تحت قبضة الأجدع

البارت السادس

بقلمي انا الكاتبة::- بلبل

حلواتي لا تنسون التصويت +التعليق بين الفقرات لطفاً+متابعة الحساباتي💙

الانستكرام::-ze8.h
الواتباد::-zai9_hr

_________________

هَاي انه
العَليل التَايه المَايندل المَتعوب
ٱلباگتني الشَمس والمَستحى والبَوب
العِشت دور الچَتل والفَگد والمَطلوب
وللحَيل مَامِش حَيل
فَرزنت الحِزن من أخَر الدنيا وخَذاني الريل
تعَبيت وگضة صَوتي بنحَيب الليل
لا رَديت عتبة بابنه وأضحَك
ولا جَدامي خَذتهه دروب
يَدولاب الوكت هالضَيم ما مَرغوب .
__________________________________

نـــــور::-

فكيت عيني بتعب وراسي
حيل يوجعني أباوع نفسي مقيده وحتى حركة ماكدر اتحرك مامستوعبة شصاير

أباوع للمكان اظلم واني مربطة بسناسل رجلية أدية

اظلمة محاوطة المكان وحتى اصابعي ماشوفهم من كد ما الظلام
تخبلت اصيح محد يسمع اسحب بيدية أريد افلتهن ميتفلتن

كد ما اجر بيهن احس تجرحن كعدت على حيلي اصيح بس محد يسمع

للحضتها حسيت حظي مكسور
وحتى الدنيا ساخطة وياي مشاعري مثل الطفل بحاجة الحنان الحضن يلمني ويواسيني

كل ماواسي كلبي من صدمات القبل تجي صدمة أكبر من الكبلها

كل ماصير اقوة واكول اني كد هل إختبار وراح اتخطى هل عذاب وماراح أخلي يسيطر علية وراح اكون اقوة منه تضربني الحقيقة بقسوة وارجع الصفر

ضليت فتره طويلة كاعده بالكاع حيلي مهدود وحتى بلعومي اتجرح من صياح

انفتح الباب من كد الظلام ماشفت منو الدخل بس أسمع اصوات ولد ثنين

رجعت وره كلبي يرجف بصوره مو طبيعية خليت راسي
بين رجلية وردد "الغوث ياعــلي الغوث"

صارو كلش قريبين من يمي اسمع واحـد يكل الثاني

-مانخطي
أي خطوه بدون علم الاعور خطفناها ولحد لأن مايدري

رد عــلي الثاني

-لك خاف يموتنا ونبتلي على ارواحنا شـڪد مره نبهنا مانمشي بأوامر الاجدع اله يدري بكُل خطوه نخطيها