رجعتلكم بعد غيااااب طويل اتمنى تتفاعلون شوي وية القصة حتة اكدر استمر وياكم حبايب♥️♥️
________________________________
رجع دخل رجال واشرلهم بيدة كلهم گامو ووگفو يمة
حجيت بخوف وبأستغراب
_خالة شنو هاي منو ذولة
الرجال الي دخل گال ل جدة
_حجية انطيني عباتچ
_شتسوي بيها تتگبع مو؟
_حجية انتو ردتو هذا الشي يصير انطيني عباتچ يلة
اجة جرها من يمهة وجة يمشي ب اتجاهي فزيت بسرعة ع صياح جدة
_اصعدي اركضي اقفلي الغرفة عليج
ركضت ع الدرج وحسيت احد جرني من ايدي حط العباية ع راسي وشالني صياح جدة وخالة وصوت الرجال الي دياخذني ماعرف وين
_شدسوي انت اتركني وخر عني
_اشششش ماريد اسمع صوت
صوتة يشبه صوت مثنى والله ابتسمت وانداريت علية وگلت بهمس
_مثنى؟؟؟
_اي سكتي خ نطلع منا
طلعنا بساع وصعدنة بلسيارة والرجال الي جانو ويا صعدو بغير سيارة مشة ماعرف وين متوجه
_مثنى هاي صدك انت انت جيت مو
_بعد مثنى وگلبة انتِ ياروحي ونضر عيوني متت واني ادور عليج
_نزلن دموعي صرت اشهگ بلبچي تدري شصار بية هنا متت اني هنا
_لاتبجين اسكتي هاهية خلصتي منة ابد ابد ماريد اشوف دموعچ ينزلن ماتحمل اشوفج تبجين بعد روحي ماگدر واني راح احاسبة ع كلشي لتخافين بس صبري
_واذا لكاني ورجعني يمة
_مايلگاچ
_مشتاكة لبيبي شونهة طمني عنهة ميتة علة شوفتها
_بيبي تعبانة كلش وراج
_كلة بسببة كلشي صار بسببة
_لما نوصل واحجيلي كلشي وراح اردهيا كلهن اليمد ايدة عليج اكسرها
_بس بس هوة هنا عندة كومة معارف مثنى خاف يعرفك ويجي يأذيك ليش جيت مثنى ليش جيت لطمت علة رجلي وكلت ليش
_مايأذيني ماعليج الشرطة ويانة كتلهم مراح يسوي شي ولايكدر يسوي اصلاً
_يارب يصير مثل ماتكول
ضل يمشي بينة ماعرف وين متوجه اني فرحانة وخايفة بنفس الوقت خايفة اذا عرف رُحيل شيسوي بينة بعد مدة وكفنا يم بيت زغير بمكان فارغ چبير كلش يشبه الريف نزل ونزلت ويا فتح الباب ودخلني هستوة يريد يطلع انداريت علية بسرعة وكلت
_وين وين رايح
_حضنت كفوفة خدودي وگال بهمس حبيبتي بس اكلهم يحاصرون البيت من كل الجهات حتة محد يكدر يوصلنة
أنت تقرأ
عثرات الرُحَيّل
Mystery / Thrillerرُحَيل يعشق بجنون يكره الكذب والخداع متذمر حقود وغيور ايضًا مصاحب للشيطان اصبحت صفات الشيطان تنتقل لا اراديًا له لايهاب شيء يفعل ما يعجبهُ بهدوء مريض نفسي متملك بجنون لايمارس حقده وغله على شخص واحد فقط ألا وهوّ شريكة حياته لكن بلغصب!! لا يمارس...
