عثرات الرُحَيّل

﮼العثرة ﮼الاولى.

_لو چنا جايين ع الدنيا ع شكل جمل
ف راح تكونين الجملة الي دائماً تكون بين قوسين
_زين وانتة؟
راح اكون القوسين التضمچ

.................................................

مثل عادتي چنت كاعدة بلهول ولازمة تليفوني وبيبي ليغاد عني دتثرم مخضر حتة تسوي كباب عروگ

جتني رسالة من مثنى ابتسمت مكتوب (جايكم بلطريق اريد اشوفج وبيبي ماتكول لا ف لتناقشين) ابتسمت وكتلة كل الهلا بيك بعدين مسحتهة شبيج حورية استخفيتي كتبتلة ماشي ودزيتهة شرگت الضحكة من الاذن للاذن رحت للغرفة حطيت عطر ومسكارة

وحمرة خفيفة وكعدت انتضرة اندكت الباب رادت تكوم بيبي كتلهة لا بيبي ارتاحي اني اكوم كل فكري مثنى اجة فتحت الباب وماشوف غير شخص ملثم فات للطرمة باوعتلة واني مصدومة

_منو انتة

_جنسيتج وين

الصوت اني سامعتة بس ماعرف وين

_شنو جنسيتي انتة منو وشطببك للبيت اطلع برة
جرني من ايدي وطببني جوة بيبي شافتة وعاطت
_منو انتة

_زمخ بية

_جنسيتج وين

حط المسدس ع راسي دموعي نزلن بيبي كامت تعيط كلتلة
_عل المكتبة يمة بس عوف بنيتي
جرني من ايدي
_طلعيهة يلة

_طلعتهة وجرهة من ايدي

_باوع ل بيبي بنضرة ماعرفت افسرهة وكلهة

_اسف وجرني واني اعيط حتة يتركني

_الله يخليك عوفني والله ماسويت شي اتركني عليك الرسول المصطفى فتح باب السيارة وطببني بيهة بيبي عاطت ع الجوارين

وجوي يركضون بس هوة شخط السيارة ومشة بينة دموعي ينزلن بغزارة باوعت علية

_ليش هيج دسوي شمسويتلك اني الله يخليك عوفني والله مامسوين شي بيبي رح تتأذة وراي

_عاط بية صركعني تصركع حرف واحد اذبحج هين فتهمتي لو قبلانة ماجان صار كل هاذ

_عكدت حاجبي بأستفهام ع شنو ماقبلت تذكرت من طلب
الزواج مني مثنى وكتلة لا مو هسة بس مو معقولة مثنى مايسويهة بس يجوز ديسوي مقلب مثل كل مرة

باوعت علية وكتلة

_مثنى هاذ انتة شبيك شهلخبال رجعني للبيت وبعدين اذا جان اكو امل ف لغيتة مازوجك افتهمت؟

_مثنى منو

_ضربت راسي بغباء بس مثنى صوتة مو هيج هاذ منو يربي هاذ منو

_دكول مثنى منو

_ابن عمي

_رايد يزوجج

_بلعت ريگي وكلت اي

_هز راسة وسكت

_حچيت بدموع زين بس كلي هسة انتة شتريد مني وانتة منو