البارت الاول
مادام الحِزن بالروح
باچر عگبة تگضي الروح
ويموت الحِزن بيها •*
.............
جاي افكر بافكاري وتذكرت كلمة امي اجت ع بالي وهيه تكول مو ذنبنه نولدنه حتى يصير بينه كل هذا ونتبهذل عرفت امي موبس شافت الويل ويه ابوي لا راوها انجوم اليل ع اصوله بس كاتمه بكلبها وساكته ع سوالفه وتضمضمله وتستر عليه..
اسمي نور.... العمر 20 ومقبله ع اوحد والعشرين بنيه حالي حال كل بنيه تريد تعيش حياتها وشوف مستقبلها بس جان كله مرفوض... ابوي شيخ متدين يحدث بالمجالس والحسينيات.. عنده كلشي بالحياة منوع تطلعن منوع تطبن منوع دراسه كلشي عنده ممنوع الدين هو اساس البناء العائله وتكوينها بس دين ابوي يختلف جذرين عن الدين الحقيقي... ما دارسه بنيه اميه لا اعرف اقرة ولا اكتب ترتيبي بالعائله الزغيرة بس منبوذه.... ابوي عنده قانون بالبيت حرام نشوف تلفزيون حرام نكعد سوه ونسولف وسوه.... حياتنه عبارة عن اكل وللغرف..عندي ثلاث خوات ثنين تزوجن مجبورات ومن قبل ابوي وبقينه ثنين .... عندي خوان ثنين عند ابوي لا يصعدون ولا ينزلون لو امي كالت سوو خطأ معناها تكوم القيامه ع راس امي واهلها... محرومين من ابسط حقوقنه الي هيه الراحه... كون اذا اجه ابوي من برا يلكانه انه وخواني بالباب المطبخ واكفات ننتضره بالماي والطشت يغسل ونغسل رجليه ومن يخلص نكوم نحضرله الاكل ومن نكعد لحد ما نكوم سكته بسكته....واذا صار حس من عدنه بالغلط ارفع معناها خلاص صرت مو شريفه تعلمنه ع قسوة مالت ابوي وقسوة الدنيه علينه... نزلت جوه كل عاده قبل لا يكعد الديج كون احنه بالمطبخ... دخلت شفت امي وفاطمه كاعدات يسون ريوك غسلت وبديت اسوي ويهن صبينه وكملنه وكعدنه ع السفرة.... خلصنه ريوك كل عاده الصمت مصدر البيت... ابوي صاح المي وراحته وانه فاطمه نغسل اماعين
فاطمه... بصوت ناصي... نور
نور.... بنفس النبرة... هااا
فاطمه..... تتوقين ابوي شنو يريد من امي مو عوايده يصيحه
نور..... ما اعرف تطلع وسئليها
فاطمه..... مارايده روحي لا خليني ساكته
سكتنه ورجعنه نكمل غسل بسكته خلصت وصعدت فوك بغرفتي بين الحيطان الاربعه بعدها سمعت صوت التلفزيون نزلت امشي ع كيف شفت فاطمه شاعلته طفرت يمها بصاله
نور...... جاي تسووين
فاطمه.... سكتي لا يكعد مجتبى ابوي راح للناصريه عنده شغله هنااك
نور.... ياااي صدك انطيني خلي اباوع
فاطمه..... راح اخلي ع هاي
خلته ع قناة بيها مسلسل كعدنه نباوع بسكته سمعنه صوت حمحمه وكفنه بخووف وكلبنه يرجف وحده لازمه بثانيه شفنه مجتبى مجتف ايده وعيونه علينه
أنت تقرأ
رهينة لضباط
Randomهلي رحموني شويه هلي ليش الاذيه هلي اني مو شاعر ولا يم الشعر حيلل بس من ضيمكم كمت اكتب البيه هلي اخوان يوسف ارحم شويه ..... بقلمي انا وردة البصرة ... 🦋
