صوتو هنا وعلقو قراءة ممتعة قلبوشاتي...
꧁꧁꧁꧁꧁꧁꧂꧂꧂꧂꧂꧂
انداريت شهڪت يمه...
عبدالله واڪف بظهري بقيت واڪفه.
جر التلفون من ايدي وصاح...
عبدالله: الووو الوو.
اني رجعت لزڪت بحافة الڪاونتر مااعرف شسوي ڪمت ارجف..
-اجه جرني من شعري...
عبدالله: هذا منو حيوانه احجي منو هذا..
جرني من شعريي حيل ودفعني وڪعت بالگاع ضل يغلط عليه ويصيح..
احجي منو هذا شو نخرستي..
-جمدت ماڪدر اڪول شي ولا احجي اي شي شمر التلفون عليه نضربت بي بين عيني وبين وجنتي..
خليت ايدي ع وجهي خفت راح يضربني.
اول مرة بحياتي انضرب من اخواني صدك بس بالشقة يضربوني.
ضل يصيح عليه...
اني ابجي واجه ڪعد ڪبالي وگلي....
عبدالله: وخري ايدج داحاجيج شداحجي وياج وخري ايدج منو هذا..؟
ڪمت ابجي..
عبدالله: احجي منو هذا أهله منين؟
منين تعرفي ولج هم مصادقة وهم جايب تلفون الج..
قمر: مممااعرفة..
عبدالله: لا تڪفرينه وتخليني اذبحج شنو مااعرفة احجي...
قمر: عبدالله ممااعرفة اسمعني..
عبدالله: ايي احجي اسمعج..
قمر: اليوم مو رجعت من الدوام..
عبدالله: اي.
قمر: لڪيت تلفون واگع بلگاع بالمنطقه..
عبدالله: ايي.
وتربع وڪعد ڪبالي وعيونه تجدح ناار..
قمر: اني شلتة..
عبدالله: ايي گملي عاد مو حجايتين وتسگتين فضيني.
قمر: رجعت للبيت..
عبدالله: ولج گملي بصوت عالي ويعيط...
قمر: ڪلت لامي لگيت هذا التلفون ڪالت بقي يمج بين ميجون اخوانج ويرجعو لصاحبه وبس...
عبدالله: ولج شنو بس مو دخلت عليج لگيتج سارحه والتلفون بأذنج...
قمر: انته من طبيت عليه شنو شفت خوما شفتني
داسولف واقصقص واضحك...
عبدالله: ششفت واگفه تصخمين وشاڪه حلگج جريته بس گلت الو انسد..
قمر: ارتاحيت مسمع شي وصدك جنت اسمعه يغني الي..
عبدالله: فضيني وڪملي عاد لا تخليني اطلع من طوري..
قمر: اني من ڪعدت من النوم الڪل طالع ڪلت خلي اشوف شبي مابي هذا التلفون بين ميجون الولد..
عبدالله: ايي وراها شصار..
قمر: شفت مڪالمات اڪو فتحتها وتصلت ڪلت اڪيد هذا صاحب التلفون مضيعة دڪيت طلع ولد
گتله عدڪم تلفون ضايع وهذا رقمه.
شو هذا ساعة يڪول اي ساعة يڪول لا..
وضل يلح ڪل شويه ويدك واني ضحڪت لان ڪال ڪلام يضحك...
وبقى ڪل شوي يدك مو قصدي اضحك ولا اسوي شي والله..
التوبه بعد لو اشوف ذهب بالڪاع ماشيله..
-گام عبدالله من يمي ڪام يفتر بالمطبخ..
اني عيوني مااشوف بيها من البجي.
ومااعرف منين اجه هالڪلام براسي وحجيته...
حسيت بي شويه برد وڪال..
عبدالله:خوش هذا ڪلامج اڪيد التلفون اله صاحب وراح يدور عليه..
خلي نشوف وين صاحبه خوش قمر هيه تبين صدك لو چذب بس والله لو طلع الي ڪلتي ڪله چذب الله ڪتبها عليج بعد..
قمر: لا مااچذب عليك..
عبدالله: خلي نشوف..
-ڪام لم التلفون وخله البطاريه بالجهاز ورجع الڪفر وفتحه...
وضل يڪلب بي ڪال..
عبدالله: شو هذا مابي اسماء..
-قمر تحجي بڪلبها...
اني چنت امسح ڪلشي مابقي لا رسالة ولا شي حتى رقم قائد ماڪو ممخزون لان حافظته ع الغيب ڪمت من مڪاني وڪعدت ع ڪرويته جنه خاليها بالمطبخ..
عبدالله: راح ادك ع اخر رقم..
قمر: اي..
عبدالله: ووجعي اسمعي تڪولين الوو..
قمر: هااا..
عبدالله: وعلا تڪولين الو وبس...
قمر: ايي.
هنا اني متت مابقى بيه لا دم ولا روح ولا نفس اتمنى بلحضتها ڪون ميته گون صار بيه شي
هسه يدك واڪول الو ويڪولي حبيبي...
يمه يمه لو بيدي انهزم...
*دك ضل يدك واني بس اباوع عليه
عبدالله: شو محد جاوب..
قمر: مااعرف..
*رجع دك عبدالله وجاوب واحد
الووو...
عبدالله دغني ڪولي الوو..
قمر: بصوت يرجف وبي خوف ڪلت الو.
الولد: الو منو تفضلي..؟
جرة مني اني حيلي نهد وراح جاوب اخوية...
عبدالله: هذا التلفون لڪيناه ضايع..
الولد: ايي هذا النه ومال والدي..
وتفق يجي ياخذة منه..
بدة يرجع الدم بيه بس بعد مامتت..
ضليت بداخلي اشڪر الله واحمدة لان نجاني منها..
سدة واخذ التلفون وياه وطلع..
اني متت ورجعت عشت.
تأڪدت منه راح طڪيت بجي باله اني شسويت بروحي...
من عزة بعيني الله سترها من يمه ومنو هذا الي جاوب..
مو قائد مو حسه. يمڪن عرف نلڪفت ياربي دخيلك وابجي...
ڪمت غسلت اباوع مڪان الضربه ورم وصاير احمر.
طبيت لغرفتي ومااعرف شسوي بقت امي شلون اذا سألها ياربي...
هسه تڪوله لا مجابت لا تلفون ولا شي..
وراح يلتمون عليه وهالمرة محد يطلعني منها..
اجه عبدالله اسمع الباب انفتح..
صاح عليه وڪال اريد چااي..
رحت رڪض اني اريد اعرف شصار..
واڪف چان بالمطبخ بصف الثلاجه.
عبدالله: اجه واحد اخذ التلفون..
قمر: ايي الحمدلله وصدڪت بڪلامي ماعندي شيي..
عبدالله: قمر ڪلبي ديلعب ممرتاح اجه واحد مهتلف واخذة لو ماعيب منه چان اله ينطيني الاوراق مالته يلا ارجعة...
سويت اله چاي ورحت دخلت للغرفة بقيت ابجي وادعي لحد ما اجوي اهلي طلعت شويه
سمعت صوت السيارة..
رحت رڪض وطبيت بالغرفة وسويت روحي نايمة..
ورة مدة ماذڪر شڪد واسمع امي تڪول قمر
اريد اطلع راسي مااڪدر..
اريد اڪول هاا نخرست بعد جرت الغطة مني اني خاله المخدة فوك راسي..
أم قمر: قمر ڪومي...
وخرت المخدة من راسي شفت امي ووياهة عبدالله..
اندارت ع عبدالله وڪالت...
أم قمر: انڪسرت ايدك هااي شمسوي بيهاا..
عبدالله: يمه انتي مشفتي الي شفتة..
أم قمر: انجب مدام اني عايشه وابوك عايش محد اله حق يضرب وحدة من البنات...
اني ڪمت ڪعدت بديت احس بالامان...
أم قمر: ڪلتلي اني اعرف بالسالفة ليش هيج ضاربها..
وضلت ترزل بي..
اباوع ع عبدالله بعيونة الندم عليه..
طلع عبدالله وسد الباب...
أم قمر: حسابج بعدين اصبريلي...
طلعت امي وحسيت بندم الي سويته وغلطت من اخذت التلفون من قائد..
دخلت انهار ونفس الشي ورزاله..
نوب خلصت من عبدالله طلعتلي أمي...
خلص النهار واني ابجي وبالهبطه عايشه واڪول هوه مرتاح وديچذب عليه اڪيد واني اڪلتها وحدي شراح يخلص اليوم عليه ياربي...
تالي اليل الڪل نام...
دخلت امي علينة..
أم قمر: اسمعج منو هذا وتبجي هاي جزاة تربيتي ولج...
هيج جازوني بسوالف مڪسرة وبڪل صلافة چايبة التلفون للبيت مااخفتي ماڪلتي ابوي امي اخواني..
اني بس ابجي مااعرف شحجي وشڪول الها..
أم قمر: احجي راح تجلطيني منو هذا وجايب الج تلفون فوڪاها عزة بعينج شنو من قوة وصلافة عندج...
ااحجي يلا تريد تضربني وانهار تجرها..
*حجيت الها منو وشلون...
أم قمر: عزة بعينج هذول الدليم...
قمر: ايي..
أم قمر: من صخام بوچهج شچابج عليهم..
اني ابجي..
أم قمر: لا تبجين دوام ماڪو بعد ورجليج اذا خطت الباب اڪسرها.وانعل ابوج لابو المعهد...
لابو الي يخليج تطلعين من البيت..
مااعرف الله شلون طلعج من اخوانج...
ولج تردين تخزينه.
ووين من المنطقة....
قمر: اييي..
أم قمر: انهار عينج عليها اني اعرف شسوي بسيطة..
اله ازوجج لبشار واخلص منج بسيطه قمر..
طلعت وحضنت انهار وابجي...
قمر: شلون انو شراح يخلصني وشورطت نفسي اني فدوة ساعديني..
انهار: شساعدج قمر هذول يلعبون شعبالج خوما يزوجج انتي بعدج صغيرة ليش ما حجيتي الي حتى اعرف اصرف اني...
بقيت اليل ڪله ابجي..
صدك حسيت وي قائد بحب وجنت احسه ميجذب
معقولة يجذب وحتى اذا صدك شيريد يسوي..
شو من اول هدة انهزم وخله غيرة يجاوب..
بقيت اڪل بنفسي وتندمت ع الي صاار..
شلون هيج سويت للصبح منايمه وبواجي..
خسرت ثقة امي وخسرت دوامي وياها واخويه نزلت من عينة..
ثاني يوم ڪمت عيوني مورمه ڪلش وصايرة زرڪه تخوف عبالك مضروبه بوڪس..
حتى مطلعت من الغرفة من شافتني انو ڪالت لطلعين منا رحت شفتها مورمه ومنايمة وباجية ڪلها التمت عليه..
عدلت شعري ولميته وامي دخلت علية...
أم قمر: ولج اسمعي من تطلعين ڪولي نضربت بشباچ التبريد بالطارمه...
لان اذا عبدالله ڪلبة طيب وصدك بفنونج..
سجاد يذبحج. يمة ارحميني بعد..
قمر: ميخالف ماما..
رحت دابوسها دفعتني وڪالت..
أم قمر: وخرري من ڪدامي لا اخلي اخوانج هسه يذبحوج..
عفتها بعدها معصبة مني طلعت وياها...
ياهو الي يشوفني يشهك ويسأل شصار..
واڪله الي صار..
ابويه ضل يسألني خوما تأذيج اوديج للدڪتور..
اڪوله لا مابيها شي وداشوف عدل بس جرح ويروح..
وصح چان بي شك خفيف لان التلفون ثڪيل چان..
وضلو يقلدون عليه اخواني العورة العمية بس اني مالي واهس شي..
واحس روحي محصورة وفاگدة شيي..
يوم واحد محجيت وياه احس الدنيا فارغة بدونة..
واحس ڪلشي مابي طعم بدونة..
ڪل شوية اتخيل وڪفتة ع السيارة ويباوع علية....
من لابس نظارات شمسية ومسوي لحية خفيفة چاان شعره حلو واسود وسررح ويگلبه ليفوك من افوت من يمه يضل بس يغمز الي لو يضحڪلي واضحك اني هم..
لو يذب حجاية الي وهنااك اذڪر الي صار وترجع روحي تحتصر....
بقيت هيج واحس بعبدالله متندم من الي صاار..
وامي عقابها چان غريب...
ذبت عليه شغل البيت ڪله فوك جوة هدوم مخليت.
اڪمل شي تلزمني بغيرة اخر شي ڪالت نضفي الحديقة والطارمة...
واني من ڪعدت للعصر بس اشتغل..
ڪل ما اشوف ماڪو احد ابجي ع الي صار بية ودوامي وقائد ڪمت اڪنس والم الورق..
داشتغل واسمع واحد من السياج يصيح يولو...
اني عبالي داتخايل رفعت راسي يمه هااي منوو..
ضليت اتلفت ماڪو اباوع ع السياج عيون وشعر يمه فزيت طلع راسه ڪال قمر اني قائد....
اشرت اله بالمڪناسة روح روح ومدنڪه..
وڪفت ڪتله روح حباب..
خله ايده ثنينهم ع راسه وفتح عينه ڪلها...
قائد: هااي شمسوين بيج اف يولو...
قمر: رووح قائد فدوة روح وابجي..
قائد: اف ول يابه يصير خير سهلة.....
راح...
انداريت يمنه يسرى ماڪو احد دخلت جوة الولد ممددين بالهول..
من طبيت عليهم ڪالو هاا ابو عورة ويضحڪون..
مو ابو ڪمرة ابو عورة احسن..
وضلو يقلدون عليه وعبدالله ولا رفع راسه عليه ساڪت تأڪدت ماڪو شي ولا احد شافني وابوي وامي نايمين..
ارتاحيت رحت ڪملت شغلي..
غسلت الطرمه ڪملتها وبديت انشف بيها وفڪري يم قائد هذا شديسوي يااربي..
راح يوڪعني بمشاڪل مراح تخلص..
ولا يخاف اابد.
اسمع الباب اندك مرة مرتين...
سمعت صوت من البيت شوفي منو يدك الجرس...
رحت فتحت الباب قائد واڪف بالباب بعيد علي.
ضليت صافنه عليه وبيدي الماسحه ورافعة بجامتي..
چان لابس برمودة ڪابوي وتشيرت نيلي..
قمر: عزة شجابك رووح..
چان عصبي وڪلي..
قائد: روحي صيحي اخوانج ويأشر بيدة...
قمر: يمه اسم الله روح شصيح عفيه سدينه الموضوع...
قائد: اني ما متحرك من هينه عدل يابه الة يطلعولي هل الزلم ويشمر بيدة...
قمر: ولك شدتحجي بلا خبال فدوة قائد رووح..
قائد: دزي عليهم اريدهم..
اخويه مد راسه هاي منو...
بقيت ساڪتة..
قمر منوو..
قمر: صصاحبڪم...
انداريت ع قائد بس شفافي تحجي روح منا فدوة......
للحڪاية بقية.....
للڪاتبه: زهراء الاسدي...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
احبڪم ياروح روحي🫶🏻🤎
