عارفه احساسك ان فات ١٥ يوم من رمضان وانك معرفتش تعمل خطة رمضان ، لكِن اوعي يجي في بالك ان الرحله انتهت وانك هتقضي الايام اي كلام وتعوَض رمضان الجاي ..
فيه ناس راحت بتتمني ترجع رمضان عشان تستغله صح
انتَ لسه ربنا مديك فرصه في شهر عظيم تمحي ذنوبك وتاخد الثواب اضعاف ♥️
ابدأ النهارده من الأول خالِص ، من جديد كإننا لسه بنبدأ ١ رمضان 🌸
اكتب خطة لـ ١٥ يوم "نفسك تخرج منه عامل ازاي ، تتخلص من عاده سيئه عندك او ذنب نفسك متمسكه بيه ، نفسك تنتظم علي عباده معينه ، تختم القران .. الخ من الأفكار"
أدومها وإن قل فات أوانها ، دلوقتِ اللي تعرف تعمله اعمله وبكل اللي تقدر عليه 🤝🏻
صدقه ، بر والدين ، الصلاة في وقتها ، السنن ، ورد اذكار اكبر م اللي فات ، احسان لحيوان ، اطعام ، مساعدة حد محتاج معونه ، اي شئ تقدر تعمله اعمله ، كوِش متسيبش عمل صالح يقع من ايدك احنا دلوقتِ في الفاينال حرفيًا اللي المفروض نعوض فيه :)))
ضيعنا اد ماضيعنا وعشان نبدأ من جديد محتاجين نتحمل المسؤوليه ونضغط علي نفسنا ونكمل دول ١٥ يوم ، اي مشقه هتحس بيها هتروح مع الايام وهتنساها بس اللي هيفضل هو ثوابك واعمالك الصالحه ، اتحمِل وكافئ نفسك احلي مكافأة في العيد 🎀
اوعي تيأس ، باب ربنا مفتوح عشانك ، لسه فيه فرصه تتوب وتبدأ صفحه جديده✨
"قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ"
❤❤
