هل للقدر رأى آخر؟

🌹اقتباس🌹

فى المستشفى عند حور:
تتسطح حور على السرير شارده حزينه تبكى حسره على ما حدث لها، دخلت اليها الهام.
الهام: " رورو حبيبتى عامله ايه دلوقتى؟ طمنينى عليكى يا قلبي. "
حور بانكسار: " الحمدلله " بعد قليل اتى يوسف
يوسف: " السلام عليكم ورحمه الله وبركاته. "
الهام: " وعليكم السلام ورحمه الله وبركاته. "
يوسف: " ازيك يا حور عامله ايه؟ "
حور: " تفتكر هكون عامله ايه بعد اللى عمله فيا ابن عمك؟ "
شعر يوسف بالاحراج والأسى عليها
يوسف: " انا عارف ومقدر اللى انتى فيه بس صدقينى والله هو مكنش فى وعيه. "
حور بغضب: " مكنش فى وعيه دا اتهمنى فى شرفى ودى مش اول مره لا ومكفهوش كدا بس. " ثم صمتت وبكت بحرقه " لا دا كمان ضيعنى وعاملنى زى الحيوانات اللى ملهاش قيمة
ياريتنى ما اتجوزته ولا قابلته ولا عرفته. "
يوسف: " حور انا عارف ان اللى جاسر عمله شئ صعب اوى بس والله هو بيحبك انتى مش متخيله حالته عامله ايه دلوقتى دا هيتجنن عليكى والله هو ندمان جدا ارجوكى يا حور اديله
فرصه واسمعيه هو عمل ذنب كبير بس عشان خاطرى اسمعيه. "
قطع كلامه دخول الطبيب ومعه احد ضباط لأخذ اقوال حور.
الطبيب: " ها عامله ايه دلوقتى؟ " صمتت حور ولم تُجب
🌹🌹🌹🌹🌹🌹🌹
ايه رأيكم فى الاقتباس ده

دى أحداث من الفصول القادمة.
تفتكروا ايه اللى حصل لحور وسبب دخولها المستشفى ايه؟
وايه اللى جاسر عمله وندمان عليه؟
هستنى ردودكم فى التعليقات
ياريت بقى متنسوش الفوت والكومنتات عشان انزل البارت الرابع😘😘😘