عثرات الرُحَيّل

العثرة ال ١٢

بسم الله الرحمٰن الرحيم

رجوع خير ان شاء الله 💗💗

بنات لتنسون التصويت والتعليقات الحلوة مثلكم حبايبي

بارت مكون من 4244 كلمة

♥️Enjoy my sweethearts

(: استمتعوا حبايبي الحلوين :)♥️

_______________________________

هوة طلع من الغرفة واني تمددت على الچرباية واني صافنة بالفراغ وافكر لو مافتحت الباب بذاك اليوم لو اصلاً ممسوية انستا وماحاجية ويا لو ولو ولو هواي اشياء ضليت ااتحسف عليها واتندم مادريت بروحي شوكت نمت

كعدت على صوت يوسف وهو يفتر يمي باوعتلة وابتسمت اتذكرت نوسي اخو مثنى دمعت عيوني نزلت دمعة اجة هوة مسحها ب ايدة باوعتلة واني متفاجأة كال

_لتبجين حولي

_ضحكت وحضنتة وبوستة وكتلة حبيب حولي انتة وخرتة وكلت منو هنا

_جدة وعمة وبابا

_شديسوون

_يشربون چاي

_هستوني اريد احجي ودخل رُحيل يصيح

_بابا اني مو كتلك نايمة عوفها

_سكت يوسف وهو يباوعلة

_حضنتة وكلت عادي اني جنت كاعدة وهمستلة لتصيح ع الولد

_گومي هنا اهلي هم حتة تتعشين ويانة

_ماريد

_كومي

_ مامشتهية آكل ماريد

_ميخالف يلا كومي هنا اهلي جايين يشوفوج

_كمت رايحة للحمام اغسل

دخلت غسلت وجهي وطلعت لگيتهم طالعين من الغرفة اخذت ملابس وبدلت مشطت شعري ضفرتة حطيت عطر وحمرة خفيفة ومسكارة وفتحت الباب وطلعت رحت للصالة شفتهم كاعدين كامو يسلمون علية ويتحمدولي بالسلامة ع شنو مادري المهم كعدت اني وهمة يسولفون انتبهت علية يباوعلي اهووو بس لان حطيت حمرة واضح علمودها

سمعت امة تكلة ل رُحيل حتة يروح يجيب بيبي وبطريقة يجيب عشة  كام هوة اخذ يوسف وطلع

_وين اخذ يوسف؟.

_على امة تريدة

كامت سمر وجرتني من ايدي ودتني للغرفة كعدت ع الچرباية وكالت
_شبيج ليش هيج عيونج

_تعبانة كلش سمر تعبانة نفسياً وجسدياً

_من شنو

_من كلشي حرفياً من كلشي كلش متأذية وتعبانة من رُحيل ومن بعدي عن بيبي وخايفة من الي جاي اني شون اعيش واكمل حياتي وية انسان ماريدة ومو بس هيج لا هوة انسان مادري شبي مو عاقل الكتل الي كتلنيا والتعذيب ومعاملتة الي ماكو بشر يتحملهة بس شنو بس اني تحملتهة غصباً عني وراح اضل أتحملها حتة بس يترك اهلي ومايأذيهم اني كلش تعبانة حطيت راسي بحضنها وصارت دموعي يوكعن غصباً عني وصرت ابجي بقوة وكملت
اني مو گد هيج حمل والله مو گدة لا والنوب فوك كل هذا اني حامل شسوي بروحي مادري تعبت والله تعبت شون راح اتحمل هيج مسؤلية شون راح اجيب طفل بهيج مكان ابو مخبل وامة حرفياً تعبانة من حياتها وخلاص انتهة حبها للحياة شون راح اربي او بالأحرى شون راح اكدر اعتني بي اصلاً هوة اني طفلة بعدني شمعرفني شون اصير ام..