هل للقدر رأى آخر؟

❤الفصل الثالث♥

فى منزل حور توجهت حور إلى غرفتها ووضعت حقيبتها وكانت تهم بتغيير ملابسها وفجأة رن هاتفها .
حور: " ألو السلام عليكم. "
المتصل: " آنسة حور؟ "
حور: " ايوه يا فندم. مين معايا؟ "
المتصل: " انا رمضان عبدالسلام زميل والدك فى الشغل"
حور بفزع: " خير بابا جراله حاجه؟ "
رمضان: " للاسف والد حضرتك تعب شوية ونقلناه المستشفى. "
حور ببكاء شديد: " ايه اللى حصل، جراله ايه طيب هو كويس ارجوك طمنى هو جراله حاجه؟ "
رمضان: " اهدى يا انسه حور هو كويس متقلقيش. "
حور: " طيب هو فى مستشفى ايه؟ "
رمضان: " ) عنوان المستشفى( "
اخذت حور حقيبتها واتجهت مسرعه الى المستشفى
_______________
فى المستشفى
يقف جاسر مع الطبيب ويحاول الاطمئنان على عبدالله ومعرفة ما يخص حالته
جاسر: " ها يا دكتور اخباره اى؟ "
الطبيب: " الحقيقه ربنا سترها المره دى لكن لازم يعمل عملية ضرورى لأن الشريان التاجى بدا يتسد والتأخير مش فى مصلحته الظاهر كدا انه كان مهمل فى علاجه عشان كدا وصل
للحاله دى. جاسر: " تمام بس هو هيخرج امتى؟ "
الطبيب: " اسبوع او عشرة ايام بالكتير لحد ما حالته تستقر ولازم يلتزم بالعلاج اللى هكتبهوله عشان يتهيأ للعمليه. "
جاسر: " شكرا لحضرتك يا دكتور. "
وفجاه تذكر اجتماعه مع شركة العدل جروب فاتجه الى الاسانسير للتوجه الى الخارج، فتح باب االسنانسير ثم رن هاتفه نظر الى شاشة الهاتف وجده يوسف رفع
الهاتف الى اذنه لكى يرد على يوسف ولكن فجاه ارتطمت به فتاه ووقع هاتفه ارضا فالتقطه وحينما التفت اليها كانت قد اختفت عن انظاره ولم يعد يراها.
ذهب الى موقف السيارات وركب سيارته واتجه الى شركة العدل جروب
__________________
قابلت حور ممرضه فى طريقها
حور: " لو سمحتى استاذ عبدالله السيوفى موجود فى اوضة رقم كام؟ "
الممرضه: " فى اوضة رقم 312 فى نهاية الممر ده. "
حور: " شكرا ليكى. " وتوجهت مسرعه الى حجرة والدها
حور: " بابا.... بابا حبيبى انت كويس مالك يا قلبي فيك ايه ايه اللى حصلك؟ انت خارج كويس. "
عبدالله بتعب: " اهدى يا رورو انا كويس والله ازمة بسيطه وعدت يا حبيبتى ماتقلقيش بابا أسد🦁 متخافيش عليا. "
حور وهي تحتضن والدها وتقبله من وجنته: " احلى أسد🦁 فى الدنيا ربنا يخليك ليا ويقومك بالف سلامة "
__________________
فى سيارة جاسر رن هاتفه
جاسر: " ايوه يا يوسف. "
يوسف: " انت فين يابنى اتصلوا عليا من شركة العدل جروب مش عارفين يوصلولك انت اتاخرت عليهم كدا ليه؟ انت خارج من بدرى"جاسر: " حكى له عما حدث وأخبره أنه فى طريقه إليهم. "
يوسف: " طيب وهو عامل إيه دلوقتى ؟ "
جاسر: " لازم يعمل عملي ضرورى وأنا اضطريت أسيبه وأمشى عشان الاجتماع ومفيش حد من أهله كان موجود .إنت تعرف حد من أهله يايوسف عشان نبلغهم ؟"
يوسف: " لا بس هستفسر وأقولك "
جاسر: " خلاص تمام أنا كمان وصلت قدام الشركة يلا هكلمك بعدين . " ثم دخل جاسر إلى شركة العدل وتوجه ناحية السكرتيرة وقدم نفسه: " أنا جاسر الكيلانى صاحب شركة
الكيلانى للهندسة المعمارية عندى ميعاد مع ياسر بيه . "
السكرتيرة : " ايوه يافندم هو منتظر حضرتك من بدرى . " دخل جاسر إلى مكتب ياسر .
ياسر: " جاسر باشا أهلا وسهلا بحضرتك. "
جاسر: " آسف على التأخير ياياسر باشا . "
ياسر: " ولا يهمك ياباشا المهم إن حضرتك بخير يوسف بيه كلمنى وبلغنى باللى حصل مع حضرتك . "
جاسر بذوق: " ممكن نبدأ الاجتماع لأنى مرتبط بمواعيد تانية. " وبدأ الاجتماع والذى استغرق حوالى ساعتين.
___________________________
فى المستشفى :
تجلس حور بجانب والدها الذي نام بفعل المهدئات التي تناولها وبعد قليل رن هاتفها .
إلهام : " إيه يا بنتى انتى فين ؟ ماما كانت عامله صينيه كيك روعه وكنت جيبالك طبق لكن ملقتش حد فى البيت انتى روحتى فين ؟ "
حور: " أنا فى المستشفى يالولو. "
إلهام بخضة: " إيه مستشفى ! فى إيه اللى حصل جرالك حاجة؟ "
حور: " لا ياحبيبتى أنا كويسة بس بابا هو اللى تعب فى الشغل ونقلوه على المستشفى. إلهام بحزن: " طيب هو عامل إيه دلوقتى ياحبيبتى ؟ "
حور: " هو نايم دلوقتى بسبب المهدئات اللى واخدها. "
إلهام: " طيب أنا هجيلك دلوقتى . "
حور: " استنى بس يالولو مالوش لازمة تيجى أصلا أنا هروح كمان شوي فمتتعبيش نفسك وتيجى. "
إلهام: " طيب ياحبيبتى خلى بالك من نفسك ولما توصلى طمنينى على نفسك. "
حور: " إنشاء الله ياقلبى يلا سلام. "
بعد قليل أتت الممرضة إلى حور وقالت لها : " لو سمحتى ياآنسة وجودك هنا مالوش لازمة وهيسببلنا مشاكل مع إدارة المستشفى أنا سبت حضرتك بس عشان كنت مراعية قلقك على
والدك لكن حضرتك مترضليش إنى أتاذى فى شغلى. "
حور: " لا طبعا وأنا متشكرة ليكى جدا جدا أنا هروح وهاجى بكرة أطمن عليه وأقعد معاه. " خرجت حور من المستشفى وهى حزينة وشاردة لما حدث لوالدها كانت الساعة
حوالى الثامنة أوقفت حور تاكسى وتوجهت إلى منزلها .دخلت حور المنزل وهى تشعر بالإرهاق ثم اتصلت على إلهام وطمأنتها عليها وأخذت شاور وارتدت ثيابها
ونامت دون أن تاكل شىء طوال اليوم بسبب مامر عليها من أحداث ابتداء من حسام فى الجامعة وانتهاء بمرض والدها.
______________
فى قصر الكيلانى........
دخل جاسر واتجه إلى غرفة عمته سماح ثم طرق الباب.
سماح: " اتفضل "
جاسر: " مساء الخير ياسمسم. "
سماح: " مساء النور ياحبيبى اتأخرت ليه النهاردة؟ "
جاسر: " مفيش ياسمسم كان عندى اجتماع بره الشركة وبعدين رحت الموقع أطمن على الشغل ولسة مخلص حالا إنتى كنتى بتعملى إيه ؟ "قالها وهو يضع رأسه على قدمها، سماح: " مفيش كنت بقرأ رواية حلوة أوى. "
جاسر: " هههههههه هو إيه حكاية الستات مع الروايات إنتم خياليين أوى وده بيسبب كوارث بعد كدا. "
سماح: " ياحبيبى أحيانا بنحب نفصل بعيد عن الواقع شوية ومن كترة الضغوطات اللى موجودة كمان وبعدين الرومانسية اللى فى الروايات دى مبقتش موجودة فى الواقع عشان كدا بنستمتع
بيها فى الروايات . "
جاسر: " أنا مش معاكى ياسمسم مفيش حاجة اسمها حب ولا رومانسية كله كدب فى كدب. "
سماح: " بكرة تعيش قصة حب تخليك تنسى اى حاجة فى الدنيا ومش بعيد تنسانى انا كمان. "
جاسر بصوت حزين فى نفسه: " انا بكره صنف الستات كلهم وعمرى ما هآمن لواحده من بنات حوا تانى. "
سماح: " جاسر رحت فين يا حبيبى سرحت فى ايه؟ "
جاسر: " ولا حاجه يا سمسم انا هقوم عشان هلكان وهموت وانام. "
سماح: " انت كلت الاول يا حبيبى؟ "
جاسر: " دادة صفيه هتطلعلى الأكل دلوقتى عقبال ما اغير هدومى يلا تصبحى على خير. " ثم قبلها على وجنتها
سماح: " وانت من اهله يا حبيبى. "
ذهب جاسر الى جناحه واخذ شاور ودخل حجرة الملابس وارتدى بنطلون ميلتون اسود وتيشيرت ابيض ثم توجه الى الطاوله الصغيرة التى وضع عليها الطعام واكل
بعض اللقيمات القليلة واتجه الى السرير للنوم
حل صباح جديد على ابطالنا:
فى منزل الهام فى السابعه صباحا تقوم الهام ووالدتها بتحضير الفطارفى المطبخ دخل عليهم محمود
محمود: " صباح الخير على احلى بنوته فى الدنيا. " قالها وهو يجذب الهام ويقبلها من وجنتها
الهام: " صباح الخير يا احلى بابا فى الدنيا كلها. "
عائشة بزعل مصطنع: " ايه يا محمود هو مفيش غير بنتك بس اللى هنا ولا احنا مش وش صباح؟محمود: " لا ازاى دا انتى ست الكل وست الستات هو الصباح يبق حلو من غيرك يا حبيبتى يا عشرة عمرى. "
الهام: " ايه يا حاج نحن هنا اجيب اتنين لمون ولا ايه. "
عائشه: " بس يا بت اتلمى." ثم توجهت لمحمود بالحديث " هتروح للاستاذ عبدالله فى المستشفى النهارده مينفعش نسيب حور لوحدها. "
محمود: " اكيد طبعا انا هاخد اذن من الشغل واروحله علطول. "
الهام: " وانا كمان هاجى معاك يا بابا لازم ابقى جنبها وماسيبهاش لوحدها هى اكيد محتجالى والحمد لله انا معنديش غير محاضرة واحده هبقى انقلها من اى حد من زمايلى. "
زينب: " صباح الخير يا بشر الفطار جهز ولا لسه انا عندى مدرسه انتم مش مقدرين اللى انا فيه. " وبصوت عالى بطريقة مسرحيه " انا ثانوية عامه يا عااااالم. "
عائشه: " ايه يا بنتى مالك عاملة زى الاعصار كدا لية وطى صوتك شوية روحى يلا اتوضى وصلى والبسى هدومك والفطار هيكون على السفره وكمان عقبال ما باباكى واختك يجهزوا. "
زينب: " حاضر يا ست عيشه ما هو الواحد لازم يموت من الجوع فى البيت دا عشان يعجبكم. " قالتها وتوجهت للاستعداد للمدرسه
_____________
فى قصر الكيلانى
استيقظ جاسر وذهب الى حجرة الجيم الموجوده فى القصر وظل يلعب قليلا على الاجهزة الموجوده وبعد مده ذهب واخذ شاور
وارتدى ملابسه والتى تتكون من بنطال جينز كحلى وشميز ابيض وفوققه سويت شيرت كحلى وبليزر جراى وشوذ بنى غامق
وارتدى ساعته الفخمه واخذ هاتفه ومفاتيح سيارته ونزل الى للاسفل والقى التحيه على الجميع.
(ملابس جاسر)