✿_________________✿
للكاتبة البصـراويـة ..
عَقيق احمر 17.29
فضلاً وليس امرًا علقوا بين الفقرات وصوتوا♥
✿_________________✿
تفكير ..
قمراء ..
كملت ترتيب الشقة وانه متحمسسه لردة فعل قوسق بدلت ونزلت اهرول:- قووس قوووس ..
- على كيفج بابا لا تطيحين ...
قمراء اختفت ابتسامتي باوعت للصالة الولد كاعدين ومن ضمنهم ارغد واريان نزلت بخطوات ثگيلة رحت كعدت يم قوسق كض ايدي ...
- ها قارورتي شنو ردتي؟
- بعدين
ارغد:- عادي نحجي؟
مُعتز:- اكيد نعوفكم احنه على راحتكم
قوسق:- اطلع؟
قمراء هزيت راسي طلعوا وسدوا الباب اجه اريان كنبص كدامي وكض ايديه ...
اريان:- انه هم زعلانه مني؟
قمراء بابتسامة خفيفة:- لا حبيبي كومته كعد يمي وحضني ضليت العب بشعره ...
- وشمعنه انه زعلانه مني؟
- اريان مابيده شي صغير!! اجه تربع كدام رجلي
- وانه شنو البيدي؟ طايح بين نارج ونار امي اذا احجي وياج بحرف گولي امي تزورگت مُـرة محد يكدر يوگف بوجه ماجد انه حتى اخاف احجي ويا عنج لان انتِ وامي تطيحن بيها كاضني من ايدي التوجعني كعدته كدامي وكتله بوية عوف مُرة خل تجي تعيش يمي انه وامي واريان ومالك شغل بيها كتل امي وكتلج ومنعني من شوفتجن انه كل البيدي سويته بس ما فاد ما فاااد شسوي كليلي شسووي اكتل روحي واخلص؟
- خلص سد الموضوع خله ايديه على وجهه وجر نفس اجه كعد يمي وحضن خصري وخل راسه على صدري ..
- تعبت مُـرة تعبت
تنهدت وانه اخلي ايدي بشعره:- مشكلتي ماتهون علي ابد حضني بقوة وخر الدنبوس اريان وبده يفتح بالشال ...
- اشتاقيت الشعرج وريحته
قمراء فتح ضفيرتي وضل يشم بيها ويبوس بيه وارغد خال راسه برگبتي وجسمه يرجف:- ارغد كافي شبيك خلص الموضوع انسد انه مساع ضغطتوا علي وضليت اجفص لا يضل ببالك تضل انتَ اول واخر سند ...
اريان:- وانه مزهرية؟
قمراء:- روح روحي انتَ فدوة اروحلك يابعد طوايفي كلها جريته وبسته ...
ارغد:- والله حاولت هوواي حاولت بس ماكدرت شبيدي كليلي شبيديي
قمراء:- ياااا ارغد انه مو كتلك سد الموضوع؟ خلص هاي هوه
أنت تقرأ
عَقِيق أحمَر 1729
Tiểu Thuyết Chungعن لسان ابطالنا .. هلي كل التعب منكم هلي لو بيه اعاتبكم هلي لو بيدي مااكبر هلي خلو الحجي مدثر هلي كون العمر يرجع هلي كبرت مواجيعي ولا بيهم بشر يسمع ...!!🖤 ⭕لا احلل اخذ الرواية ونشرها في اي برنامج عَقِيق أحمَر 17.29
