انتي الوطن لا صار مالي فألارض وطن

خلك عزيز النفس لو همومك جبال لا تشتكي للناس من حر مافيك

غيثان: طيب ـ
اليوم الثاني

الفجر الساعه ٥:٠٠

ابو مضحي : ياغيثان قمم لاتتأخر وراك مشوار ١٠ ساعات

غيثان يله يبه

قم وتجهز ولبس وطلع ولقا اهله جالسين يفطرون وجلس معهم اول ما جلس جلده ابوه
ابو مضحي : وجع قم قم شغل السياره لاتتأخرون
ضحك غيثان :يابه ترا كبرنا والله
حب غيثان راس ابوه وراح لأمه باس راسها ونزل بيبوس رجلها ومسكته وقاوم امه وباس رجوله بقوه
ام مضحي: ليه ياولدي
غيثان: كيفي امي
جلست تضحك
غيثان استودعناكم ربي دعواتش يامه
طلع
بعد مرور عشر ساعات
الساعه ٣:٠٠ في الرياض
مضحي: بسم الله نزلنا بنرتاح لنا ساعتين وبنمشي نسجلك وبكرا نرجع الديره الموافقه تاخذ اسبوع
غيثان : تم
الساعه ٥
مضحي : ولد قم قم لا يروح علينا الوقت
غيثان نط : قام ولبس وتكشخ وطلع
انتهت المقابله وهم كانو منبهرين بثقة غيثان وذكائه
وكان احتمال انه يتوضف
رجعو للشقه مضحي نام بس غيثان ماجاه نوم
فجأة تجيه رساله من غسان
غسان : ولد سمعت انك جيتوا
غيثان: ايه والله جيت اقدم على وضيفه هنا
غسان : مبروك عقبال الموافقه ان ربي كتب
غيثان انشالله
غسان : ولد
غيثان :لبيه
غسان لباك شرايك نتقابل من زمان ماشفتك لدرجة نسيت ملامحك يارجال ما اشوفه الا في السناب
غيثان : تم وانا والله اشتقت لك بس نبغى بر مالي في الحدايق
غسان : تم برسلك موقع البر
غيثان : يله
البر ماكان بعيد
وجلس غسان يوصف لغيثان المكان لين وصل اول ما وصل
فزز غسان بقوه وابي خشمه (سلام الرجال) وحضنه بقوووه وغيثان كان يمسك دموعه وشد على غسان
جلسو وقامو يسولفون ويتذكرون ماضيهم لف غسان وقال : بسألك قمراء للحين ملسونه ولا عقلت
غيثان : لا معليك باقي ملسونه
جلسو يضحكون
ويتكلمون عن ماضيهم وطفولتهم وخذتهم السوالف
وقامو يرددون اغنية الطفوله :
ياديرةً حبها من حب مخلوقي لو تعرفين
ياعاذلين الهوى مايفيد الكلام
مسكين مسكين من قد بلي بالغرام
مسكين مسكين يامنية العاشقين احيني بأبتسام
مسكين مسكين من قد بلي بالغرام في ضحكته
بدر خمسة عشر باكتمال مسكين مسكين
مر الوقت لين الساعه فجر٥:٠٠
وصلو الفجر جماعه وكل واحد راح لبيته وجلس مضحي يسوي فطور وافطرو ومشو للديره
وطول الطريق غيثان نايم
وصلو وفزت قمراء وحضنت غيثان بقوه وهو شد عليها قال : شدعوه ترا يوم بس اجل لو اكثر
مطلق : وجع تضمينه وانا لا
جت قمراء عليه وحضنته بقوه وهو حب راسها
مطلق : الله يحفضش لنا ويجعل مثوى رهف الجنه
كلهم قالو امين
مطلق بمناسبة التجمع ذا يمه ابغاش تخطبين ليه
اما مضحي قامت تزغرط وقالت الف مبروك بس من تبغى
مطلق : والله مافي راسي احد الي تختارين لي خير وبركه بس اهمشي تحترمش انت وقمرتي
ابتسمت ام مضحي وجلست تفكر
قالت وشرايك بدلال بنت محمد
مطلق الي ودش
ابو مضحي : بنكلمه وبكره وحن عنده إنشاءالله
مطلق : طيب
كانت قمراء تناضر فيهم ودخلت غرفتها وجلست تصيح بسبة ان بيتهم بدا يتفكك مضحي عايش طول وقته بالرياض ورهف توفت ومها توفت قبل لا تولد حتى وغيثان يبي يطلع يتوضف ومابيصير في البيت الا هي
طلعت العصر لبيت ريانه وريآن
ريانه: هلاااا والله ارررررحبي
قمراء: هلا فيش المرحب باقي
الا وين ريأني