عثرات الرُحَيّل

العثرة العاشرة.

_____________
بقلمي :زينة السامرائي.✨

____________________

سحبني يمشيني للغرفة فتح الباب وشمرني وسد الباب اجة كعد ع الجرباية وضاغط راسة ب ايدية الثنين اني واكفة يم باب الحمام وارجف من الخوف وافرك ب ايدية راح يذبحني هلمرة مايتركني قطع الصمت وگال بهدوء

_شسوي بعد شسوي حبيتج مامشيتي عدل كتلتج ماشيتي عدل حبستج هم مامشيتي عدل طلعتج طببتج مامشيتي عدل شسويلج گام من مكانة اني بساع رجعت ليورة انلزگت باب الحمام

_رُحيل ر ر رُحيل الله يييـ يخليك لاتأذيني

باوعلي وقبض ع ايدة بقوة الة صارت بيضة وعروگ رگبتة نطن عيونة صارت حمر

_لاااء لااااء هاي المرة لاااء

جرني من ايدي واني اعيط وابجي جرني وطلعني من الغرفة مشة بية فوك وصعد الدرج واني يسحل بية اوكع وارجع اكوم وابجي واتوسلة يتركني بس ماكو فايدة ابد وكفنة يم باب غرفة شغل الضواية وفتح الباب دفعني بيهة

_شوفيهة زين........شفتيهة؟

گال هيج وسد الباب وانطفت الضواية هنا اني تهسترت الغرفة جانت عبارة عن سكراب وغراض زايدة وزوالي واسمع اصوات منهة ماعرف يتهيألي ماعرف حقيقة والغرفة ضلمة كعدت بالكاع ابجي وفجأة سمعت صوت مرعب ماعرف شنوة مثل اصوات الاشباح مثل الموسيقى او هيج شي يخوف والمكان يصدع  كعدت ابجي وادك الباب واعيط

_افتحلي افتح الباب رُحيل اخاف من الضلمة رُحيل يجيني شبح والله ماعيدهة بعد والله بس طلعني رُحيل داحجي وياك اثناء مادحجي حسيت شي يمشي من يم رجلي كمزت وعطت بنفس الوكت رُحيل افتحلي رُحيل والله المكان يخوف ماعيدها ماعيدها بعد طفي الموسيقى تخوف دكيت الباب اقوة وصحت رُحيل افتحلي كعدت بلكاع ساندة ضهري ع الباب

وادك بي وابجي خايفة كلش من المكان وضلمة وصوت الموسيقى تصرگعت وحضنت رجلية وكمت ابجي مر يوم كامل اني بهذا المكان والموسيقى طفت ماكو بعد بس المكان اضلم ويصدع مابي شباك دموعي مانشفت ابد وماكو لا ماي ولا اكل خلاني هيج هنا يوم كامل سمعت صوت مفاتيح شفت الباب انفتح واشتغلت الضواية ودخل رُحيل گمت ركضت علية

_رُحيل رُحيل جيت تطلعني الله يخليك طلعني ماعيدها بعد المكان يخوف عفية رُحيل

هوة سد الباب وقفلة واجة لزمني من ايدي جان اكو عامود وسط الغرفة بدة يربطني بي واني احاول اوخر بي ودفعتة عني بقوة اجة لزمني وضربني راشديات متتالية تعبت وخدي احسة اشتعل بنار وهوة يفشر علية ويضرب شدني بلعامود وماحسيت الة وهوة شاگ الفستان من الطول للطول كمت ابجي واعيط واحاول اتحرك واخلص نفسي لأن تكشفت الفستان صار وصلتين وكع بلكاع ضليت بلداخليات شال تيب فتح منة عرفت يريد يسد حلگي