قصص قصيرة منوعة 💙💙

اسكريبت عودة بعد فراق 💗🥺

اسكريبت.... عودة بعد فراق

إلياس: انتي ليه بتعملي فينا كدا بنحب بعض وانا عايزك ومش عايز اتخلي عنك ليه مش عارفة تتنزلي عن حاجه واحدة بس عشاني

ندي: إلياس انت عارف كويس اوي اني مش بحب اتنازل وان حبي ليك في كفه وتنازلي في كفه تانية وكمان عارف انا ليه تفكيري كدا بس معنديش مشكله اقولك تاني ان بعد التنازل مرة هيبقوا مرتين واكتر وهيتحول من تنازل يتقدر لحق مكتسب وانا عقدتي دي وانت عارف انا مخبتش عليك حاجه

إلياس: ياندي انت ليه مش قادرة تفهمي اني مقدرش ابعد عن اهلي واني لازم اكون جمبهم ومعاهم

ندي: بص يا إلياس انت محسسني انك هتبعد عن اهلك لوحدك واني هسيبك او هاخدك ونروح نعيش عند اهلي طبيعي لما نكبر بنبعد عن اهلنا شوية مبنبقاش زي الاول بحكم ان كل واحد ورا مشاغل ودا ميمنعش اننا هنكلمهم كل يوم نطمن عليهم ولو حد فيه حاجه هنروح نشوفه

إلياس: انا مش عارف اقتنع بكلامك دا انا معنديش استعداد ابعد عن اهلي مهما حصل واحنا مش متفقين يا ندي

ندي: انت صح احنا مش متفقين ومحدش بيمشي ورا قلبه غير الي عايز يخسر حياته هو الي بيمشي ورا قلبه بس وانت اختارت تمشي ورا اهلك يا الياس دا قرارك ودي حريتك

ورحلت من المكان دون النطق بكلمة اخري....

اتصلت بصحبتها رودينا

ندي: الو ازيك يارودي عاملة اي ياقلبي

رودينا: الحمدلله ياندوش صوتك ماله يابت مين مزعلك

ندي بهدوء: محدش مزعلني انا وإلياس اتكلمنا وسبنا بعض وانا مشيت وسبته من غير ولا كلمة بعد ما قولت كل الي عندي

رودينا: انتي بتهزري دانتو بتحبوا بعض وكل ما كنت بشوفك معاه بقول لا يمكن حد فيهم يقدر يعيش من غير التاني ازاي دا حصل اي سبب المشكلة

ندي: اها مش عارفة ابدا منين ولا منين يا رودي المشكلة كلها انه عايز يعيش في بيت اهله ومش عايزنا نعيش لوحدنا ونشوف حياتنا وهو عارف كويس اني بعمل لنفسي كارير واني عندي حلم وعايزة احققه واني هسافر في ااقرب فرصة لتوسيع شغلي الي هبداه إلياس مش قادر يفهم يا رودي ان العصافير لما بتكبر بتسيب العش عشان تحقق انجازاتها

رودينا: طب ليه محاولتيش تتكلمي معاه وتفهميه النقط دي يا ندي ليه سبتوا بعض وكان فراقكم اسهل من انكوا  تحلوا المشكلة دي ليه يا ندي انتي بتحبيه وبتحبيه اوي كمان ليه موصلتيش معاه لحل وسط

ندي بهدوء عكس كل الدوشة الي جواها: حاولت يا رودي بس إلياس مش قادر يستوعب كلامي هو شايف اني المفروض اتنازل عشانه زي ماهو هيتنازل عشاني انا تعبت يارودي هقفل دلوقتي يارودي مش قادرة اتكلم تاني سلام

قفلت مع رودينا وقعدت علي سريرها وبدات تعيط كتير اووي لحد ما تعبت ونامت نامت كتير اووي كانها بتهرب من الواقع كله

تاني يوم صحيت من النوم راحة الجامعة مكنش ليها صحاب كتير في الريل او بالاخص في الجامعة يومها خلص ورجعت البيت قعدت لوحدها تكتب كل حاجه حصلت من البداية ومكنش فيه بينهم تواصل خالص

بعد مرور 9شهور علي فراقهم وهما الاتنين مفيش بينهم تواصل ميعرفوش حاجه عن بعض الوصال بينهم كان اتقطع حرفيا

قدام البحر مكنها الي بيداوي وجعها في كل وقت وكل ذكري ليها بتروح هناك تقعد قدامه بالساعات شوية تحكيله وشوية تبكيله وشوية تضحكله بتحكي ذكري ليها معاه بتلف فجاة راسها ودموعها بتنزل مع ضحك شافته واقف جمبها بيبص عليها ملامحه كلها حزن دقنه طولت كتير عن اخر مرة شفته فيها مسحت دموعها في ثواني وبصتله كتير اوي قرب منها الكام خطوة الي بينهم وبدا كلام ودموعه عمره مخباها قدامها

إلياس بنبرة كلها حزن وكسره: وحشتيني ياندي وحشتيني ياحته من قلبي كل الي فات من غيرك وجع انتي دوائي وراحتي وامني مش قادر ياندي من غيرك مش قادر محدش بيموت ورا حد بس انا بتقهر وراكي ياندي

ندي ودموعها عارفة طريقها علي خدودها: هقولك غيابك عمل فيا اي يا الياس غيابك وجعني خلاني جسم من غير روح روحي وقلبي وضحكتي راحوا معاك يا الياس محبتش غيرك ومش هقدر احب غيرك مهما حاولت انساك مش هقدر

إلياس وهو بينزل علي ركبته قدامها: تتجوزيني ونركن كل مشاكلنا علي جمب وكل حاجة وليها حل بعد الجواز المهم نكون مع بعض انا مش هقدر اكمل بعيد عنك ابدا

ندي بدموع فرحتها وهي بتقومه من الارض: موافقة يا حياة ندي موافقة وانا واثقة ان كل حاجه هنعديها سواا وانا في حضنك يا الياس بحبك قد ما السماء مليانه نجوم

إلياس وهو بيحضنها: بحبك يا ندي يانبض الياس وحضني دا مكانك لاخر يوم في عمري
.......................................
بقلمي: إيليا 😌