ليالي : مين ؟؟؟ ايش ! الشباب ؟ هذا الشي الي كنت واعدني فيه !!
فهد : ليالي اهدي ، انتي تعرفين انك هناك بتكسبين شهره اعلى
ليالي : مافيه شي الهلال النسائي وش فرقه عن حق الشباب ؟ شكرا يافهد ابي اكمل هنا
فهد : كم راتبك الحين ؟
ليالي : 5 مليون ؟
فهد ؛ لو وافقتي تروحين لنادي الشباب ، بخلي راتبك ضعفه مرتين يعني 15 وفكري بالموضوع
ماعطاني فرصه ارد عليه وراح وتركني مع افكاري الي ماتنتهي
1:30p
رجعت البيت وفتحت الباب وكالعاده على غرفتي بدون ما اتكلم او اسوي اي شي
طلعت لغرفتي بدلت ملابسي وانسدحت عالسرير واحاول افكر بالموضوع واقنع نفسي فيه ... 15 مليون ! كثير !!!! واقدر اجمع منها لين اوصل 35 مليون عشان اقدر اسفر خالي خارج البلد واسوي عمليته ...
سكتت شوي وقلت بنفسي : مالك غير توافقين ، عشان خالك بس .. ووقت ما اجمع بطلع وبرجع للفريق النسائي
فتحت جوالي بعد هالتفكير ولقيت الساعه 3:00 !!
وانا مانمت للحين ! تدريبي اليوم الساعه 2:00 الظهر!
قفلت الجوال وحاولت انام لين فعلا نمت
1:22m
صحيت وقمت خذيت شور وتجهزت اخذت اغراضي وطلعت
كان مربكني الموضوع الي صار وكنت للحين افكر فيه مع اني كنت مقتنعه نسبيًا بالموضوع ، وماكنت مركزه بطريقي ابدا لين حكيت سياره شخص كان واقف قدام المحل الي اخذ منه قهوتي دايمًا
اول مره احك او اسوي شي كذا انا حتى ماعمري صدمت !
نزلت وحطيت يدي على راسي وقاعده اتأمل الحكه ، والله انها قويه !
"عبدالله المعيوف"
وقفت سيارتي عند كوفي مدحه لي جمال
نزلت وطلبت لي ولجمال وجلست انتظر طلبي على الطاوله
ناداني واخذت طلبي وجيت طالع ، الا المح سياره واقفه عند سيارتي ، وقدامها بنت حاطه يدها على راسها
ضحكت على منظرها واستنتجت الموضوع ، انها صدمتني اكيد نزلت ورحت لها وسمعتها تقول
ليالي : يالله الحين بيسجنني راعيها ؟ ولا بيدفعني 500 ريال !
كنت ابي امسك ضحكتي وانا واقف وراها بس ماقدرت وقعدت اضحك
التفتت علي وقعدت تطالعني من فوق لتحت
تنحنحت وسكتت وقلت : وخري اشوف
اخذت خطوتين لورا ورحت وشفت حكه بسيطه مو صدمه حتى
لفيت عليها وواضح من شكلها كانت متوتره وكأنها شايله هم اشياء مو هم الحكه بس
المعيوف : شفيك متوتره كذا ؟
ليالي : متوتره ؟ لا لا بالعكس مو متوتره بس اعذرني يالمعيوف والله ماقصدت
ضحك المعيوف وقال : المعيوف ؟ تعرفيني يعني ؟
ليالي : هو انا .. انا
المعيوف : لاتتوترين والله ما ابغى منك شي ولا 500 ولا بسجنك الموضوع بسيط
ليالي : والله !!!
المعيوف بضحك : والله والله بس انتي مشجعه هلاليه عشان كذا تعرفيني ؟
ليالي : مشجعه و بالفريق النسائي
المعيوف : اما ! سمعت ... عنك .. عالعموم عالعموم ما ابي اتأخر سلام
ليالي : سلام
"ليالي"
ركبت سيارتي والتوتر كان شاقني شق
الساعه كانت 2:23 متأخره نص ساعه تقريبا !
وصلت وقفت ودخلت وكنت يالله بالله اتنفس
اول مادخلت كان فهد بن نافل موجود
فهد : ليالي ؟ ليش تأخرتي ؟
بس الي صدمني ان الشباب الي بفريق الهلال كلهم موجودين بمعسكر البنات !
ليالي : لا بس سويت حادث بسيط
فهد : حادث ؟ جاك شي ؟
ليالي : لا الحمدالله مافيني الا العافيه ..
وبنص كلامي دخل المعيوف وهو يتنفس بسرعه
عبدالله المعيوف ( بتعب ) : اسف ... اسف يافهد تأخرت
فهد بن نافل : و إيش اخرك ؟
كمل كلامه المعيوف وهو يمشي لجهه فهد بدون ماينتبه لوجودي حتى
عبدالله المعيوف : تأخرت عشان صدمتني وحده
سكت بن نافل وطالع فيني وقال : هذيك ؟
التفت المعيوف وطالع فيني وقال : اي ! اي هذي وش جايبها هنا ؟
فهد وهو يضحك : اتوقع مايبغالها ذكاء يا عبدالله اكيد لانها بالفريق النسائي
سكت شوي وكمل كلامه وقال : الا يا ليالي ، وش صار على موضوعنا موافقه ولا لا ؟
باللحظه هذي ترددت اكثر واكثر ، ثم جا على بالي خالي ، وقلت بنفسي .. : لو ايش مايصير ، يطلع عني كلام ، يكرهوني الفريق مايتقبلوني لو يصير الي يصير ، اهم شي فلوس عشان خالي !
فهد : ها وش قلتي ؟ لاتترددين بقرار انتي عارفه انه بمصلح....
قطعت كلامه وقلت : موافقه
___________________
معليش تأخرت بالتنزيل 🥹
وش تتوقعون رده فعل فريق الشباب من هالخبر ؟
