چانت دنيا الصبح ورايحه للمعهد. الجو بارد وبي نثات مطر خفيفه وامشي بشارع وحدي
وشارع فارغ.....
ڪملت فرع بيتنه وطلعت ع اليسرة
ريحت المطر والتراب ترست ريتي اعشقها
ڪمت امشي سريع تبللت
حتى اوصل لراس الشارع يوڪفلي ابو الخط لان ميڪدر يفوت ڪلها مسدوده بصبات
چنت لابسه قميص أبيض. وتنوره رصاصي وشايله الفڪس بايدي...
دامشي بسرعه واباوع ع الساعه ب7:30 وڪع عليها مطر وڪمت امسحها بهدومي
هف يادوب الحك وعندي امتحان
ما احس بروحي اله تڪومت بالڪاع بنص الطين ع رڪبي وڪعت...
اسمع واحد يڪول الله الله اخيتي خوما صار شي.
رفعت راسي والدمعه بعيني.
شاب لابس شورت وفانيلا اسمراني ضخم وطويل اني بقيت صافنه عليه......
مد ايده يڪومني...
ڪتله لا شڪراً..
ڪمت عدلت روحي..
ضحك ڪال ما تڪومتي اله بهالنڪره چان فتي من هينه وعبرتي النڪره....
مااعرف شجاوبه ضجت حيل ومقهوره ع روحي...
هدومي ڪلها طين ومي والتنورة شويه نشڪت..
ڪمت اعدل بروحي.
ضحك : وڪال ماترهم ترحين لدوامج هچي...
رفعت راسي عليه.
ڪتله وانته شعليك چاي تواسيني لو تضحك عليه.
لالا اخيتي بس حالج مو مال دوام.
ڪمت اتلفت بالشارع يمنى يسرى ماڪو احد.
اف ياربي ماڪو غير حل ارجع للبيت.
الولد لم غراضي من الڪاع وانطاني غراضي الفڪس والجنطه باوعت عليه واخذتهن ورجعت امشي واعدل بهدومي وانفض بيها..
صااح يولو...
انداريت عليه..
هذا قلمج ويبتسم...
عفته ومشيت حايره بدوامي..
ڪمت امشي سريع وصلت للبيت..
طبيت امي ڪاعده..
ياا شبيج...
قمر: وڪعت ع حظي وطينت..
أم قمر: خرب دڪومي بدلي ودوامج..
قمر: ماما مااعرف.
أم قمر: بدلي هسه اڪعد ابوج يوديج.....
قمر: ايي
طبيت بدلت هدومي وغسلت وڪعد ابويه يحجي عليه..
أبو قمر: شبيج
قمر: بابا تأخرت
أبو قمر: خلي اغسل
اني واڪفه بصفه وهوه يغسل عفيه بسرعه عندي امتحان.
أبو قمر: افتهمت انطي صبر.
ڪمل طلعت رحت للمعهد طبيت ڪوه الحارس دخلني لان تأخرت المديرة واڪفه بالممر.
المديرة: عفيه يوميا متأخره ست قمر الي يسمع يڪول بيتڪم بالهند.
قمر: ست والله ضرف صار واظطريت اتأخر.
المديرة: يلا يلا لصفج..
قمر: اني امشي واقلد عليها لصفج لصفج ام سنون
طبيت المحاضرة باديه.
باوعت عليه ست سناء ونزلت المناظر شويه ع خشمها
واشرت باديها تفضلي برنسيسه مو معهد صار استراحه.
طبيت...
البنات تلڪوني هاا
قمر: اسڪتو اليوم من اوله طين وست سناء اطين الباقي اليوم.
ڪملنه محاضره..
ودخلنه ثانيه وامتحنت وجاوبت الي جاوبته يوم متعب وممل سنه ثالثه وبعد سنتين واتخرج.
چانت صديقه الي مقربه اسمها مروه حجيت الها الي صار وڪتلها لهچته مااعرف شلونها يولو. وهينه.وتڪومتي.
مروه: ههههههه ولج مااعرف بيهن اني..
قمر: اييي ولا اني. مراوي ميته جوع امشي ناڪل
چانت اڪو ڪافتريا عود. صبات اسمنت وڪشك مشلع ويبيع علينه لفات وببسي والاحلى مغلفي بنايلون واحنه فرحانين بي اڪلنه الفات وبقينه نسولف ڪتلها باجر امتحان عربي..
مروه: هفف ياربي شوڪت نرتاح من هالظغط اعصابي تعبت والله.
قمر: يلا حبي مضل شي ڪله ڪم شهر ونڪمل..
مروه: عاجبني اصبغ احمر.
قمر: صفنت عليها ايي حلو يلوك الج.........
.........؟..........؟..................؟
اني قمر عمري. 17سنه. طولي. 173. مربربه بضخامه
بيضه وشعري ڪاريه عيوني ناعسه وشفتي متروسه
يڪولون حلوه..
بقينه نسولف اني ومروه ڪملنه الفرصه ورجعنه للمحاضرات.. خلص الدوام ورجعنا للبيت رجعت وي الخط ڪتله تأخرت بسبب صار... مڪلت وڪعت وافشل روحي. دوامي يخلص ب2 الظهر.
وصلني للشارع العام وطبيت براس الشارع العام ڪشك.. ملمومين عليه الجهال يشترون.
وڪفت اخذت منه ڪم شغله تمتوعه لليل.
وڪملت مشيتي..
وصلت للمڪان الي وڪعت بي اباوع الحفره ماڪو.
اندريت ع البيت الباب نفسها..
البيت چان جبير وبناء حديث دبل فاليوم.. واڪو حديقه خارجيه مستطيله والباب سوده وبيها ذهبي..
شفت طابوك الحفره مسويها
عبرتها..
واسمع واحد صاح. يابنت... يابنت اڪفي..
انداريت نفسه الولد الي صبح شفته..
نعم...
ڪال: طميتها..
قمر: نعم
النڪره. طميتها..
قمر: اي والمطلوب شنو..
صفن عليه..
وڪال اني قائد..
قمر: بقيت اباوع عليه.
اخي المطلوب مني شنو.. قائد ع نفسك اني شعليه...
قائد: اف بقه تتڪاونين وياي...
قمر: شنوو..
قائد: ماله لازم اني طميت الحفره..
قمر: اي شڪراً بس مو حفره ابويه هيه والله يالله عفته ومشيت..
شبي هذا شديحجي.. بطران. واذا طميتها انتبهت ع شڪله عيونه ڪبار.. وشوارب عنده.. هسه اني شعليه موڪفني ع حفره..
طبيت للبيت..
سلمت ع اهلي.. وذبيت الغراض.. ماما ميته جوع..
أم قمر: يلا غسلي وبدلي دا صب غده..
قمر: ڪمت ذبيت هدومي ولبست تراك ولزڪت بصف الصوبه.. نعسانه. وجوعانه. وتعبانه..
صاحتني امي ڪعدت اڪل..
اخويه ڪلي يڪولون اليوم واڪعه..
قمر: باوعت عليه ولڪمه بحلڪي. ايي
ههههههه حيل ما متي شو..
قمر: اهوووو ماما ليش ڪلتي اله هسه يخبلني بسوالفه..
أم قمر: ولك عوفها لا تلح.
احمد: حيل والله لو شايفج اموت ضحك.
قمر: مو اڪل طلع هذا سم.
احمد: اوڪفي وين وڪعتي.
قمر: معليك.
احمد: عليج الله.
قمر: شمدريني ودليته..
احمد: ها يم بيت قتيبه...
قمر: منو هذا.
احمد: جماعه مو منا ڪاعدين جدد..
قمر: ها منين لعد.
احمد: من الرمادي..
قمر: هاااااا.
احمد: اي
ڪملت الاڪل وڪمت اريد انام رحت للغرفه طفيت الضوه وخليت راسي ع المخده.
ضليت اتڪلب سألت روحي بلا اني ليش هيج جاوبت الولد عيب هوه سوه مساعدة..
نمت... ما حسيت اله امي تڪعدني..
ڪمت من نومي غسلت وڪعدت ادرس وشغلت الاغاني. ڪملت دراستي وطلعت يم اهلي.
ڪعدت اخويه طالع بقيت يم امي واختي.....
اختي انهار چانت طالبه ڪليه وهم ملتهيه بدراستها
وابويه مدمن طوبه 24 ساعه يباوع ويعصب ويفرح.
هم چنت اتابع وياه الدور الانڪليزي والاسباني
وڪأس العالم لان من الصغر تعلمت ع الطوبه والتشجيع..
سوينه عشه ورحت اغسل هدومي واحضر هدوم لثاني يوم التنوره نعدمت بعد متنلبس انشڪت
غسلت القميص.. وشريته..
اذڪرت من وڪعت چنت لابسه لفاف اسود صوف وبنهايته ورده..
دورت وماڪو افف وينه.
بس لا وڪع يم هذا ابو ال هينه. لو اطين وذبه بالزبل..
طلعت تعشيت ويه اهلي...
وڪعدنه نسولف شويه وراها طبيت لغرفتي اريد انام
طفيت الاضويه وشغلت التيبلام وڪعدت اقره روايه.
من روايات عبير...
وادخل بعالمهم وانسى عالمي اقره لحد ما اغفى...
ڪمت ثاني يوم مثل ڪل يوم.
ڪمت غسلت..
اجيت احضر روحي اني دائماً فاتحه شعري
لان قصير وخليت ڪحل خفيف وبس وبدلت هدومي.
لبست تنوره سوده قصيرة وقميص ابيض وستره قصيره ڪابوي..
ولفاف ع الرڪبه مهم اعشق الفافات..
ولبست بوت بعدها مغيمه وتعطرت وطلعت.
فتحت الباب ومشيت بالطرمه طلعت
وسديت الباب..
طلعت امشي.. الهوى بارد وريحت مطر بالشجر وغيم
مشيت وصلت للشارع
من وصلت للمڪان الي وڪعت بي...
طلعلي چلب اسود چنه ذيب ينبح عليه عطت بنص الشارع ورڪضت ع الرصيف وڪعت الفڪس والغراض من ايدي..
طلع وراه الولد من بيتهم.. بلاك (اسم الچلب) تعال ولك واجه جره من يمي..
اني واڪفه ولازمه قلبي احسه راح يوڪف من الخوف.. اجه يمي خوما خوفج..
رفعت راسي عليه ڪوه اجر النفس..
قمر: بربك هاي عمله ناس عاقله..
قائد: ضحك لا تخافين ما يعض يعرف ريحتج واچاج..
قمر: وخره منا عفيه اريد اولي لدوامي راح اموت..
قائد: اسم الله عليج عيني.
جره وطببه جوة بالبيت وسد الباب.
اني رحت اخذت غراضي من الڪاع..
قائد: اني اسف..
قمر: بعصبيه انته متعمد هيج تسوي..
هاي اذا ماانته سويت الحفرة..
قائد: ههههههههه لا يابوي شنو السالفه...
قمر: اخذت غراضي ومشيت واحجي عليه مخبل..
اسمعه يڪول يولو.
اني منداريت.
قائد: يابنت..
قمر: ڪلت خاف وڪعت شي درت وجهي...
قائد: شسمج..
قمر: اشرت اله بيدي مخبل..
هوه ابتسم واني عفته ومشيت وبڪلبي اڪول هذا مخبل مو طبيعي..
يمه شلون چلب هد عليه هف..
شچلب بيه وشنو هالسوالف التعبانه..
ڪملت وصلت لراس الشارع صعدت بالخط..
قمر: السلام عليڪم...
الڪل: هلوو
ابو الخط: قمر دانتظرج هوايه شنو السالفه
قمر: والله يا ميثم مو اني بس سوالف تعبانه تصير
طلعلي چلب وخرعني..
ابو الخط: ههههههههههه خوما عضج..
قمر: ههههههه لا طلع صاحبه وطببه..
ميثم ابو الخط: سلامات سلامات هههههههه...
مشينه الجو بارد حلو ومغيم..
وصلت للمعهد زين طبيت وي الدوام...
متأخرت هوايه..
چان اڪو استاذ يجينه... أستاذ لؤي..
ڪلنه چنه من نشوفه نفتح حلڪنه من الجمال..
بيوم المحاضره مالته الڪل تبدل وترتب روحها.....
چان ڪلش حلو طويل وجسم وابيض..
جميل بمعنى الڪلمه..
يشبه هيثم يوسف...
فالڪل حضر روحه اليوم أستاذ لؤي...
طبينه للصفوف..
اڪو بنيه ويانه اسمها سمر چانت ڪلش حلوه...
وتڪعد اول رحله وترفع تنورتها شوي ڪبال الأستاذ...
عود تسويله اغرائات...
طب النه...
أستاذ لؤي: السلام عليڪم...
الڪل: وعليڪم السلام أستاذ...
هاي تڪول يا عسل وهاي يا ڪيك..
تصنيف...
بده ويانه بالحصه ويشرح النه عن علم النفس...
بالطفل..
وهاي سمر ترفع بهدومها...
والاستاذ يمسح بالعرك ويباوع عليها..
تسطره سطر يڪوم حتى ميعرف يشرح....
ويترك الدرس علينه مڪطم واحنه نضل نضحك...
لحد ما تخلص الحصه...
ڪملنه باقي المحاضرات بشقه وسوالف...
لحد الظهر ب2 طلعنه...
بيتنه چان بعيد ع المعهد..
علما اوصل اني و3 بلبيت...
وصعدت بالخط..
وبالي يم هذا قائد لا ارجع وهم يطلع بسالفه...
تمشي السياره وعيني ع الشباك..
وصلني ع الشارع.. نزلت..
ميثم ابو الخط چان عينه عليه..
هوه طالب بلڪليه تربيه رياضيات..
ويشتغل بخط...
سيارته چانت بي ام ياخذني اني واخته...
وبعد بنات ثنين ويانه من المعهد....
ومن غير مرحله..
اخته حنين چانت دوم تڪلي ميثم يسأل عليج...
والطريق ڪله يباوع عليه بالمرايه...
شڪله چان عادي بس اڪرع هوه مزين صفر...
اني بالي لا يمه ولا يم احد...
ابالي اتخرج وادخل جامعه...
وراها عود اقرر...
حياتي حلوه وهادئه.. وجنت اتمنى يجيني الحب الي..
يهز ڪياني ويحييني من جديد...
الي يعيشني بعالم الروايات...
وشويه يبعدني عن الواقع الممل...
واتمنى فديوم قصه حياتي تصير روايه...
وصلت مثل ڪل مره اروح للڪشك..
اشتري ڪم حاجه وراها امشي..
هالمره امشي بقلق..
لا يطلعلي بشي.......
امشي وايدي ع ڪلبي وافز الف مره...
اجيت اوڪع من الخوف...
للحڪايه بقيه.......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الڪاتبه: زهراء الاسدي
