الضابط و جمارة

البارت الخامـس 💥

نـرجع نكمل الفتره الي عانت بيها جمـارة يلاا.....
بـ الفتره الي چان علي عايف جمـارة چان محرم والأربعين صادف وجمـارة چانت تريد تروح ومتلهفه توصل و تطلع كُل الي بگلبها بـ الضريح علمود شويه ترتاح المهم أهلها لجمـارة راحوا و بَـعد هوايه سوالف ومنها انُ رادوا أهلها يرجعون بدون ميزورون لأن هوسه وهوايه ناس جمـارة طگت بچي لأن بگلبها شي مكتوم رادت تحچي وبلحظه تراجعوا وقرروا يبقون وفرحتها متنوصف بـ ليله الاربعين راحوا يزورون جمـارة زارت و دعت عَـل علي برئيكم ليش ؟ لأن بسببه هوايه تعذبت حياتها صارت عذاب صارت تتمنى الموت بـ كُل دقيقه ولأن حبت شخص چان يضحك عليها وعنده هوايه بنات وميهمه إذا وحده راحت أو ماتت أو بقت المهم يتونس ويضحك عَـل بنات چان تلوم روحها لأن حبت هيچ وچانت تسئل رب العالمين ليش حبيت هيج شخص ليش ما حبيت شخص زين ليش چنت مخدوعه ليش نضحك عليه المهم جمـارة صلت بـ الامام الحُسين ( عليه السلام ) و دعت أنُ الله يطلع حوبتها وحوبت كُل بنيه ضحك عليها و انُ الله ميوفقه بـ رغم هذا كُله مچان الدعاء مِن كُل گلبها لأن گلبها يريده چانت تنطق شي وگلبها ينطق شي ثاني واخير شي گالت ياربِ إذا الي جاي اگوله صَـح حققه وإذا غلط خليني احچي ويا واعاتبه عَـل كُلشي واعرف ليش هيج سوا وبچت لأن ماتحملت هوا هيچ بعيد وهيه متعرف شي وبـ حيره ودعت انُ ترجـع السنه الجايه والله مطلع حوبتها بـ علي بَـعد الي سوا بيها وعافها ولا كأنوا ، و كذلك راحت بـ الامام العباس ( عليه السلام ) كررت الدعوه و الصلاه ، جمـارة شويه ارتاحت زارت والحمدلله صَـح چانت ايام الزياره ايام متعبه بَـس الحمدلله رجعوا لمحافظتهم وهان التعب ، جمـارة رجعت لأيامها تعب وعذاب وعلي ماكو و وراها صادفت دوام المدارس وجمـارة صف رابع ، داومت وچانت شبه منكسره چانت تروح وتجي بلا روح يمها الموت احسن چانت تدعي تموت بـ طريق كُل يوم تدعي انُ يصير حادث أو شي وتموت وتخلص چانت هوايه ضل تصفن بـ الدرس وتذكر وچانت تدمع ومرات تبچي والبنات يسئلوها وهيه متجاوبهم گضتها هيـچ و جمـارة وكتها صادف انُ اشترت رقم جديد وسوت واتساب جديد وچانت عايفته علمود بـ رأس السنه تروح تعايد علي لأن تعزه وتحبه وهوا اول واحد تعايده وهيه چانت تعرف انُ هوا عايش حياته بدونها ومرتاح وعنده هوايه نسوان ميهمه لا جمـارة ولا غيرها لأن اكو الف وحده مكانها المهم بـ رأس السنه أهلها طلعوا ويا شركـه بـ مناسبه رأس السنه بـ بغداد فَـ هيه چانت تنتضر ساعه ١٢:٠٠ حته تعايد علي وچانت خايفه هَـم يحضرها مرا لخ وينكسر كُلشي بداخلها مرا لخ ، المهم صارت ١٢:٠٠ وهيه چانت تمشي بـ الشارع وگلبها يدگ تكتب الرساله .
جمـارة : " كُـل عام وانتَ بخير ، سنه سعيده عليك أن شاء الله" .
علي : وأنتِ بألف خير ياب
جمـارة : تسلم
علي : چنت اريد افتح الحضر عن جنابكم واعايدكم بَـس ترددت
جمـارة : مداعي تتردد لأن چنت انتضر بَـس اني جيت راسلتك وعايدتك لأن نفس كُل مرا اني اجي وابادر فَـ هل مرا هَـم عادي جيت .
علي : هاي صوره اعتبريها هديه لرأس السنه
جمـارة : رد جمـارة عَـل صوره : شگد حلو هل طول
علي : طبعاً 😎
جمـارة چانت متعوده وابتسمت مِن شافت رسالته لأن هيه متعوده عَـل علي مِن قبل شايف روحه ، المهم قبلها بأيام قليله يمكن اسبوع هَـم جمـارة مسويه حساب جديد وراسلته وعاتبته وطلعت كُل الي بـ گلبها و هوا طلع اعذار گال انُ هوا گال لأخته تگول هيچ والي قارين البارتات القبل مِن اخت علي گالت لجمـارة أنتِ زينب ؟ جمـارة گالت لعلي گاللها هوا گال لأخته تكتب هيچ علمود يخلي جمارة تكرها و بـ رغم كُل هذا جمـارة مچانت مقتنعه بـ كلام أخته وماكرهته لأن حبته مِن صدگ وصار روحها المهم هيه گالتله واختم نجحت بـ هل شي وهوا هل كلام غلط هيه مانجحت لأن جمـارة تحب علي مِن كُل گلبها ومُستحيل يجي يوم اكرها الا اذا الله كاتب هالشي ، نوب علي وكتها گال لجمـارة  .
علي : " اني راح احضرچ لأن إذا بقينا هيچ واحد مگابل الثاني راح ننقهر "
وهاي چانت حجه وجمـارة تعرف الشي وهيه گالتله راح اگول شي وبعدين احضرني :
اني ماكرهتك ولا راح اكرهك وادري كلام أختك صدگ واني وعدتك راح اضل احبك وبعدني عَـل وعدي بـ رغم كُلشي سويته ، وهوايه كلام بداخلها طلعته وهوا بـ كُل برود شاف وحضرها گبل يمكن حته ماقراها كُلها ، جمـارة چانت واثقه انُ راح تحچي ويا بَـعد مرا جايه مثل ما هلمرا حچت ويا بَـعد ٥ اشهر وصدگ بـ رأس السنه حچت ويا وبعدها خل نكمل طلبت منه انُ مايحضرها وهوا گاللها تدللين وهيه چانت مصدومه وفرحانه بـ نفس الوقت المهم هذا الحچي چان عَـل واتساب وكتها ضلت جمـارة بَـس تريد تفتح اي موضوع وتحچي ويا علي فَـ گالتله افتح الحضـر مِن التلي فَـ فتحه نوب عَـل تلي صاروا يحچون نوب جمـارة بعرتها وهَـم فتحت السوالف الماضي والعتاب بَـس والله حقها لأن الصار بيها ابد مو قليل ابد ، فَـ هوا ضاج لأن قبلها اتفق وياها انُ اصدقاء يبقون ، فَـ جمارة گالت :
جمـارة : عادي گول ماريدچ گول علشنو ساكت
علي : أنتِ جبتيها لروحچ ، ماريدچ .
تتخيلون ؟ هاي بدال ما يگول كلام حلو الها أو يراضيها گاللها ماريدچ جمـارة نهارت يعني تتخيلون كُل هل حُب والعذاب والاهتمام والي تحملته بسببه يجي بـ كُل سهوله يگوللها عادي ماريدج وهنا جمـارة أيقنت انُ هيه لعلي ولا شي حَرفياً ولا شي ومثل اي بنيه ضحك عليها ومل منها وعافها ، گالتله :
جمـارة : تَمـام شُكراً الك
وجمـارة ما تحملت گامت تحچي عليه نوب علي حضرها
جمـارة چانت تهون عدها الماريدچ ولا ترجع لذيچ الفتره والحضر وتتحسر عَـل رساله وحده فَـ وكتها جمـارة مِن حضرها تخبلت چانت بـ بيت جدها فَـ راحت لغرفه وحدها و اخذت مبايلها ومبايل جديتها فَـ گامت تدزله رسائل مِن حسابها الواتس لأن محاضرها نوب حضرها نوب اجت بـ مبايل جديتها  عَـل واتس تدزله رسائل ميرد نوب گامت تتصل حضرها نوب سوت تلي عَـل جديتها وگامت تدزله رسائل وتعتذر ،
جمـارة : علي اسفه والله هاهيه احنه اصدقاء وبَـس واني چنت ضايجه وماتحملت وطلعت الضوجه بيك اسفه هاي اخير مرا والله.....
وضلت تتوسل بي جمـارة الي ماتوسلت لأي كائن بـ هل دنيا و ويا هذا بچي 💔✨
علي : تَمـام هاهيه اصدقاء احنه وبَـعد متنعاد و راح افتح الحضر عن حسابچ الانستا
جمـارة : تَمـام و مِن التلي والواتس حساباتي هَـم والانستا غيرت حسابي هذا حسابي ..
علي : تَمـام
جمـارة راحت بحثت عن حسابه و طلعلها و دزتله طلب متابعه و قبلها ودزتله رساله
جمـارة : ممكن ترد المتابعه بلا زحمـه
علي : لا ، اني اتابع بَـس الي اعرفهم و الأقارب
جمـارة : تَمـام عَـل راحتك
چانت هاي وحده مِن الكسرات الي واجهتها لجمـارة مِن خلال هذا كلامه يعتبر جمـارة غريبه چانت تريد تلغي متابعته بَـعد هذا كلامه بَـس لأن تريد تشوف صوره وكُلشي ومتريد تنحرم منه ضلت ، جمـارة چانت فرحانه حتلو علي ما راجعلها وميحچي وياها كلام حلو فرحانه لأن هوا وياها وبـ حياتها ومتتحسر عَـل اقل شي مِنه......
هاهيه أتوقف لهنـا بـ هل بارت ، وان شاء الله اكمـل بأقرب وقت ❤️‍🩹✨ .