تة مربوطة بقلم / لولو_محمد ( كامله)

الاخيره

#lolo #لولو_محمد
((((((ته مربوطه )))))))))
الحلقه الرابعه و الثلاثون (الاخيره )
سمر / ههههههههههههههههه متمشى بقى يابنى خلينى ادخل
حسام / طب بالراحه متزوقيش الله سلام يا حبى
سمر / سلام يا حو..سام ههههههههههههه
حسام / واطيه سلام
حسام يشاورلها و يركب العربيه و يمشى و هى واقفه متبعاه و مبتسمه تلف تلاقى امها وراها تروح تحضنها
هيام / ربنا يهدى سرك يا بنتى و يتمملك على خير و يسعدك
سمر / ربنا يخليكى يا ماما
..........................
فى الفرح تانى يوم سمر لابسه سمبل اوى تدخل القاعه هى و حسام و كل الناس واقفين و اسماء الله الحسنى تشتغل و سمر واقفه مانججه حسام و متوتره حسام يمسك ايدها و يبوسها و يطبطب عليها تبصله و تبتسم اسماء الله الحسنى تخلص و تشتغل اغنيه سيبى روحك محمد عدويه حسام و سمر يرقصوا
حسام / فاكره الاغنيه دى انا طالبها مخصوص
سمر بتبص يمين و شمال حسام يمسك دقنها و يخليها تبص فعنيه تنكسف
حسام / اهدى
سمر / كلهم بيبصوا علينا
حسام / بيحسدوكى عليا طبعا
سمر عنيها توسع حسام يدحك
حسام  / بهزر بهزر ميبصوا خليهم يطقوا مالغيظ انا اخدت اجمل بنت فمصر ليهم حق يطرشقوا كمان
سمر/ بطل يا حسام
حسام / سامعه قلبى يا سمر
سمر / بس بقى
حسام يشد سمر يقربها منه و يرقص و هى فحضنه
حسام / سيبى روحك يا سمر
سمر تحط راسها فحضنه و يكملوا رقص
...................................
فى البيت
سمر تدخل الشقه بفستان سمبل و كل حاجه بسيطه امها تاخدها على جنب و مصطفى واقف مع اخوه فى جنب تانى
هيام / خدى بالك من نفسك و من جوزك الواد بيحبك هاجى ابص عليكى بكره
سمر تهز راسها و وشها باين عليه انها مش مبسوطه
حسام / و انت ماشى كدا نبه على امك و حماتك اسبوع محدش يخبط عالباب و لا يرن تليفون حتى
مصطفى / بتهزر دانا جبت الشاش و الميكروكروم
حسام / كويس عشان هتحتاجهم لو جيت
مصطفى / و لا اعرفك انشالله تولع فيك حتى انا مالى ها يا ماما هنمشى و لا ايه
هيام / يلا يا حبيبى سلام يا بنى خد بالك من عروستك
حسام / فى عنيا
هيام و مصطفى يمشوا و حسام يقفل الباب
سمر / المفتاح
حسام / ايه
سمر / مش هتقفله بالمفتاح
حسام / ليه
سمر / يعنى .... خلاص خلاص
سمر تدخل الطرقه و تطلع تانى
سمر / هو انت هتنام فى انهى اوضه
حسام / اللى تعجبك
سمر تدخل الاوضه بتاعتهم و تطلع بجامه حسام يدخل وراها و يطلع بجامه هو كمان و يقفلوا الدولاب فى نفس الوقت و يبصوا لبعض
سمر / انا هروح اعين العشا فى التلاجه و لا انت جعان
حسام / لا مش جعان
سمر تحط البجامه عالسرير و تخرج مالاوضه حسام يفردها و يدحك فى سره
.........
فى المطبخ
حسام يدخل مغير هدومه يلاقى سمر بتاكل كفته
حسام / طب اقعدى
سمر / ريحته جامده جوعتنى
حسام / الف هنا مش هتغيرى طيب و لا ايه
سمر / هروح اغير اهو هحط بس الحاجات دى فى التلاجه و ادخل
حسام / سيبيها انا هدخلها روحى انتى غيرى
سمر تمشى
...................
فى الطرقه
حسام يقف على باب الاوضه يخبط
سمر / ثوانى
حسام / اتاخرتى اوى كدا ليه قلقت عليكى
سمر تفتح الباب و يادوب قالعه الطرحه
حسام / افندم
سمر / مش عارفه افك البتاع ده مش عارفه عليا لبستهونى ازاى اصلا
سمر تلف و حسام يفتح السوسته و فى بدى تحتيه
حسام / السوسته طب كنتى نادينى دانا حريف سوست
سمر / بطل قله ادب
حسام / ياختى اتوكسى قال قله ادب قال دانتى لابسه الدولاب تحتيه
سمر / الدنيا برد عاوزنى اعيى
حسام / لا كفالله الشر تعيى ازاى تحبى اساعدك فى حاجه تانى
سمر / عنت الاكل
حسام / تاويته
سمر / طب روح نام يلا
حسام/ انام فين
سمر / عاوز الاوضه دى يعنى
حسام / اه فهمت حاضر انا هنام هناك فى الاوضه دى ماشى
سمر / ماشى
حسام / الاوضه اللى جنبك علاطول دى
سمر / اوك
حسام / الصغيره دى اللى اصلا كانت بتاعه مصطفى زمان عرفاها مانتى جيتى هنا فاكره
سمر / اه عرفاها
حسام / انا هروح انام فيها
سمر / اوك
حسام / طويب عن اذنك بقى
سمر تقفل الباب تانى و تقعد عالسرير  و تقوم تغير هدومها
..............
فى اوضه حسام
حسام نايم عالسرير و النور مطفى و الباب مفتوح و مدى للباب ضهره سمر تدخل
سمر / انت نمت
حسام / لا صاحى
حسام يقوم يقعد
سمر / بص انا بخاف انام لوحدى
حسام / عارف عشان كدا سبت الباب مفتوح تعالى نامى
سمر/ انا هنام هناك عالطرف مش هتحس بوجودى مش هعملك اى ازعاج على فكره
حسام / لا عادى خدى راحتك
سمر تروح عالطرف التانى و تنام و تستغطى و مديه حسام ضهرها و هى عمله شعرها ضفيره
حسام / حلوه ضفيرتك
سمر تلف
سمر / اه بتلمه كنت بفكر اعمله كحكه بس بتدايقنى و انا نايمه
حسام / لا كدا حلو
سمر / انت صليت العشا
حسام / اه الحمد لله
سمر / الحمد لله
حسام / مش سقعانه
سمر / شويه بس دلوقتى مكانى يدفى و ادفى
حسام / طب متيجى جنبى شويه هنا دفى انا مدفى الحته دى
سمر تجرى جنبه و تلزق فيه و هو مبتسم بس بيحاول يداريها
حسام / دفيتى هنا
سمر / اه هنا احسن من هناك
سمر تنام على جنبها و تدى حسام شعرها حسام ياخدها فى حضنه
حسام / انا قاعد بدعى ربنا بقالى سنين عشان اللحظه دى
سمر / و طلعت تستاهل
حسام / ريحه شعرك حلوه اوى حاطه فيه ايه
سمر تمسك الضفيره و تشمها
سمر / اه فعلا حلو اوى
حسام / انا قولت لمصطفى ميجوش بكره
سمر تلفله و هى لسه فى حضنه/ ليه
حسام / عشان هنبقى نايمين
سمر/ اه لما نصحى بقى نكلمهم
حسام / لما بقى
سمر / انا صعبان عليا انام فاضل يجى ساعه عالفجر بقول نستنى احسن و نصليه و بعدين ننام
حسام / انا برده بقول كدا
سمر / تحب تتفرج عالتليفزيون
حسام / مش هيعرض حاجه احلى من اللى شيفاها عنيا دلوقت
سمر تتكسف شويه و تدارى / انت مجوعتش انت مكلتش فى الفرح
حسام / لا مش جعان بس الفرح كان حلو كنتى عامله زى الملاك
سمر / اه كنت مرعوبه حاسه ان الناس دى كلها جايه تتفرج عليا
حسام / بس كويس انك مخلتنيش اغنى اكيد كانوا هيدعوا علينا
سمر / ههههههههههههه انا مش هدعى عليك
حسام / يعنى اغنى
سمر / اهو نتسلى
حسام / يا بنت السلطان حنى على الغلبان الميه فى اديكى يا سمسم و حوس عطشان
سمر / ههههههههههههههههههههههههههههه
حسام / ايه
سمر / ايه
حسام / هو ايه اللى ايه
سمر / هو ايه اللى هو ايه اللى ايه
حسام / صحيح كنت هنسى عليا قالتلى اقولك حاجه مش فاكر بالظبط تقريبا سيم لانى مش فاهم بتقولك كدا و كدا و كدا
سمر تدحك ووشها يحمر
حسام / باينه سيم جامد يعنى ايه بقى
سمر / هههههههههههه انا و عليا كلامنا كلو كدا
حسام / بجد
سمر / اه بنفهم بعض منغير منتكلم
حسام / شوف و انا اللى فهمت اصل انا عمرى متكلمت مع مصطفى فى كدا خالص
سمر / كدا ايه
حسام / بصراحه مكنتش بحب اتكلم مع حد بيتكلم فى كدا اصل كلامهم مكنش كدا
سمر / انت بتقول ايه
حسام / انتى ليه قولتى لعاليا اننا مش هندخل
سمر / هى قالتلك
حسام / يوم مجبنا الشبكه
سمر / انا اسفه بخصوص الموضوع ده انا فكرت بس مكنتش عارفه افتحه معاك ازاى
حسام / موضوع ايه انك قولتى لعليا
سمر / لا بص ده حقك و انا مقدرش امنعك عنه
حسام يقوم من جنبها
سمر / ايه
حسام / انتى عبيطه يا بت و لا حد مسلطك عليا
سمر / حسام
حسام / بلا حسام بلا زفت حق ايه اللى بتتكلمى عنه هو انتى شيفانى ايه قدامك
سمر / انا مش قصدى
حسام يقعد جنبها و يمسك ايدها
حسام / بصى يا سمر انا بحبك و لولا انى متاكد انك بتحبينى مكنتش عمرى اتجوزتك انا مش عاوز اجى عليكى باى شكل لو انتى مش عوزانى احط ايدى عليكى انا عمرى مهحطها انا مش حيوان بيشبع غرايزه و خلاص حتى الحيوانات مبتعملش كدا يا شيخه لازم انتى كمان تكونى عوزانى لازم تكونى راضيه النهرده بكره بعده السنه الجايه براحتك انا عمرى مهزهق بس عمرى مهاخده لانه مجرد حق لا لانك عوزاه زى مانا عوزه لانك بتحبينى و عاوزه تكونى ام لاولادى زى مانا عاوز اكون اب لاولادك
سمر / بجد
حسام / و غلاوه سمر عندى
الاذان ياذن
سمر / الفجر اذن
حسام / طب قومى اتوضى اما نصلى
سمر تقوم من عالسرير و تروح تتوضى و حسام يام بيها الصلاه فى الصاله و اول ميخلصوا سمر تقوم تجرى عالاوضه التانيه حسام يشيل السجاده و يقعد على الكنبه هو زهقان شويه صغيرين و سمر تفتح باب اوضتها و تطلعله و فى ايدها قميصين نوم واحد ابيض و التانى احمر
سمر / ده و لا ده
حسام يبتسم و يشيلها و يدخل بيها الاوضه و يقفل الباب
.....................................
فى بيت مصطفى تانى يوم العصر
عليا بتتكلم فى التليفون
عليا / ايوه يا ماما بقوله والله مش راضى بيقولى حسام قاله منجيش ...... عارفه والله انا كمان كلمتهم كتير الاتنين تليفونهم مقفول ...... طب اعمل ايه طيب ...... يا ماما هو يعنى حصلهم ايه متسبيهم ...... خلاص خلاص انا هستناكى ...... سلام
ليلى / هى مصره برده تروح
عليا / و عمرها مهترجع فى كلامها بيلبسوا و جايين
مصطفى / يا بنتى حسام طلب منى امبارح اننا منروحش و نسيبهم ميمكن نايمين يا جدعان
عليا / ماما هتتجنن يا مصطفى نريحها و نروح
مصطفى / اعملوا اللى تشوفوه
ليلى / خلاص يابنى نقوم نلبس و نروح نشوفهم
مصطفى / لو حسام اتكلم انا مليش دعوه
عليا / مش هيتكلم اتفضل اللبس
.....................
فى بيت حسام
حسام يصحى و سمر لسه نايمه فى حضنه يقوم بالراحه عشان ميصحيهاش و ياخد غيار و يدخل الحمام يستحمى يطلع مالحمام يرجع الاوضه يلاقى سمر لسه نايمه يروح يحضر الفطار جرس الباب يضرب يسيب الصينيه على رخامه المطبخ و يطلع يفتح الباب جرى
حسام / لو انت يا مصطفى هقتلك
حسام يروح يفتح الباب يلاقى العيله كلها واقفه و مصطفى واقف اخر واحد ورا خالص
حسام / منورين
هيام / قافلين موبايلاتكوا ليه يابنى قلقتونى عليكوا
حسام / تلاقيه فصل والله يا ماما دانا لسه صاحى
عليا / امال سمر فين
حسام / نايمه اتفضلوا ثوانى هصحيها
عليا / انا هاجى معاك
حسام / هتيجى فين ايه يا مصطفى لا استنى هنا و انا هصحيها و اجى
حسام يدخل الاوضه و يقفل الباب و ينام جنب سمر و يلعب فى دقنها بالراحه خالص تفتح عينها
سمر / صباح الخير
حسام / مساء النور يا قلبى
سمر / ليه احنا امتى
حسام / المغرب هياذن خلاص
سمر / ياربى انا نمت كل ده
حسام / العيله كلها بره
سمر/ معقول جم امتى
حسام / لسه حالا اصحى بقى و اغسلى وشك و غيرى هدومك و اطلعيلهم
حسام يقوم يقف عالباب عشان يفتحه
سمر / يالهوى اطلع فين طب لو حد سالنى اقولهم ايه
حسام / هههههههههههه تقوليلهم ايه فى ايه يا مجنونه انتى
سمر / على اللى حصل امبارح
حسام / هههههههههههههههههه هو انتى جايه هنا من ورا ابوكى احنا متجوزين يا هبله متقولى عادى فيها ايه يعنى يخربيت سنينك
سمر / متدحكش عليا
حسام يقعد جنبها و يبوس ايدها و راسها
سمر / ايوه كدا اتعدل
حسام / بحبك يا مجنونه
سمر / و انا كمان بموت فيك
الباب يخبط و صوت عليا من بره
عليا / انت كل ده بتصحيها
حسام / سبحان الله عاشت مع مصطفى كتير لدرجه انه بهت عليها
سمر / ههههههههههه افتحلها افتحلها
حسام يفتح الباب و سمر لسه فى السرير يلاقى عليا شايله صينيه الفطار اللى كان محضرها و سايبها عالرخامه و بتلعب حواجبها
حسام / عيله مجانين انجرى قدامى
عليا / طب هديها الصينيه طيب
عليا تعديه و تدخل الاوضه و حسام يطلع الصاله
عليا / شكلك كدا رجعتى فى كلامك
سمر / اسلوبه كان مقنع اوى الصراحه
عليا / لقيت الصينيه دى زى مهى كدا فى المطبخ شكله كان بيحضرلك الفطار لما جينا
سمر وشها يحمر
عليا / قومى كدا ظبطى نفسك و انا هجهزلك غيار و اجيلك الحمام يلا احنا بره مستنينك انجزى
سمر / طيب طيب بالراحه
....................
فى الصاله
هيام / هى اتاخرت كدا ليه انا قلقت عليها انا هقوم اشوفها
عليا تطلع من جوه و هى عامله لامها باديها الاتنين علامه الايك و بتدحك اوى مصطفى يبص لحسام حسام يدحكله دحكه استهزاء ثوانى و سمر تطلع لابسه عبايه استقبال بيضا و طرحه بيضا و هى مكسوفه و باصه فى الارض
ليلى / الف ما شاء الله تبارك الله يا ارض احفظى ما عليكى ايه الجمال ده
عليا / متحرجيهاش بقى يا ماما
سمر تبوسها و تروح تقعد جنب امها هيام تمسك ايدها جامد و تتبت فيها
حسين / طب منبقاش رخمين بقى كفايه اطمنا عليهم و شوفنا البنت نمشى بقى
حسام / مانتوا قاعدين مستعجلين ليه
حسين / عليا برضه يا وله دانت الود ودك ترمينا مالشباك
حسام / ابدا والله انا اقدر
حسين / انا لو منك اعملها يلا يام القمر
سمر تقوم تحضن ابوها و هو يطبطب عليها اوى
حسين / خدى بالك من جوزك دا واد لا دا راجل طيب و ابن حلال
سمر تبتسم و هى مكسوفه
حسين يمشى و الكل يطلع عالسلم هيام تقوم من عالكنبه تحضن سمر
هيام / خد بالك انت منها دى امانه فى رقابتك
حسام / دى عنيا
هيام / تسلم و تسلم عنيك لو عوزتوا حاجه كلمونى يلا يا قلبى سلام
سمر تحضنها تانى الكل يمشى و حسام يروح يقعد عالكنبه
سمر / مالك
حسام / بوظولى الترتيب كلو
سمر / ترتيب ايه
حسام / كنت ناوى ادخلك بصينيه الفطار فى السرير و انام جنبك و اخدك فى حضنى و اصحيكى بالراحه و اديكى الورده و اقولك صباحيه مباركه يا عروسه و تقوليلى مش جعانه و نرجع ننام تانى سوا اهو كلو باظ
سمر تقرب منه و تحط ايدها حوالين رقبته و هى قصيره عنه فيحضنها و يرفعها من عالارض
سمر / انا بحبك اوى يا حسام اكتر من اى حاجه فى دنيتى ربنا يخليك ليا و ميحرمنيش منك ابدا
حسام / و لا يحرمنى منك يا اجمل و ارق بنت فى الدنيا
سمر / نزلنى بقى اللحق العصر كفايه الضهر راح عليا
حسام ينزلها
سمر / و هى ماشيه ابقى جهز الفطار عشان تعمل كل اللى انت قولت عليه انا هستناك جوه متتاخرش عليا
حسام يبتسم و يدخلوا جوه سوا
.....................
البدايه