ذبيت الخضره وكمت
ناره : ما اترس بطني اكل حرام انطيني فلوس من ابوي واني اعرف اتصرف
عبير: ابوج عافج ومشه اتزوج وحده بغداد
ناره : من وره سوالفج براسه وتسولفين وي الزلم اثنينكم عاارات اخخخ
عبير : اتغلطين عل امج
ناره : اذا مديتي ايدج عليه مره ثانيه اشرد والله
عبير : اشردي ياريت فرغيلي البيت جاي اتسويلي طسه بطريقي
انصدمت من كلامه ادموعي شكد ما اكابر نزلت وحده خليت كلشي وصعدت فوك غطيت راسي بالمخده والجرجف وضليت ابجي لوين متت جوع والصبح لا ريوك نزلت جوه اسمع بس ضحكه بالغرفه بلا ضمير ابد حطيت مركه وخبزه وتغديت
عبير : رضيتي
ما حجيت ضليت ساكته خلصت اكل غسلت المواعين ونضفت المطبخ وصعدت فوك عطله شسوي رتبت الهديا وعليه اسماء حسب الرتبه وكدامه اسمه ما حسيت يمته خلص الوكت واسمع اذان الغروب كمت صليت ونزلت جوه
عبير : شويه بعد اني اطلع
ناره : وين وعايفتني وحدي
عبير : ما اطول شغله ساعه ورجع
عرفته طالعه وي حبيبه سهره سكتت يعني شسوي احنه حته اعمامي اتبرو منه وطشو كلمن بيت وكلمن حاير بروحه
عبير : لا تفتحين الباب
ناره : فديته الي تخاف عليه عل اساس
عبير : صوجي
هزت ايده ومشت ضليت وحدي ودنيه ليل وزغيره حقي اخاف غفلت الباب وراها وضليت الوب وحدي كليت طماطه من النوع اهوااي اكل وتارسه شوي رجعت ارتب بالهديا ولفت نضري اسم حلوو (متعب) الرائد متعب اتجاهلته واذا اسم ضليت ارتب بيهن وبالاخير حيل حيل عجبني وحسيت بغخر بنفسي خلصت وحتاريت شسوي حته موبايل ما عندي واتصل عليه اكلله خايفه لحد 2 بليل اندك الباب دكه حيل مالت مسودنين ضليت جامده اسمعهم يصيحون
الرجال : الامن افتحو الباب تفتيش
بلعت ريكي بخوف رعب رعب شسوي مدري لبست شالي وطلعت
الرجال : افتحو الباب تفتيش
ناره : بس اني وحدي عمي
الرجال : الج الامان بنتي افتحي
فتحت الباب وصرت وراه احتمي بحديده دخلو جنود لابسين اسود باسود
متعب : اطلعي خل نسالج
بلعت ريكي للمره المليون من الخوف
ناره : كو كول عمي
متعب : وين اهلج ليش وحدج
ناره : وحدي امي عد خالتي وابوي تاركنه
متعب هم دخل شخص لهناك او شفتي اي شي غلط بالمنطقه
أنت تقرأ
نَارِه والرَّائد
Fanfictionفتاة ذات السادسة عشراً ربيعًا تظلم من قبل أقرب شخص لها لتقع بين إيادي لاترحم لكن هناك الآمل الذي يبقيها حيه وهي ملائكتها الثلاث إنها ناره انها الشعلة التي لن تنطفىء ستقاوم وستعيش عنادًا سلطان الشاب الذي شهد خيانة زوجته ووالده أطفاله أمام عينيه هل س...
