Unicode
လွန်
အပိုင်း (၇)
" ပန်းကလေးများပွင့်တော့မည် ဖူးတံဝင့်လို့ချီ နေခြည်မှာရွှေရည်လောင်း ငါတို့စာသင်ကျောင်း "
အရှေ့ကဆရာမမှ ကဗျာလေးအား အဆုံးထိရွတ်ပြသွားပြီးနောက် ကလေးများမှလည်း တညီတညာလိုက်ရွတ်ကြ၏။
အဖြူနှင့်အစိမ်းကို သပ်ရပ်နေအောင်ဝတ်ဆင်ထားပြီး တစ်ပတ်သျှိုဆံထုံးလေးထုံးထားသော ထိုဆရာမလေးကား ကျက်သရေရှိလှ၏။ စာသင်ရာမှာစိတ်ရှည်သည့်အပြင် ကြင်နာတာကြောင့် ကျောင်းသားတွေတင်မက ကျောင်းကဆရာ ဆရာမများပင် ချစ်ခင်ရသူဖြစ်၏။ ထိုဆရာမလေး၏အမည်နာမကား ယိမ်းနွဲ့မူ ။
" ကဲ ကလေးတို့ ဒီနေ့ ဆရာမသင်ပေးလိုက်တဲ့ ကဗျာလေးကို အိမ်ရောက်ရင်လည်း ဖတ်ကြည့်ခဲ့ကြဦးနော် မနက်ဖြန်ကျရင် ဆရာမက တစ်ယောက်ချင်းစီ ဖတ်ခိုင်းဦးမှာနော် "
" ဟုတ်ကဲ့ပါ ဆရာမ "
အတန်းထဲမှကလေးတွေရဲ့ တညီတညာတည်းဖြေလာသော အသံကား စိတ်ကိုကြည်နူးစေလှ၏။ အတန်းဆင်းနှုတ်ဆက်ပြီးသွားတော့ ကလေးတွေလည်း အပြင်သို့အလျှိုလျှိုထွက်သွားကြတော့၏။
" အစ်မယိမ်း ကလေးတွေက အတန်းပြီးပြီမလား ကျွန်မတို့ နေ့လည်စာစားနားရအောင်လေ "
" လာပြီ သင်းသင်း "
ယိမ်းနွဲ့မူ ဆရာတွေနားနေခန်းထဲသို့ လိုက်သွားလိုက်သည်။ ပုံမှန်ဆို ယိမ်းနွဲ့မူကားအလယ်တန်းပြဆရာမတစ်ဦးဖြစ်၏။ ဒီရက်ပိုင်း အငယ်တန်းက ဆရာမတစ်ယောက် ခွင့်ယူထားတာကြောင့် သူက ဝင်သင်ပေးနေခြင်းဖြစ်သည်။
နားနေခန်းထဲတွင် ဆရာ၊ဆရာမများကား ကိုယ်စီထမင်းချိုင့်တွေဖွင့်ကာ စားသောက်နေကြ၏။
" လာလာ ယိမ်း နင့်မလည်း အစားဆင်းပေးနေရတာနဲ့ ပင်ပန်းနေရောပေါ့ "
ကျောင်းအုပ်ဆရာမကြီးမှ ယိမ်းအား စကားစမြည်ပြော၏။
" မပင်ပန်းရပါဘူး ဆရာမကြီးရယ် ကျွန်မကတော့ ကျွန်မချစ်မြတ်နိုးရတာတွေ လုပ်နေရတော့ ပျော်နေတာပါပဲ ပင်ပန်းတယ်တောင် မခံစားရပါဘူး "
YOU ARE READING
လွန်
Teen Fictionလူတွေကတော့ အချစ်ကိုအမျိုးမျိုး အဓိပ္ပါယ်ဖွင့်ဆိုကြတာပါပဲ ။ တချို့ကတော့ ချစ်တဲ့အကြောင်းကို မှန်ကန်ရိုးသွားစွာဝန်ခံရင်း ဆက်ချစ်သွားကြတယ် ။ တချို့ကတော့ အမျိုးမျိုးသော အကြောင်းအရာတွေကြားမှာ လွန်ဆန်ရင်း ချစ်ခြင်းမေတ္တာကို ပုန်းရှောင်ကြတယ်။ ဒီဇာတ်လမ်းလေးမ...
