الحـيرة

ʚ12ɞ

•روايه: الحيرة
•للكاتبه: تبارك احمد
ــــــــــــــــــــــــــــــــــــ
ﻋـنـدمـا تـعـاتـب وانــتـة مـــڪـسور :-

كارهني اجاني الحجي وتكول ماريدة .

وجرت اثبات السفن خلي يجر ايده .

چا مو كلشي سوا .

چنه اعلى على كلشي سوا .

وحتى على سمع الشعر .

نوكف البيت الحلو وثنينه نعيده ...؟؟!
ـــــــــــــــــــــــــــــــــــــــــــــــــــــــــــــــ
شويه واجت دجله يمي تسولف

دجله تعالي خل اسولفلج انضمتنه وقوانينه

دجله.. باعي ما مسموح لاحد يدخل ورا ال 12 بليل بس اذا جانت حاله طارئه

ما مسموح احد يكوم من الاكل اذا مو الجدة تكوم

ومامسموح احد ياكل قبل الجدة

ما مسموح احد يخالف القوانين

الجمعه كلنه نلتم بالبيت الجبير يم الجدة من الصبح لليل

وما مسموح احد يعلي صوته على الي الاكبر منه

ممنوع شرب للبيت

الالتزام بالصلاه

والشغل مقسم بين الجناين والبنات كلمن عليه شغلته

ما مسموح احد يمد ايده على احد ان جان ولد او بنيه ممنوع

وكل من مخالف هاي القوانين يتعاقب

حنين.. شدعوا ليش هيج

دجله.. بالعكس احسن لعد
تذابحو كدامها على الورث
وكلمن يقسم بكيفه ويرحون
ومايردون لورا الـ 12
جانو يمشون ويضربون بينه
مايخافون الله

حنين.. والله ماعرف عليكم

دجله.. بس والله الجدة حنينه
مرات نضل ناكل اله نشبع وما
تحجي صارلها فتره طويله
ما تحاسب على الاكل

حنين.. اكلج شنو قصتج وي فرات

سكتت وتنهدت

حنين.. اذا هاذا الموضوع
يزعجج عادي لا تحجين بي

دجله.. لا عادي

وكعدت تسولفلي من البدايه لحد هسه

دجله.. شوفي احنه ولد عم من
جنا اصغار واحنه سوا تربينه
بنفس البيت وهوة هاذا البيت
الجبير كل اعمامي عزلو ببيوت
بس بقو اهلي واهله وكل ما نكبر
هوة يتخبل عليه اتقدملي اكثر
من مره امه رفضت وابوي رفض
لاكن هوة ما استسلم شكد ما يكدر
يخطبني وكل ما يجي ويتقدم
عليه ابوي يضربني ويسحلني
يخلي دمي يجري بطولي وفرات
يتخبل ويهد على ابويه وهم يلزمه
ويكتله وابوي وابو فرات تعاركو
هاذا يكول الزم ابنك وهاذا يكول
الزم بنتك والله العظيم احبه لو
تشوفين شلون اتلوع عليه وكل
مايجيني خطابه انتحر ماريد
غير فرات واصلن كلها تدري بينه
واحد يحب الثاني وما نكدر اذا
ما نشوف بعض يعني مو وحدنه
كدام الكل نكعد ونحجي