تحت قبضة الأجدع

البارت السادس والعشرون

تحت قبضة الأجدع

الكاتبة::- بلبل

الحـطو بڪلبي وجــع حطــيتهم بــيد الله

حلوات لا تنسون التصويت +التعليق بين الفقرات+المتابعة الحسابي

❏❏❏❏❏❏❏❏❏❏❏❏❏

نــور::-

كعدت بصعوبة راسي احسة يريد ينفجر من
ثكل الوجع البي ..رمشت اكـثر من مـره يالله فتحت
خليت ايدية بـالكاع
ورفعت ظهري شوي شوي لحد مــا كعدت

لزمت راسي
ضربتة اكثر من مره حيل فتحت عيوني اباوع للمكان غـرفة وچرباية ام نفرين
وكنتور وزولية
غرفة كلش نظيفة
وثلاجة بالزاوية وباب مقفل

بقيت صافنة اكـثر من ٥ دقايق اسأل بنفسي شجابني
اني وين بعد معاناة
وتفكير دمر عقلي رجعت اذكرت الأجدع تـوقيع عبث ، اذكرت اسم عبث فـزت روحي فاره

ࢪحت زحف على ادية للباب دكيتة اكـثر من مـره واصيح
ماكو اسمع بس الچلاب ولا صوت بالغرفة انتچيت على باب روحي تلوب ومية الف فكره رسمتها بعقلي

ࢪاح يموتني
يبيعني يغتصبني
يرجعني للأعـور ويذبحوني ضليت اجيب وخلي بهل افكار
حطيت ايدي ساده حلكي ابچي كتم اخـاف من روحي تسمع صوتي

وصلت مرحلة
افز من خطواتي من ظلي ضليت فتره كلش طويلة كاعد
ماكو اي حركة لزمت يدة الباب اكـوم بيها

كمت انثنت رجلية طحت على عكس ايـدي فرفحت روحي
ضليت متمدده وابچي شوي وكمت محتركة

روحي رجعت تطلب الحباية كل افكاري صارت بَيها ...تمددت على چرباية اتكلب فاقده كلشي حتى حياتي افقدتها من كد التفكير طويل نمت

كعدت رجعت شعري ليورا اباوع للباب اول ماشفتة مفتوح على نص كــلبي فـرفح
كمت وبعدين اذكرت عـبث

بلعت ريك بخوف وردد خاين چذاب كلشي اتوقع منة
اليخون صاحبة كلشي يسوي

لميت روحي حاضنتها
بقيت كاعده ...شوي واجة اول مادخل كــلبي فز

رجعت وره
دموعي تصب....باوعلي وكال وهو واكف بالباب

-صباح الخـير

سكتت مـا حجيت ولا حرف انتچة على بـاب يحجي

-دكومين سبحين لو تتريكين

بلعت ريك رفعت ايـدي ترچف خوف رجعت شعري وراه أذاني وكـتلة بصوت محتقن

::-لـيش جبتني هنَا غـير كلك الأجـدع ترجعني الاهلي

-على ما يجي شيريد يسوي بيچ يسوي هسة انتِ امانـة يمي وانا عبد مأمور

::-الأجدع شفتة بعيني تصوب احتمال هسة مات انتَ
شكو مچلب بيـة رجعني الله يخليك لا تخون ثقة صاحبك