تحت قبضة الأجدع

البارت الخامس

"تحت قبضة الأجدع"

بقلمي انا الكاتبة::- تراث

حلواتي لا تنسون التصويت +التعليق بين الفقرات+متابعة الحساباتي..💙

الانستكرام::-ze8.h
الواتباد::-zai9_hr

_____________________

تِبچي
ومحد يوصيك بعيونك
ولا واحد يگلك ليش
وشمبيوگ من لونك
ماكو ابن آدم بلونك
تصفُن مثل مرجوحة
جزاها العيد
تسرح مدري وين بعيّد
حيل بعيّد
وغفلة تفززك دمعة
وتكسر خاطرك دمَعة
هذا أنتَ التطيح ومحد يشيلك
هذا أنتَ العزيز وگاع منديلك
تستهضُم
تلم روحك مثل ورگات محترگه
تضحك للمرايه وتستغرب رسومك

__________________________________

نـــور::-

اخذت غرفة فوك يم اسراء ورتبتها وجبت أثاث غرفتي وحطيتها بيها صارت
شبيهت غرفتي

بدت مسيرتنا دراسية وخالد وحسن قللو مشاكل وعرك لأن حسن بشغلة من صبح لليل وخالد بدوامة وماجد بدوامة

وبس زينة تفتر تكول سحارة الكُحلة متفارك عينها ويمكن تنام بيها وتكُعد طوخها أزيد

عمه شكد اتصلت على إسراء حتى ترجع بس قافلة تبقى يمي

ماجد من أخذ بيت بابا بعد لا حچيت ويا ولا حچة وياي ودائماً أكل بالمطبخ واحيانا يأكلون ويانة ومرات ثنينهم طالعين فقليل اشوفـهـم

حسن اهتمامة زاد أكثر ومـرات يخجلني كدام خالد واسراء بالدلال ونتعارك نبقى يـوم يومين ويجي يراضيني

خالد رغم حباب ولسانة بس تحشيش وضحك بس عيونة ماتفارقني ڪُل ما يجي وباوعلة اشوفة صافن بية مرات تطلع روحي من نظراتة ابـقى بغرفتي مـا انـزل

أهلي ڪُل ما يجي ليل ورجعت ذكرياتهم مايمر علية يوم ما بچيت وذكرت صدمتهم الدمرت حياتي

ف يوم من الأيام كاعده بغرفتي جاي اسخت ماعندي شي

كمت كنست الغرفة ورجعت على كنتور ذبيت ملابسي وخليتهم على چرباية وكعدت أرتب بيهن

دقايق وندفر الباب احس نشلع من أصله دخلت زينة وعيونها صايرة بكصتها

بدون أي كلام اجت سحلتني من شعري ونزلت بية الدرج تجرجر بشعري

أريد افتهم السالفة شنو وليش جاي سوي هيچ مانطتني فرصة حتى احچي بس تجرجر ونازله بية غلط وفشار