تحت قبضة الأجدع

البارت التاسع والثلاثون

الكاتبة::- بلبل

اللهُمّ قُـوَة على قـوّتي فإنّي أتَعَثـر

متابعة الحساباتي + تعليق بين الفقرات لطفاً

الانستقرام::- ze8.h
الواتباد::- zai9_hr

••••••••••••••••••••

نـــور::-

كعدت عـد
خالتي وخالد كل يوم يجيني وإذا صـار عنده واجب لمتة ما يفرغ يجي

مرتة طلعت
حامل وابوها دز على خالد وكلة مرتك ترجعها لو ناخذها هي وطفل فـ رجعها على مود ابنه

عمتي واسـراء
ابد ماشفت منهم لا إتصال ولا اجني أخـر مره شفتهن بالمحكمة

بطني كبرت حيل وصرت
بشهري وخالد وخالتي وعلي معافوني

فـ يوم كاعده بغرفتي
جاي اسفط بملابس روح بنتي
احسها هية الروح الخلتني اكمل واتخطة الماضي ونستني مر اݪدنيا والضيم العشتة

بين مجاي اسفط
وعزل الخذهن للعملية اندك باب غرفتي

واني مدنكة صحت لان اعرف خالتي ماكو غيرها لو علي
::-اتفضل

دخل وسد
الباب ثواني ورفعت
راسي وشوفها عمتي عفت كلشي بيدي وكمت

بقت واكفة
وعيونها بسرعة هلت ركضت عليها حضنتها وهية حضنتني باستني وبچت

شهور لا شايفتها ولا حاچية وياها

لزمت ايدها وكعدنة
كمت فاره جبتلها مي وشوف لا خالتي ولا علي

اجيت لكيتها
مدنكة وتمسح بعيونها جبت كرسي وكعدت كبالها رفعت راسها وكالت بصوت مخنوك

-شلونچ عمه

دنكت كلامها
حيل غمچ بروحي وفتح جروح
حيل حيل عذبتني مـن بعد معانات يله كمت اطلع وامشي بلعت ريك بهضم وكلت

::-الحمدلله الكاتبة الله جاي نعشية

-الحمدلله الحمدلله

::-اسراء شلونها

-الحمـَدلله زينة

::-عساها

رفعت راسها باوعتلي عدها حچي هواي ...كلت

::-شعجب ذكرتيني
عبالي ناسية عندچ بنت اخـو

كلت هيچ وهية
طكتها بچية بصوت عالي
دنكت ابچي ومسح بعيوني ماريد ابچي حالفة ما اضوج ولا اذكر
ماضي ولا راح ارجع افكر بي