انتي الوطن لا صار مالي فألارض وطن

وينك يادرب المحبه

سعد: صح لسانك
غيثان: صح بدنك
قمراء وهي تحاول تحرجه :ليه يوم اني طلبتك ذاك اليوم ماعطيتني قصيده ولا عشانها غند الي طلبتك 
غيثان سكت مارد
ريآن :اي اي شكله عشان غند الي طالبته

غيثان: لا شدخل 
كان نايف ساكت وهو يتنقى بين غند وقمراء
لاحضت نضراته قمراء وبرضو غسان
غسان كن يغلي منقهر ليش جالس يطالع قمراء واخته
الكل لاحض تعابير وجهه وهو فجأه قام من الجلسة لاحضه غيثان وقام ولحقه
راحو الخيمه سأله غيثان وش فيه
غسان: ولاشي بس متضايق شوي
غيثان:وش الي مضايقك
غسان : ماتشوف الكلــ..ـب ذاك نايف قاهرني
غيثان معليك منه امش كبه اجلس معنا
غسان : انت رح انا ودي اجلس هنا

غيثان: كيفك
طلع غيثان واتجه للفرشه وجلس التفتت له قمراء
قمراء : وين غسان راح
غيثان: شدخلش
قمراء: وجع اتكلم معك بأسلوب تكلم معي بأسلوب
قامت قمراء وأشرت لغند تقوم
لحقتها غند :  شفيش
قمراء: اسمعي روحي شوفي خيمة الرجال غسان فيها ولا
غند : ليه
قمراء: كذا قلبي ناغزني احس ان فيه شي
غند : شعنده الحبيبه
قمراء: اخلصي روحي
غند طيب طيب انتضريني
راحت غند دخلت الخيمه مالقت الا غسان
كان باين من وجهه انه متضايق حيل  سألته غند قال مافي شي اطلعي من عندي
طلعت غند وراحت علمت قمراء
قمراء استغربت بس حسبت انه زعلان منها لأنهم قبل يجون البر كانو يتهاوشون وهي رجمته بالحيد في راسه وهو توجع
راحت للخيمة وجلست قريب منه
قمراء: غسان انت زعلان مني يوم اني رجمتك
غسان : لا ياقمراء بس ضيق خاطري شوي
قمراء: اهمشي ماتكون زعلان مني
غسان : لا معليش بس ابغى اجلس بالحالي
قمراء: طيب بطلع
طلعت قمراء وهي خاطرها ضيق تبغى تعرف وشبلاه ولا علمها
قمراء: يووه انا وشدخلني فيه بحريقه يزعل ما يزعل انا ليه اضيق خاطري بروح العب مع البنات
راحت قمراء وجلست معهم وقامو يلعبون وهم فنص العب ناضرت غند غيثان بعدين لفت على قمراء
غند بصوت عالي: يوووه تذكرت اني اتغطى
نطت ريانه في النص بي غند وغيثان
ريانه: وجع انت وهو إذا ما ترضى احد يشوف محارمك لا تشوف محارمنا ! وجع عيال اخر جيل مايستحون
ريآن : اي والله صدقتي
غيثان والعيال راحو يجهزون العشاء والبنات متفجرات ضحك على ريانه
ابو مضحي: وين غسان مايجي يساعدكم
غيثان: راسه يوجعه قلت له يدخل الخيمه
ابو مضحي: ادعه ادعه يجي يجهز معكم ويتعشى
غيثان: معليه بدعيه
راح ودعا غسان
تعشو وخلصو ورجعو البيت
الصبح بيت ابو سعد

وسط نقاش حاد
سمر : اذلفي من بيتنا
العنود : والله يقلبي البيت ذا الي تقولين انه بيتش بيت عمي على فكره وبعيش هنا طرق عن خشمش
سمر : ناقصين حنـ....
ابو سعدوالشرار يتطاير من عيونه  بصوت عالي : سمرررر وشذا الكلام الي تقولينه
سمر ببكى ودموع تماسيح : يبه والله هي الي بدت تعايرني بأمي الله يرحمها
ناضرتها العنود بنضره تطيح الطير من السماء
العنود : هي هي انتي مهوب انا الي اقول كذا وعمتي عندي اغلا من نفسي يا العجوز المتكسره
دخل سعد: يالله صباح خير شفيكم
سمر : امسك بنت عمك الخبله ذي
العنود : والله انتي الخبل يا التيسه
قاطعهم ابو سعد : بسس
وهدو ابو سعد : لازم كليوم نقوم على خصمتكم هاذا وانتو كبار وش خليتو للبنات الصغار
سمر اعتذري لعنود
سمر : لا والله وليش هي ماتعتذر لي
ابو سعد بصوت عالي والعصبيه باينه في عيونه : قلت للك اعتذريي لها
سمر : انا اسفه
أبو سعد :العنود اعتذري
العنود : انا اسفه
بيت
ابو غند
غند في المطبخ : غسان وجع جعل حلقك لسداد عادني منصفه المطبخ وانت كل شوي جاي ترُم ( يعني تأكل كثير )
غسان : كيفي انتي شدخلش بطني ولا بطنش
غند بعصبيه وصياح : يااااابه تعاللل شل الكلب ذا من عندددددي
جاء ابو غند : شقومش اصواتكم واصله للشارع
غند : شف الكلب ذا لما قد نضفت المطبخ يجي يزين له زاد ويرجع يعفسه وما ينضف وراه
ابو غند : عيب عيب عليكم تخاصمون بعدين انت يا غسان لما سويت لك شي فنضف مهوب تخليه وراك
بيت
ابو مضحي