منشور قرأته فلم أستطع عدم نقله|
°°°
كتبت د.شيما مشرف:
《ملحوظة قبل ما تقروا وتقولوا بس هي مش حرام
عارفة ومقرة.
ومش بلوم اللي بيعملها
أجاز أهل العلم زينة رمضان بشرط عدم اشتمالها على محرمات من ذوات أرواح وموسيقى مثلا ولا تكون فيها مغالاة وتبذير ولا تكون داخل المسجد
وملحوظة تانية الغرض من المنشور حكايتي مع التقليل من الزينة لعل في زمن الغلاء ده المنشور يهون على من عجز عن أمور كان متعود عليها ومتخيل إن السعادة فيها
°°°
رقية فوجئت بإن المدرسة هتعمل زينة رمضان وأغنية لرمضان
وراجعة تسأل: هو رمضان مش شهر صوم وقرآن
من أمتى رمضان زينة وأغاني؟
°°°
حقيقي ما كنتش متخيلة إن دي ذكرياتها عن رمضان
وفعلا اللهم لك الحمد فرحت جدا
الحمد لله إن من صغرهم وعمرنا ما علقنا زينة
ولا زودنا في الأكل عن العادي في غير رمضان
ولا كل يوم فيه ما يشتهر به رمضان من كنافة وقطايف وعصاير
إذا عملتهالهم مرة في الشهر يبقى حدث
ولا عمرنا جبنا خزين رمضان
ولا ياميش رمضان
ولا عملنا تفريزة لأكل رمضان
وطبعا مفيش أغاني ولا مسلسلات ولا برامج رمضان
عمرهم ما شافوها في بيتنا
والحمد لله ذكرياتنا عن رمضان أجمل ذكريات
https://www.facebook.com/100002421841995/posts/3790619244362100/?mibextid=q5o4bk
وشهر رمضان بيكون أقل شهر في المصاريف بفضل الله
وكمان اللهم لك الحمد أقل وزن خلال العام
وكمان معندناش عزومات في رمضان
لا اتعزم ولا أعزم
إلا إنه يكون حد من الأهل مش هعمل حاجة غير المعتاد
السريع ده
لا صواني ولا محاشي ولا حلويات
حتى العيد مش لازم لبس جديد
طالما جبنا أول الموسم ومش محتاجين وعندهم لبس جميل
السنة لبس أجمل ثياب مش شرط تكون شارينها للعيد
ولما سألوني ليه مش بنشتري زي الناس بلغتهم ان عشان عندنا يكفي
ومش محتاجين تاني
ولو عوزين على العيد نأجل الشرا أول الموسم
اختاروا اول الموسم
وبيفرحوا عادي على العيد بالعيدية والفسحة
مش حابة أعودهم على أمور زيادة مش في السنة
تبعدهم عن روح رمضان
وهو: التقوى
عمري ما اشتريت لهم فانوس
من صغرهم لما يقولوا فانوس رمضان
أقول لهم رمضان مالوش فانوس رمضان شهر صوم وقيام وقرآن
