اليتيمه و خيالها

الجزء الرابع 4

البارت الرابع 4
اليتيمه و خيالها

_

أخبريهم عنا
فتاه
بل امرأة
بل غيمة
بل نجمة سقطت من السماء
و استقرت مُطمئنةً
في سماء صدري

أخبريهم عنا

_

- ريماس: نزلت لكيت زهراء كاعده مسويه ريوك و منضفه البيت و كاعده تكلب بالجهاز كعدت يمها نسولف

(زهراء و حيدر راح يكون الهم دور بالقصه)

- زهراء: اليوم يجي محمد
- ريماس: اي اليوم اربعاء
- زهراء: اي ' شيجيب العصر اشتاقيتله(تحجي و عيونه يلمعن و مبتسمه)
- ريماس: هسه يجي ما يطير شبيج راح تبجين
- زهراء: انجبي شعندي غيره
- ريماس: تحبي

- زهراء: لعد شلون ' ولج حب 4 ونص سنوات و أيست كلت بعد ما نصير لبعض من كد المشاكل و الضروف الصارت و معرف شلون ربج معجزه و صرنه سوه
- ريماس: امداج تحب و تشعل بكلبه هو شنو الحب و تحبن امداجن
- زهراء: يجي يوم و تشوفينه
- ريماس: لا عيني شكرا لا اريد اشوفه و حته اسمه ما اريد اسمعه كومي العالم كعدت خنصب ريوك
- زهراء: ههه كايمه ثواني بس اشوف هاي شتريد

ريماس: صبيه ريوك و تريكنه و منى غسلت المواعين و اني و زهراء نضفنه البيت و طلعنه زهراء تغسل بالساحه واني كاعده يمهه بالحديقه

- ريماس: اكلج
- زهراء: كولي
- ريماس: انتم ليش تكعدون من وكت
- زهراء: لا ما نكعد من وكت بس اني لان الولد يطلعون للودام و عمي ب 9 كون يطلع يعني لازم واحد يكعد يسويلهم ريوك
- ريماس: ليش مو منى تسويلهم ريوك ليش اله انتي
- زهراء: لا مو اله اني بس اني تعودت بعد
- ريماس: اكدر اسئلج سؤال و ما تضوجين
- زهراء: اي سئلي
- ريماس: انتي مو مرت الجبير
- زهراء: اي

- ريماس: ليش منى عده ولد عمره 9 سنوات وانتي ما عندج؟ اسفه ع السؤال بس دايخه بي
- زهراء: اهاا لا ع شنو اسفه بس لان رسول تزوج قبل محمد صحيح اصغر من محمد بس رسول تزوج قبله و محمد تزوج ع كبر
- ريماس: شنو ع كبر
- زهراء: جان عمره جبير
- ريماس: اهااا
- زهراء: جان اكبر مني و ابويه و اعمامي عارضوا الفكره حيل
- ريماس: لعد شلون تزوجتوا؟
- زهراء: بعدين اسولفلج تعالي نسوي غده
- ريماس: اي

ريماس: كملنا الساحه و دخلنه نسوي غده و الفضول موتني شلون اهله انطوله

- ريماس: اي زهراء كملي و شلون تزوجتواا؟
- زهراء: بالبدايه صارت هوسه اعمامي و بابه و محمد وووووو..........(سولفتله)
- ريماس: عززا هاذ كله بس شكد حلو هواي تحملتوا و تالي صرتوا سوه ربي يحفظكم
- زهراء: عمري انتي فدوه لكلبج يلا لج عاد كمل الغده راح يجون الولد ما الدوام
- ريماس: اهووو هم راح يجي
- زهراء: اه ولج هاي ع منو
- ريماس:هاذ غيثكم ولله واحد يغث البشر اسم ع مسماا
- زهراء: ههههههههههه فلك لسانج ام لسان لو يسمعج
- ريماس: واذا سمعني
- غيث: اصلان سمعت