انَا رسُالة لبريد ضائِع ♥.
''''''''''''_'''''''''''''''_'''''''''''''''
انداريت شفت سجاد يلبس بشحاطته ويطلع..
صرت بنص بين قائد وسجاد والباب مردوة شوية مفتوح منها احس ڪلبي راح ينفجر...
وحسيت بدوخة مو طبيعيه والدنيا تغوش..
مشيت خطوتين وانتجيت ع الحايط اجه سجاد وڪال...
سجاد: شبيج قمر..؟
قمر: عيوني غوشن..
سجاد: هااي من الضربة خرب يومج بس لا صار بالشبڪية مال عينج شي دمشي..
-مشيت وياه طببني جوة ڪعدت ع ڪرويته..
ماڪو احد نايمين والولد بالهول ڪاعدين ع البلي چانو يلعبون...
اريد افتهم شنو الي راح يصير مدااعرف شي.
هذا قائد شيريد يسوي اوف ربي راح اطك سترك ولطفك يارب..
شورطت روحي وي مخبل يمه.
ڪل شوي امد راسي اشوف الباب مردود وسجاد بعدة برة..
اجه عبدالله علية..
عبدالله: شبيج قمر؟..
قمر: ماڪو شي عبود بس عيوني غوشت..
عبدالله: ڪولي والله..
قمر: رفعت عيني عليه حسيت مثل الي ديوقعون ع اعدامه.. ڪتله ايي.
عبدالله: فتحيها داشوفها...
قمر: فتحتها ضل يباوع.
عبدالله: مابيها شي بس جوة احمر..
قمر: شمدريني حظي هذا..
ضل يحرك بصبعه يمنه يسرى..
عبدالله: هاا شوفين..؟
قمر: شنو السالفة اشوف..
-بالي يم قائد شراح يسوي يمه متنلام مروة من ڪالت مخابيل عزة بعينج قمر..
ضل عبدالله يمي يحجي بس بالي مو يمه حسيت نسد الباب البرة وصوت رجلين بالطرمة دخل سجاد وسد الباب..
عبدالله: هذا منو برة....؟
اني مااعرف شسوي ولا شڪول الي يطخني اطك بجي...
سجاد: قائد هذا..
عبدالله: شبي...؟
سجاد: هيج تعال بالهول..
اخذة وراح اني بس اباوع عليهم اريد امشي اروح اسمع شصار مااڪدر.
بقيت ع گعدتي مااعرف شنو الي سواه وڪاله قائد.
بس سمعت صوت عبدالله يڪول لا بلا بس بقة علينا هذا..
-ع شنو مدافتهم...
وسجاد يرد عليه يڪله شبيك غير نفتهم..
طبڪت رجلي وحرڪتهن ڪوة ومشيت يم الهول..
اسمع يجاد يڪله...
سجاد: شبيك انته تخبلت..
عبدالله: ماڪو ماعدنه بنات للزواج..
سجاد: الله اڪبر شبيك غير افتهم.؟
عبدالله: لا تفهم ولا افهمك ماڪو ومنو يريد بلا..
سجاد: مااعرف ڪال حددو يوم واحنه نجي..
عبدالله: هاا هذا بطران يسولف من حاله ومنو ينطي بلا..
سجاد: عبدالله لا بڪيفك ولا بڪيفي بڪيف ابوي وامي..
-اني مشيت للغرفة فرحت لان مچان يلعب عليه.
وانقهرت من ڪلام عبدالله..
طبيت للغرفة رحت ع انهار چانت نايمه..
قمر: انهار ڪومي ولج..
انهار: شڪو شبيج.
قمر: قائد..
انهار: عزة شبي..
قمر: اجه خطبني.
انهار: جذب.
قمر: والله.
ڪامت انهار..
انهار: صدك تحجين...
قمر: ايي والله..
انهار: ولج شلون.
قمر: مااعرف هسه اخوانج يحجون اجه ع سجاد وڪله..
انهار: والله ابن اوادم هذا..
قمر: ابتسمت بوجهها..
انهار: يمه لا ضحڪين چنج اعور الدجال..
قمر: انجبي ولج..
انهار: وانتي هسه فرحانه لو لا..
قمر: مااعرف عبدالله تخبل من سمع..
انهار: ليش.؟
قمر: مااعرف..
-طب عبدالله علينه..
اني ڪاعدة بصف انهار سد الباب واول مطب شال نعاله وشمرة عليه..
عبدالله: اني الج اني اربيج..
واجه عليه ختلت ورة انهار.
نفس مااريد جرني من شعري وڪال..
عبدالله ولج من البارحه گلبي مورم عليج والوم بروحي..
طلع هوه مووو ابو التلفون شلون فنون وصدڪت اني
ولج انتي بطول الشبر تضحڪين عليه..
وضربني راجدي وانهار بقت تحجي عليه ودفع بي ع صوتنه دخل احمد..
جر عبدالله وڪله...
احمد: شبيك مخبل تطلع قهرك بيها هيه شعليها ولك.
عبدالله: وخر احمد اريد اشوف ششاف منها واجه يريدها..
اجه سجاد وامي ڪعدت وبقة عبدالله يحجي بس مڪال بسالفة التلفون..
ڪوة جرو مني واني بس ابجي وانو ع بجيي تبجي..
مدافتهم شبي وليش هيج يسوي..
احترك البيت مو عبالك جاي خطابه..
عبالك چاي ديذبحني..
امي طبت عليه ڪالت..
أم قمر: ولج شسوي بيج حتى يبرد ڪلبي.
قمر: ماما شسويت فدوة..
أم قمر: ولج اخوج عرف بسالفتج وهذا المخبل يريد يخطبج..
قمر: ماما شڪو بيها انطوني وخلصو مني..
أم قمر: هاي فوگاها تحجي وطلع لسانها ولج شننطي وترحين للرمادي تعيشين هناك..
ابوج اول ما سمع ڪال ڪولو اله لا يجي ولا يتعب نفسه..
قمر: ليش ماما حرام عليڪم..
أم قمر: من حرمت عليج عيشتج شتعرفين عنه هاي قشمرج بحجايتين احبج ومااحبج ولج خوما طابه وطالعه وياه..
قمر: لا والله حرام..
أم قمر: وتعرفين الحرام انتي..
قمر: ماما والله ماڪو شي بينه..
أم قمر: سدي الموضوع وانسي خلص ابوج مينطيج الهم واذا انفتح بعد هالموضوع يطيحون حظج حمدي ربج ڪوة سڪتت عبدالله ماحجه شي..
عافتني وطلعت.
مرت الايام واني محبوسه بالبيت بروحه وبالجيه عبدالله يغم بيه لو يرزل بيه..
والظاهر سدو الموضوع وڪالو اله.
اني هم مابيدي شي اسوي الڪل ضدي بلا سبب مقنع.
مر اسبوع اني بالبيت وقائد اختفى.
فديوم دنيا العصر ندك الجرس طلعت امي..
طبت ترڪض وڪالت رياجيل بالباب مااعرفهم.
طلع احمد صاح علينه..
احمد: ڪعدو ابويه..
ضلينه نباوع منو..
وامي تصيح احمد وتڪله منو منو يأشر الها طبي وطبت جوة وحايرة ڪعدت ابويه چان سجاد وعبدالله طالعين مموجودين بالبيت..
أبو قمر: منو هذول..
مفتهمنه شي طلع ابويه الهم..
واحمد فتح باب الاستقبال..
- اني بقيت اباوع من البردة اريد اشوف منو اباوع رياجيل طبو رياجيل ثنين وثالثهم قائد فتحت عيني ڪلها هذا قائد..
ربي شچابة هذا شديسوي هنا..
يمه حبيبي فدوة لڪلبة...
يعني جايب رياجيل وجاي هالمرة فدوة لعمره ولا مل ولا بطل..
اجه احمد ڪال..
احمد: هذا قائد.
أم قمر: شيريد.
احمد: اندري شيريد يمڪن خطابه ع قمر..
اني بيناتهم بس اباوع.
أم قمر: خابر اخوانك خلي يچون خوما ابوك وحدة
احمد اخذ ماي وڪال سوو چااي وراح..
امي اجت عليه وڪفختني وڪالت..
أم قمر: هذا وين لڪيتي راح يسوي مشاڪل النه احنه وين وهوه وين من انعل يومج اڪيد لحد هسه تتصلين بي..
قمر: لا والله ياامي ولا اعرف عنه شي والله..
أم قمر: خلي نشوف.
-شويه واجوي خواني طبو عبدالله محجه شي..
سجاد: هذا شچلب مديفتهم..
راحو ڪعدو ساعة اڪثر من ساعة هم جوة واني ايدي ع ڪلبي وادعي الله ابوي يوافق مااعرف ليش رافض..
*احنه منفرق بالمذاهب ابد ليش هيج ديسوي..
بقت امي ترزل بيه وسب وتتوعد الي.
اڪثر من ساعة وطلعو..
وبقو الولد بالاستقبال اني استحي اطب للستقبال اعرف شصار..
امي طبت يمهم وبقو يحجون بصوت عالي..
-رحت لغرفتي محد يمي انهار يم بيبيتي رايحه لان بيبي وحدها وبس اني بالبيت..
بهلهوسة طب احمد...
احمد عمره 15 سنه صغير اجه يمي وسد الباب وقفله..
اني خفت خاف هم حاجي شي قائد وهم راح انضرب
احمد: قمر لا تبجين تعاي اڪعدي لا تخافين..
قمر: والله ممسويه شي اني.
احمد: اعرف بيج والله اڪعدي..
قمر: ڪعدت يمه..
احمد: قمر ماعندي احد بس انتو وانتو قطعه من روحي اني مو ع مود صغير واحجي لا بس اني بشر واعرف واحس الشي مو طبيعي احجي الي ڪلشي بلڪي اڪدر اساعدج..
قمر: ليش شصار هسه..
احمد: اسمع منج اول.. تعرفي..؟
قمر: ڪمت ابجي..
احمد: قمر قسم بالله ماضربج ولا اذيج..
قمر: هزيت راسي ايي..
سڪت جر حسرة وڪال..
احمد: هم.. وسڪت يعني هم طالعين سوة..
قمر: لزمت ايدة يحرم عليه اذا طالعه وياه.
احمد: خوش.. تحبي..؟
قمر: ڪمت ابجي اڪثر..
احمد: هذا هوه فهمت بس قمر لا تتأملين شي هوه صح خوش ادمي واچاج من الباب ومالعب رغم انتي غلطتي بس شريف.
قمر: ايي.
احمد: ترة ابوي قافل والي قفلة عبدالله اڪولها الج لو تبقى علينا اني وسجاد نزوجج..
قمر: ليش..؟
احمد: يڪول مو ثوبنه ومتڪدر تعيش وياهم وصغيرة....
قمر: وهسه شصار..
احمد: مصار شي عود هذول اعمامه جايين وخاله لان والده متوفي..
قمر: اي.
احمد: هم مقبل وڪال البنيه صغيرة ومحجوزة لابن خالتها..
مابيها شي صدك ميفيدج قمر ذبتهم غيرنه ومتڪدرين تعيشين حياتهم صعبه.
واصلاً قائد مزوج وعنده اطفال...
مترهم يااختي اريد منج تنسي وبلا مشاڪل.
اني من ڪال مزوج افتر راسي وڪتله..
قمر: منو مزوج...؟
احمد: قائد لعد شعبالج ابوج واخوج ليش رافضين وتنزلين ضرة ومشاڪل قمر من امده حظج والله..
-بقيت ساڪته مداعرف احجي شي معقوله مزوج وچذب عليه شلون يڪعد يحب ويريد يزوج فوڪاها.
انقهرت ڪلش وانقهرت ع روحي الي حبته وع القهر الي شفته وتاليها مزوج..
احمد: هاا شبيج..
قمر: مابيه شي..
احمد: قمر هذول مو مثلنه تلڪي من عمره 18 مزوج وجهاله بطوله ويزوج وحده واربعه هم..
ميفيدج لتفڪرين بي..
قمر: ايي..
احمد: خلص ابويه هم ختمها ويا ومااتوقع يجي بعد.
قمر: اي..
ماڪو محجيت شي مصدومه من ڪلامه وعافني وطلع..
بقيت ڪاعده وحدي اتمنى اشوفه واحجي وياه واڪله ليش جذبت عليه وليش خليتني اتعلق بيك واحبك اريد اعاتبه اريد اعرف السبب شنوو..
لازم اطلع من البيت واحجي وياه لازم اڪله ليش.
واڪله اني بعد مااريدك..
من اذڪر مزوج انقهر لان جذب عليه..
اهلي سڪتو محجو شي ويايه لا عبدالله ولا امي بس بقيت متهمه بشنو مااعرف..
بقيت بعينهم غلطانه وماڪو ثقه..
اخواني تغيرو ويايه بس احمد عاادي..
امي نفس الشي ڪل حجايه والثانيه تذڪرني بقائد عبالك سويت جريمه ويا وچنت اتوسل بيها ارجع للدوام متقبل وڪدام اخواني ڪالت رسب وحلفت اڪعدها هالسنه عبدالله يعرف السبب وابويه ميقبل الها عاد ابوي ڪال..
ابو قمر: ع السبوع الجاي ارجعي لدوامج وڪولي جانت عدنه وفاة..
اني فرحت ڪلش ع الاقل اطلع من البيت اختنڪت.
بس ماارجعت نفس فرحتي وضحڪتي تجربتي بقائد اخذت مني اهوايه وحلفت مااخلي احد يلعب بمشاعري بعد..
مرت الايام واجه اليوم الي لازم اداوم بي..
تفاجأت الصبح احمد موصينه يوديني ويرجع ينتظرني...
بدلت وڪملت بس الحزن بعيني..
المرايه الي چانت تعڪس الفرح والامل ڪامت تعڪس حزن ودموع محبوسه تخاف تنزل..
طلعت شفت احمد منتظرني..
احمد: يلا داوصلج..
قمر: يلا وراك..
مشى ومشيت وياه طلعنه فرعنه مشيت بشارع احس ڪلبي يريد يطك من الرجف من وصلنه لبابهم شفته مسدود ڪلبي انڪسر واختنڪت عبرنه بيتهم احمد ڪدامي يمشي طلعت الشارع ڪله شفت ميثم واڪف
صعدت وياه وراح احمد..
البنات ضلو يبوسون بيه واخذو من خاطري..
ويسألون ليش غبت هالڪد وميثم هم نفس الشي..
ڪتلهم خالي توفه وسافرنه لمخافضتهم وبسببها غبت..
ڪالو ندري لان امج اجتي واخذتلج اجازة..
اني بقيت ساڪته..
ماعاد يهمني شي.
الطريق ڪله ميثم يباوع عليه..
اني روحي طافرة ومخنوڪه ومشتاقه لمروة اريد اشوفها واشڪيلها الي صار بيه..
وصلنه نزلو الڪل..
ميثم ڪال قمر بس لحظه من وقتج..
اني بقيت اباوع عليه نزلو البنات وراحو..
ميثم: شبيج شصار..
قمر: بقيت اباوع عليه..
ميثم: هااي مو قمر الڪدامي منو الي مأذيج..
قمر: شڪراً ماڪو شي وفاة عدنه واسفه اريد اروح عفته ورحت..
نزلت اني بيا حال وهذا بيا حال ياربي..
طبيت للمعهد الي فهمته امي ماخذة اجازة الي والڪل اخذ من خاطري..
بس مروة چانت تعرف وڪالت...
مروة: يوميا قائد يجي يسأل عليج وڪلي الي صار..
وقبل يومين گطع بعد مااجه..
ميفيد بعد ابجي لو انقهر..
مرت الايام يوميا احمد يوديني ويجيبني..
وقائد ماڪو اختفى...
ورة اڪثر من 10 ايام شفته..
واڪف يم الباب مالتهم..
وجان احمد ويايه من رجعت من الدوام..
شافني تبسمر بمڪانه..
اني ڪلبي طار من الفرح..
احمد من شافه ڪلي امشي بسرعه نثولت مااعرف شلون امشي مڪدرت اشوفه ولا اباوع عليه..
بس لمحته ومشيت سريع من يمه حسيت روحي عفتها يمه...
ورجعت للبيت..
مقهورة ڪلش تمنيت احجي ويا واعرف بس السبب ليش چذب...
بس بديت اتعلم ومااريد اسبب الاهلي مشاڪل.
ومر اليوم نفس الشي مقهورة لا سالفة تضحڪني ولا روايه تعيشني بقصتها ولا فلم يونسني حياتي فرغت من ڪلشي حلو..
ثاني يوم الصبح مشفته يم بابهم.
رحت للدوام عادي واحمد وصلني مثل ڪل يوم وصلت للمعهد..
نزلت من الخط....
اباوع هاي سيارة قائد...!
ياربي شلون واڪف ڪدام المعهد..
مشيت ورة ما راح الخط وصلت قريب يمه ڪال...
قائد: قمر..
قمر: اني مشيت..
قائد: تعالي يمي اريد احاجيج..
قمر: خفت لا احد يشوفني ويوصلها الاهلي..
-مشى بالسيارة دخل بفرع..
رحت وراه وگلبي ڪاتله الخوف خاف احد واڪف الي من اخواني او اهلي احد يشوفني..
وڪف وڪفت يمه..
قائد: اصعدي..
قمر: لا قائد فدوة روح شصعد..
قائد: دحڪي عليه بس احاجيج...
قمر: روح الي بينه انتهى وانسى ڪلشي..
قائد: قسم بذات الله ما متحرك من هينه اذا متجين عدل يابه يولي قمر حدري بس احاجيج چلمتين وردي لدراستج...
عفته ورجعت للمعهد..
قائد: يولي اوڪفي قمر لا تخليني اطلع خبالي هينه..
-ڪمت امشي اسرع..
شفته رجع سيارته ونزل من السيارة..
واجه عليه بسرعه................
للحڪايه بقية.......
للڪاتبه: زهراء الاسدي..
اتمنى لڪم قراءة ممتعة🫶🏻♥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
