ليالي : عويس شقاعد يهبد ذا ؟
العويس : مدري عنه يقول كلام غريب
المعيوف : عويس انهبلت ؟ انت جايني ذاك اليوم ببيتي تقول انكم انخطبتو !
العويس : ماقلت انت تبي تقولني كلام ماقلته ؟؟؟؟ انت متغير وتبي تحط بلاك فيني !
المعيوف : يعني مابينكم شي اجل ؟
ليالي : معيوف والله ماعاد اعرفلك صاير غريب .. ومتخلف
مشيت وانا اخلاقي وصلت لخشمي ، كيف يقول بكل جراءه كذا اني خطيبه العويس !!
سلمان : انتو متفقين تجلطون هالبنت ولا كيف ؟ لان مو طبيعي الي تسوونه ! مين الكذاب فيكم !!!
المعيوف : انا مابجبر احد يصدقني
سالم : وهو فيه احد بيصدقك اصلا ؟؟ صادق العويس انت تغيرت وتبي ترمي بلاك عليه وش جاك انت ؟
المعيوف : ياعيال انا ماتغيرت !
سلمان : تغيرت
علي : عبدالله انا دايم بصفك تعرفني ، لكن تغيرت
المعيوف بنفسه : بخسر اصحابي بسببها .. تخسى مو هي الي تغيرني وتبعد اصحابي عني !
المعيوف : حقكم علي ياعيال وانا اسف تعرفون اني مو قاصد هالتغيير
العويس : معيوف تعرف اني ما ابي مشاكل معاك واحبك بس انت ليش تسوي كذا ؟ ليش تتبلى علي
باللحظه ذي ، عرف المعيوف انه قاعد يكلم اخبث شخص بهذا العالم ، شخص ماله امان ابدا ، لكن ماحب يسوي شو قدام اصحابه
المعيوف : بعدين نتكلم بالموضوع لحالنا ياعويس ، شرايكم نطلع اليوم ؟ طلعه لحاالنا ، وانتو عارفين قصدي
علي : معيوف اشبك عليها ؟
المعيوف : اشتقت اطلع معاكم انتو
سلمان : خلاص مو مشكلة انا بروح اقول لها
العويس : لا ليش تروح ؟ بروح انا
المعيوف : لا انت ولا انت انا الي بروح
راح المعيوف وترك وراه الكل مستغرب
سلمان : هذا يستهبل ؟ يقول مانبيها ويبي يروح يكلمها ؟
علي : مرات اشك يا عيال ، تغيير المعيوف بسببها
سلمان : يعني تفضل ، شدخلها هي لاتحطون كل شي براس البنت !
علي : لا يا سلمان ماقصدي كذا احسه يحبها
العويس : نعم ؟؟؟ لا مايحبها ولا اي شي
سالم : الي يحبها شوفوه قدامكم ، محمد
كنو : شدخلني انا
سالم بضحك : لا ياحمار محمد العويس
العويس : لا مين ؟ تخيلو انا احبها بس
