف انا لمهم هاني رجعت تو بش نكرهك في عيشتك ههههه
هارون _ هههه عالاقل انا و ياك نعملو جو خير ماكبي الي خليتني فيه كي مشيت ههههه
عشق _ هههههه نعرف نعرف