The Clash of Bands: Heartbeat (EDITING)

Heartbeat 26

Stephen's POV

Kinatok ko na ang mga kwarto ng girls. Ginising ko na rin ang boys. Nakapaghanda na rin ako ng lahat-lahat.

"Wow. Ginawa mo ang lahat ng 'to Stephen?" tanong ni Jeremy.

"Yup," masigla kong sagot.

"May fiesta ba?" tanong ni Manager.

"Hahaha wala po Manager. Natutuwa lang ako kasi kumpleto lahat ng mahahalaga sa buhay ko ngayon."

Bigla silang napatigil lahat. Hm? May nasabi ba akong mali?

"Para ka namang mamamatay sa sinasabi mo Stephen," natatawang sambit ni Kaly.

"Pagbigyan niyo na. Minsan lang maglabas ng damdamin sa atin si Stephen. Kinilig ako ron, Stephen. Promise." Sabi naman ni Clarence kaya natawa kami.

*Door bell*

"Buksan mo Zyrownn."

"Buksan mo Christine."

"Bakit palagi na lang ba ang ako ang inuutusan niyo?" Zy.

"'Di porket ako pinaka-bata sa inyo?" Sabay na sabay na tanong ni Zyrownn at Christine.

Nagtawanan ang lahat.

"Ako na."Christine.

"Hindi ako na," sagot ni Zy.

"Ako na."

"Ako na."

"Ayiieeeeeh." Pangaasar naming lahat. May nangyari ba sa dalawang ito? Mas naging close ah?

"Ako na lang." Diin ni Zy at tumakbo na sa pinto.

"Good morning Zyrownn."
"Good morning din Manager Alex."

Napatingin kaming lahat kay Manager Clyde. Bigla siyang tumakbo sa kwarto niya.

Kasabay ni Zy pumunta sa amin si Manager Alex. Nagbatian kaming lahat. Mabilis ding bumalik si Manager Clyde.

"Good morning Clyde. You look beautiful," bati sa kanya ni Kuya Alex.

Ang lawak ng ngiti ni Manager! Hahahaha! "Good morning din," matipid niyang sagot.

"Pabebe," bulong ni Jeremy na siyang kinurot ni Manager.

"Ay nako. Manager Alex, nag-ayos 'yan nung narinig yung boses mo."

"Huwag kang kakain, Jeremy," banta ni Manager.