للكاتبة البصـراويـة ..
عَقيق احمر 17.29
فضلاً وليس امرًا علقوا بين الفقرات وصوتوا♥
༺༽.......................... ༼༻
لا علاقة للعمر بالنضج ، نحن ننضج بمرور الناس والمواقف والتحديات والصِعاب ،
نحن ننضج بمرور لحظات الضعف والوحدة والوقوف والتخلي ..
اذا كان واتبادكم اسود حولوا ابيض تستمتعون اكثر♥
قمراء...
خليت اخر قطعة ملابس وسديت الجنطة وكفت البس عباتي وملامح الضوجه على وجهي وكف كدامي قوس يعدل عبايتي .
- لا تضوجين شهر واجيبج مره ثانية ان شاء الله
هزيت راسي مبتسمه بخفة .
- ماشبعتي صارلج اسبوعين؟
- ليش انتَ شبعت؟
- لاا
- چـا بعد شنو ضحك بخفة وكال .
- يلا ابوي
نزل الجنط طلعنه نتمشى للسيارة وابو العربانه كدامنه يمشي حاط بالعربانة جنطنه وصلنا للسيارة اخذهن منه قوس تشكر منه وانطا الفلوس صعدت اجه صعد وشغل السيارة .
- يالله بسم الله الرحمن الرحيم توكلنا على الله
شغلت قصيدة وضليت اباوع على الطريق توا جاي يطلع الضوه كضيت الطريق اكل قوس يفتح بالنساتل والجباس ويدحس بحلگي دبلني دبل صفنت على لافتت " البصـرة ترحب بكم" راح ترحبين بيه صدك؟ لو راح تطرديني مثل ماطردتيني اخر مره؟ نزلت الجامة وجريت نفس:- اخخ افييش رغم كلشي تبقين بصرتي الحبيبة
- سدي ولج حاارة
- هذا الجو ربيع عدنا عزيزي استعد راح تنسلك سلك
- بويايي شلون بتوفانا وامي مايتحملن
- لا عادي بمرور الايام يتكيفن وي الجو
- اي
- اكول مجمعكم شنو اخباره؟ شلون بي؟
- راح يضل بمكانه بين فترة وفترة اروح اتفقده
- مفكر تفتح مجمع هنا؟
- لا بس مفكر اشتري عماره وأجرها
- حلوو بيا محكمة طلعت تعيينك؟
- ماطلع تعييني بمحكمه
- چـا بيمن طلع؟
- اني مكمل دبلوم هندسة نفط وطلع تعييني هسه
- واوو حلوو ضلينه نتناقش ونسولف صف كدام بيت دك هورن فتحوا الباب الحراس دخل السيارة بالكراج نزلنه شفت مُثاب ودرغام اجه درغام حضنه طلعت خاله الابتسامة على وجهه عيونها مدمعه ركضت توفانا لقوس حضنته ضلت تطش جكليت علينه و ود تهلهل ابتعدوا عن قوسق حضنتني توفانا وقوس حضن عمه يبوس بيها جان اسمع صهيـل مـاوي توسعن عيوني بعدت توفانا ودرت لمصدر الصوت من الحديقة مشيت بخطوات متسارعة وانه كلي ارجف شفت اسطبل ركضت ودموعي بعيوني شفت مـاوي گـام يصهــل بقـــوة
أنت تقرأ
عَقِيق أحمَر 1729
Ficción Generalعن لسان ابطالنا .. هلي كل التعب منكم هلي لو بيه اعاتبكم هلي لو بيدي مااكبر هلي خلو الحجي مدثر هلي كون العمر يرجع هلي كبرت مواجيعي ولا بيهم بشر يسمع ...!!🖤 ⭕لا احلل اخذ الرواية ونشرها في اي برنامج عَقِيق أحمَر 17.29
