•روايه: الحيرة
•للكاتبه: تبارك احمد
ــــــــــــــــــــــــــــــــــــ
حــــــــــنين تـــــڪول :-
شبينه حضنه وي النحبهم ما كعد مثل البشر
وشبيه من اشتاك الاكي الدنيا ليل بنص كمر
صوته والصنطه وغرفتي
ومن انام وارجع اسهر
ومن اغاني تجر اغاني
ومن شهر يطبك شهر
من اكوللهم نسيته واضحك بعز القهر
من ادوره وماكو حسه
من اسولف والهي روحي
و اصفن شديسوي هسه
ـــــــــــــــــــــــــــــــــــــــــــ
كبل سديته بوجهه لان يدور سوالف
واني البيه كافيني وكوة متحمل روحي
بقيت افتر وشويه ورجعت للبيت دخلت وبدون سابق انذار صعدت فوك لكيتها نايمه جنها ملاك وعيونها مشدودة تقربت منها وكعدها و فزت
منتظر.. يلا حبي كومي دنتعشى
ما حجت شي كامت و وخرت الشاش
من عيونها جانن زينات بس شويه
حمر عدلت نفسها ونزلنه
.................................................
حــــــــــنين :-
ضليت اتكلب وما اجاني نوم حاولت
انام بس ماكدرت بقيت بـ فراشي
بلكت يمر الوكت وانزل حاولت
اكثر من مره افتح عيوني بس
اتراجع واكول بلكت يصيرن
زينات صارت تجيني افكار ايععع
ومرات افكار مخيفه واحس احد يمي
ويريد يلزمني او ياكلني او يخطفني
لو يقتلني تعوذت من الشيطان
وحاولت افكر بغير موضوع
بقيت فكره تجيب فكره وسالفه
تجيب سالفه بس ماحجي بـ صوت
عالي كله بكلبي لان اخاف احد
كاعد يتسمع على حجيي وعبالهم
عندي شي او احجي ويه احد
مدري شكد مر من الوقت حسيت الباب
انفتح سويت نفسي نايمه واجه منتظر
كعدني واني على الاساس نايمه كمت
امطك بنفسي كمت و وخرت الشاش
من عيوني جانن حمر وعدلت شالي ونزلنه
لكيناهم مجهزين العشى جان العشى
يفتح النفس كعدنه ناكل جانو محد
اله نفس ياكل بس اني عضامه بنصهم
رفعت راسي لكيتهم كلهم يباوعون
عليه جان تحجي ام رائد
ام رائد.. اكلي يمه الف عافيه لا تستحين
فشلت وسويت روحي انسدت نفسي
و جان يكوم عمو ابو رائد وبسرعه
كام ابويه و وراها كام منتظر وشويه
وكامت ام رائد شفتهم كلهم طلعو
صرت اكل واباوع للباب قبل لا
احد يجي ويشوفني و يعيب عليه
من شفت ام رائد اجت عدلت كعدتي
وسويت نفسي اباوع للحياطين على
الاساس ما مهتمه للاكل من دخلت
وشفتها كبل كمت وكتلها
حنين.. عمه بس دليني على هاذا اريد اغسل
ام رائد.. امانه الله اخاف جوعانه
كعدي اكلي لا تستحين
أنت تقرأ
الحـيرة
Romanceمابين طفوله مشوهه . وواقع مر . تولد فتاه لكي تدفع ثمن خطأ ليس لها ذنب به . هناك نار تلتهم البيوت . ونار تلتهم القلوب . وكل منا يحترق بناره الخاصه به . فهل ستبقى هذه النار مشتعله ؟ بقلمي انا الكاتبه: تبارك احمد♡. لروايه بعنوان: الحيرة .
