الفصل الثالث
**********
كانت تجلس فى غرفة المعلمين .. تضع يدها على خدها ... تفكر هل ستستطيع ان تقنع الناس بانهاء مهزله حكم عائلة الزناتى ... صحيح انه عادل منذ مجئ فارس ... لكنها لا تزال تكرهه هذا الشيء ...
رتبت زينب على كتفها بحنو
" اييييه مالك يا ايات ؟... قاعده كده و حاطه ايدك على خدك ؟.."
ايات بنبرة هادئة
" بقولك ايييه؟ .. هو ايييه رأيك لو عيلة الزناتى كلهم مشيوا من البلد ...مش هتبقى احسن .."
زينب بتعجب و دهشه
" كان ممكن قبل ما فارس بيه يجي لكن الشهاده لله الراجل محدش شاف منه حاجه وحشه ... و بيعامل الكل باحترام ..."
ايات بغيظ و عصبيه
" ماشى بس باقى عيلته كلهم جبروت و تكبر و رافعين مناخيرهم فى السما .. "
زينب بابتسامه ضاحكة
" انتى شوفتى حد منهم غير خالد و امه و ابوه و جدهم .. عمرك ما شفتى اخت الست فارس و لا والدته دول زى السكر ..."
ايات بنبرة سخرية
" لا واضح فعلا ...علشان كده محدش شاف وشهم من سنتين من يوم ما نزلوا البلد هنا ... "
زينب بابتسامه هادئة
" يا بنتى بلاش تحكمى على الحاجه من بره .. استنى لما تشوفيها من جوه .. "
ايات بغيظ و هى تدفعها بيدها بخفه
" قومى من جمبى يا ست العاقلة انتى ... يلا روحى ربى عيالك ..."
زينب بضحك شديد
" اهو انتى كده اللى مش بيعجبك تبقى عامله زى الدبش معاه صح .. امشى انتى مش عندك حصه .. "
زفرت بضيق و غيظ
" طيب طيب يا اختى رايحه ... "
تركتها و هى تأخذ بعض متعلقاتها التى سوف تستخدمها فى اثناء الشرح ... حملت الدفاتر على ذراعها الايسر ... حقيبتها الشخصية بيدها اليمنى ... لتدخل الى فصل الصغار ... رأت جميعهم يجلسون ينظرون لها بابتسامه بريئه تجعلها تبتسم تلقائيا ...
وقفت صغيرة من مكانها و هى ترفع كف يدها للأعلى
" يا مس أيات ... "
وجهت له ايات كل تركيزها و هى تهتف بابتسامه
" قولى يا بسملة .. "
بسملة بنبره حزينه
" يا مس ... مقدرتش اعمل الواجب امبارح . "
ايات بحزم و غضب متصنع
" ليه بقى ؟؟.. "
بسملة بنبره بكاء
" انا اسفه و الله يا مس ... بس و الله ماما كانت تعبانه و كان لازم اساعدها ... "
أنت تقرأ
عشقتُ حاكم للكاتبة ايمان عبد الحفيظ
Romanceهي ذات عيون الفيروز . الناعمة . من يتملكها الهوي له . هو الخشن القوي . حاكم البلدة . إنِّي أخافُ العُيونَ شِباكٌ لقلبي بها تُنتَصَبْ سِهامٌ تُطيحُ بقلبي وعَقلي إذا ما أصابَتْ إذا لَم تُصِبْ فإنْ مِتُّ شَوقًا أموتُ شَهيداً وإنْ مِتُّ عِشقاً فأ...
