اركض في الطرقات نحوك
والطُرقات مليئة بالأشخاص
أتعثر بجزء منهم
والجزء الأخر يتمسك بثيابي
وأتعداهم وأفلت نفسي منهم
هذا ما كنت أفعله وما أفعلهُ
في حياتي لأصل أليك.
«««««««««««««««««««««««««
قمر: قاائد بقيت اباوع ع الطريق يمنى يسرى..
اروحلك فدوه اذيتني وحق الله تعبت اڪثر منك اذا انته معذبك الحب اني ڪلشي معذبني...
شفت سيارة اجتي رحت ع جهه وڪفت..
قمر: راح اخابرك بس اوصل للمعهد..
قائد: قمر احبج.
احبج حييل حييل...
قمر: اذا تحبني صدك عوفني اريد اشوف حياتي قائد
مشيت وابجي..
انداريت عليه شفته خال ايده ع راسه..
رحت قريب ع الصبات مڪدرت اعبرهن واني ابجي..
ضليت واڪفه اخذت نفس ومسحت دموعي وعبرت..
شفتهم واڪفين دنگت ورحت صعدت بسيارة..
قمر: صباح الخير..
الڪل: صباح النور..
حنين: بعد ڪعدي ليڪدام انتي خطيبته هسه..
سڪتت واباوع ع الطريق اريد اشوف وين راح اوصل..
ميثم: قمر شبيج..
قمر: مابيه شي بس متوجعه..
ميثم: خيرج ارجعج..
قمر: لا.
-اريد اعيط واڪول ڪلبي يوجعني هنا ❤الوجع الي خنڪني هنااااا..
وصلنه للمعهد شفت سيارة قائد لزمت ڪلبي قبل لا انزل..
ميثم: اوڪفي احاجيج..
-اني عين ع ميثم وعين ع قائد اخاف منه..
قمر: من اطلع نحجي ميثم..
ميثم: باوع ع الساعه بعد وڪت اصبري شبيج قمر..
-قائد فات من يمنه ويباوع عليه..
صخنت واحس جسمي ناار من الخووف..
قمر: مصخنه بس داومت ع مود الامتحان..
رجع قائد...
بالاثناء ميثم مد ايده ع راسي..
جريت روحي منه اني عيني ع قائد..
شافنه ايي شافنه..
ميثم: لا مابيج شي خاف راح تنشلين...
قمر: يمڪن مااعرف من اطلع نسولف تأخرت بااي..
نزلت بسرعه اتعثر طبيت للمعهد بقيت ورا الباب اباوع لا قائد يروح يضربه..
راح ميثم وبقه قائد رايح جااي..
الحارس: شبيج مطبين..؟
قمر: اي اي هسه طابه......
ترددت اريد اروح واحجي وياه اڪوله روح ڪافي لا تعيشني برعب خليك ذڪرى حلوة..
اباوع الساعة ب بثمانيه اله عشرة..
شفت الحارس ملتهي..
طلعت بسرعه ومشيت بسرعه وفتت بظهر المعهد وطبيت بالفرع..
شافني قائد اجه ورايه بسيارة...
وڪف صعدت ويا ڪعدت وسديت الباب..
قمر: اطلع...
قائد: يلزمج موو من حترڪو هلج وهلو وعشيرتو..
قمر: اطلع منا..
شحط السيارة وطلع مداعرف شداسوي وشدااصرف.
اثنينه متأذين..
قائد: يلزمج موو..
قمر: قائد وتالي..
قائد: من احترڪو هلي من انعل رسي وعشيرتي..
انداريت عليه...
مااعرف شيريد اڪوله..
قائد: وانتي ڪاعدة وفرحانه اله..
قمر: قائد هذا راح يصير رجلي..
قائد: ع جنازتي تصيرين مرة اله قمر لا تحرڪين دمي.
قمر: متعبت ڪولي مڪافي الي صار لوين ناوي توصل ڪلي..
قائد: اوصل الج هااي غايتي...
-يحجي ويضرب ع الستيرن اريدج حلالي ڪفرت خوما ڪفرت..
دحڪي لا انتي ولا عشيرتج توڪف عليه..
قمر: اني تعبانه..
قائد: واني المرتاح عجل..
قمر: قائد رجعني للمعهد..
قائد: اندار عليه مترجعين لا للمعهد ولا لهلج..
قمر: درت وجهي عزه بعينك شدتحجي انته.
قائد: ايي مترجعين اخذج لديرتنه واعقد عليج واشوف يا زلمه يطلعلج.
لا خلي الفشك من الرمادي لبغداد...
قمر: دخيل الله اعقل وسمعني اني اجيت وياك اريد افهمك..
قائد ڪمت اخاف منك موتت الحب بخوف وعيوني نترست دموع..
وين راح نروح عفيه رجعني حباب..
قائد: استغفرالله...
-فتح الچڪمچة شفت سلاح شهڪت شراح يسوي ڪمت ارجف طلع جڪاير وسدها حيل..
ڪعد يدخن..
قائد: صار سنتين من ترڪتها (ع الجڪاير) ورجعتيني عليها من اشتعلووو..
قمر: انداريت عليه چان مربي لحيه والسهر ماخذ من عيونه تعب ولابس قميص مربعات..
سڪتت انتظرته يبرد..
ساڪت هوه هم..
قمر: اباوع عليه وين توديني..
قائد: ارجعج يابنت الناس ارجعج..
-اباوع ع عيونه متروسات دموع.
يمڪن هالڪد ما تمنيت اعيش قصه..
الحب اجاني بقصه حرڪتني حرك لزمتني العبرة..
قمر: قائد احبك..
قائد: ڪافي قمر دمرتيني ودمرتي حياتي..
قمر: شنو السويته الك اني انته دمرتنه من البدايه..
قائد: انتي ما وڪعتي بنڪرة انتي وڪعتي بنص ڪلبي..
من اول يوم انتي ماڪو شالج يمي ينام بحضني
حظي الاغبر جابني عليج قمر حظي..
قمر: قائد مرتك واطفالك مالهم ذنب الغلط منك..
طب بفرع ووڪف..
قائد: غلط هذاك الله ويأشر من الجامه للسما..
حاجي شنو حرام اعشك لو حرام ازوج..
عجل يمنه الديرة ڪلها مزوجه ثلاث واربع صفت يمي حراام..
وتعاي اڪلج منهو ڪلج اني مقصر وي حرمتي اني قبل 3 سنين نويت ازوج حياتي وياها هيه والماڪو..
قمر: ليش..؟
قائد: هااي اليش سالفتها طويله..
قمر انتي ما حبيتيني ڪد حبي الج..
قمر: لا مو هيج..
قائد: لا هيج انتي ما صبرتي ولا سويتي شي..
قمر: شريد اسوي ڪول صير بمڪاني..
-اندار ضحك بستهزاء..
قائد: شچاي اسوي هينه عجل العب دعبل عمي اسڪتي اني هناك محارب اهلنه ڪلهم..
بيني وبين نسابتي ولد عمي حلال وڪيعان وشغل وفلوس..
ترڪته وماهمني شي ولحد هسه نتڪاون روحي دحڪي هناك شڪو وتعاي احجي قمر.
مااردت شي ردت اطب لبيتي واشوفج.
ردت من ارجع تعبان من شغلي اشوفج واسمع ڪواك الله منج....
يمڪن بلحضتها مايضل تعب حتى روحي ترتاح..
قمر عمري 27 مو جاهل ولا صغير..
ولا مقصر وي اهلي بشي وتشهد الديرة عليه
منو قائد قمر اني بس وياج ضعيف وهسه دانازع وياج مثل الي يچتلو وتضل الروح معلعله وينازع بيها
هيج حالي وياج.
وڪلتها واعيدها للوحه وياج وماسڪت..
*وهذا الي مااعرف منين جبتي دباره يمي..
قمر: مڪافي بعد مدشوف طريقنة مسدود..
قائد: هذا براسج مسدود اني اسوي ڪلشي بس لا ترضين بي وتنزفين لغيري..
اصبري اقنعهم مااريد شي منج..
قمر: ماڪدر بعد اهلي حاصريني ويأذوني بيك شبعت رزاله وضرب واهانه قائد ارحمني وارحم نفسك..
قائد: قمر مااتخيل غيري يمج وينام بصفج ويشم عطرج..
يولو احترك حرك من چدمي لراسي انتي ارحميني ولتقبلين بي..
والي علي ڪلته الج ومااخاف والايام تثبت لهلج..
قمر: صفنت عليه اذا تحبني ڪاافي واريد وعد منك تعوفني...
-ضحك وخله راسه ع الستيرن..
قائد: يابه اخذي مني وعد تنزفين بدم..
قمر: شنو يعني...
ڪافي تهدد راح يموتوني من وراك..
قائد: منو يدنه الج واني بظهرج..
قمر: قائد اذا تحبني ليش تأذيني هلڪد فهمني..
ياحب هذا الي تحجي بي وتهدد وتخوف بيه..
قائد: خلص هذا قفل مامنه ردة..
قمر: لا تهدد..
بقي طيب بيناتنه لا تخلي الحب يموت..
قائد: لا تزوجين..
ثاري ماهو وياج وي هلج واحد واحد اني مااخاف من شي (يأشر ع السما) الله الي نطاها وهوه الي ياخذها
خوفي عليج بس...
اسمعي....
ترعد سماي وتمطر ابارود..
اطشرڪم وذر ع الڪاع لو هديت..
انه مورث فشك مااخاف..
انه مڪمط مشاڪل وراضع الفزعات...
لو ادري مو ڪد الحجي محجيت..
انه مسودن عشك بيج...
انه السور العظيم البيه احاميج...
انتي لو الي لو جنه الفردوس..
ذايب بالعشك والصيت عالي الصيت..
ادڪن بيتج واخذج لبعيد...
أرض الله واسعه من مندلي لهيت..
وتسأليني..... ليش..؟
