تصويت ومتابعه للحساب
امشي واتلفت عبالك راح يطلعلي وحش..
مشيت وصلت لمڪان بيتهم. حتى اسمه طار من
بالي..
شسمه ياربي. نقيب.. لا يا نقيب.. هف
عبرت ع الرصيف مقابيل البيت چانت بنايه
مو بيوت..
امشيي واباوع. ع الباب...
خطوتين عديتها واحس صوت يم رجلي..
جمدت بمڪاني نزلت راسي الچلب واڪف...
ولسانه طالع ويهز بذيله.
اريد ارجع مااڪدر اريد اتقدم مااڪدر.
اسمع واحد يصيح بلاك ويعيط عليه..
راحله رڪض غمضت عيوني واخذت نفس عميق.
هالمره الدمعه بعيني من الخوف..
منداريت اريد اجمع قوتي حتى ارڪع راسه بطابوڪه. شي يبرد ڪلبي..
اسمعه يڪول.والله ما طلعته هوه من سمع صوت
اچدامج طلع الج..
باوعت شفت الچلب ماڪو..
قمر: قسم بالله اذا مره ثانيه طلع عليه الچلب لو انته
تعرضت بطريقي والله اشتڪي عليك..
عيب استحي احنه جيران وهاي حرڪات مزعطه.
قائد: والله ما طلعته اني هوه طلع اه.. يولو ڪضبته
بعد مايطلع لا تخافين..
دحڪي عليه اني مو زعطوط ولا جاهل لا تتمادين
اف مو لسان تڪول رشاشه..
قمر: فريت بايدي ومشيت عنه وادردم وي روحي ع تصرفه.
هم چلب وهم اسود. يمه..
وصلت للبيت...
شفت الولد ورايه يمشي انتظرت يصير يم بابنه
طبيت ورڪعت الباب بوجهه.. ومشيت.
تلڪتني أمي.
أم قمر: شبيج طابه عصبيه
قمر: ماڪو شي
ذبيت الغراض وطبيت ڪعدت ع التخم.
أم قمر: شڪو شصار ها مزفته بالمتحان....
قمر: لا ماما ماڪو شي والله شبيج يا متحان بس طفرت روحي..
أم قمر: من شنو.
قمر: سلامتج حبي ميته جوع ماما اروح اغسل واصب.
أم قمر: ولج قمر انتظري اخوانج وابوج هسه جاين.
قمر: ماما باجر عطله اريد اڪل وانام هلڪانه تعب.
أم قمر: هاي شنو راح نطلع..
قمر: وين اطلعون. امشي بالممر وسمعت لبيت عمج.
عرفت طلعه تعبانه ڪملت مشيي.
طبيت للغرفه ذبيت روحي ع الجربايه..
واذڪر الموقف والچلب...
هذا لاڪف مو طبيعي ابد والله فوڪاها يمشي ورايه هوه وڪرشه خرب مال اهد عليه اسد واشوف
شيسوي ابو يولو..
مااعرف اڪول لاخويه يلزمه عد حده
شو زيدها هذا عبالك الشارع بس اله ڪمت بدلت.
هدومي ورحت اغسل وبالي يم الموقف ڪون اخلي خواني يلعبون بي طوبه. ميستحي
فوڪاها جبير مو صغير
طلعت نصب غده وطبت اختي من الدوام.
بالي افڪر هم الچلب يطلع الها.
قمر: ها شلونه الشارع.
انهار: يا شارع.
قمر: اقصد الازدحام.
انهار: خنڪه يمعوده موزين بارده بعد ڪم يوم
ننحمس بالحر وامتحانات.
قمر: اي والله اڪلج شفت چلب ودليتها بالمڪان هم شفتي.
انهار: لا ماڪو.
قمر: هااا لعد بس عليه طلع..
ڪعدنه ناڪل اني وانهار ونسولف ع الدوام والدراسه..
قمر: ولج انو ترحين لبيت عمي
انهار: ترحين انتي.
قمر: لا
انهار: ولا اني.
قمر: خوش لعد العصر ندز ع فلم ونڪعد نتابع
بس والله اڪولها الج من هسه اذا ڪمت اسوي اڪل ومڪمتي ويايه اعلڪج بالبنڪه.
دومج اني ينڪسر ظهري وانتي بس تاڪلين.
انهار: ههههههه يمه من لسانج لا اساعدج.
قمر: ايي مبين كملت ورحت نمت
اجتي ورايه اختي انهار ناعمه ونازڪه.
انهار: قمر
قمر: هاا
اڪولج انو نعسانه اريد انام لا تضلين تڪمزين فوك راسي.. احجي
انهار: لا هيج.
قمر: ولج احجي.
انهار: اڪو واحد بالجامعه......
قمر: ايي اسمع شبي
انهار: مابي شي بس اليوم من فتت...
قمر: اي ولجج
انهار: ڪال.....
قمر: دحجي شڪال شو هاي صارت حمرة.
انهار: ڪال من فدوه لهل شعر....
قمر: صفنت عليها بيش ارڪعها هاي ضربتها بالمخده.
وانتي صار ساعه سارحه ع مود هالڪلمتين..
ولج عالڪه يمنه طين وچلاب وانتي ع هايي
انهار: يا چلاب..
قمر: انو نامي ام شعر لا ازينج صفر.
انهار: اوووف فوك ما اڪلج... ودارت راسها
رجعت افڪر بابو الچلب لو بس اذڪر اسمه ياربي
ما اذڪر قائد.. نقيب.. المهم اڪو رتبه بالموضوع..
نمت ما حسيت اله ورا الغروب.
ڪمت اباوع اختي نايمه بعدها عفتها خطيه.
طلعت من الغرفه رحت للهول شفت اخواني ڪاعدين.
هااا قمر سويلنه چااي...
اني عيوني محوله هسه وين امي.
طلعووو..
هااا
احنه 3 ولد..... و2 بنات
سجاد... وعبدالله... واحمد..
ڪلهم طلاب اڪبرنه سجاد..
واصغرنه احمد.
والدي موظف وامي معلمه...
حمودي روح جيب النه فلم حباب اليوم عطله..
احمد: اهووو انتي بطرانه اڪعد افرفر واشوف فلم وتاليها تڪولين محلو..
قمر: حباب شيطلعني مابيه حيل
احمد: يمعوده هو هذا السوك روحي انتي..
عبدالله: اني طالع اجيبلج ويايه..
قمر: ياريت.
عبدالله: شنو تردين بس سوي چاي يمعوده..
قمر: رعب
عبدالله: ولج انتي تموتيني وتالي تڪولين محلو..
قمر: حباب ڪون حلو.
انهار: ليش مڪعدتوني هسه شراح ينومني..
قمر: شفتج نايمه وعفتج ڪلت خطيه.
انهار: قمر خلي نطلع نجيب ڪم شغله..
قمر: راح اوصي عبدالله ع الفلم..
انهار: لا ولج ڪم شغله واريد استنسخ هم.
قمر: هااا لعد خلي اسبح ونروح..
رحت سبحت.
احنه الاسواق قريبه ڪلش علينه. سوك صغير
اسواق ومڪتبه ونفسه يبيع سي ديات
ومطعم صغير ومخضر سوك صغير ڪلشي بي.
ڪملت وبدلت ورحنه اني وانهار.
وصلنه للسوك هيه راحت للاسواق واني دخلت ع ابو سي دي.
قمر: السلام وعليڪم.
ابو المحل: وعليڪم السلام..
قمر شنازل جديد.
ابو المحل: هاي مجموعه جديده اشڪال بيها.
قمر: رعب.
ابو المحل: ايي اشڪال..
رحت اڪلب بيهن عارضهن حسيت واحد بصفي هم يڪلب.
اني اقره معجبني شي انداريت ڪتله..
قمر: حسن شو هاي مو رعب..
حسن ابو المحل...
الولد الي بصفي ڪال وبصوت نااصي هوه انتي رعب.
رفعت راسي عليه هوه نفسه ابو الچلب.
ضليت اخنزر عليه..
قمر: حجيت وي حسن بعصبيه حسن ماڪو شي حلو ڪلها افلام قديمه وتعبانه
حسن: لا ليش يمعود اعصابج..
اجه يمه الولد.
قائد: اريد هذول افلام حب هيه مال رعب بهالزلك.
قمر: اني صافنه عليه شعليه هوه ڪوه لزمت لساني
عيب من ابو المحل شيڪول عليه..
قمر: حسن عيني انطيني ع ذوقك.
ڪام قائد يڪلب بيهن ويختار الي...
انطاني 3 افلام مدها بيده خذي ذول..
قمر: موقف محرج لا بيه اتجاهله ولا بيه اخذها.
مديت ايدي اخذتهن..
ضل هوه لازم الاقراص
قمر: بصوت ناصي وخر ايدك ضل صافن يا وخر ايدك يمعودد..
اني ڪلت حسن مو انته..
قائد: حبيت اساعدج دحڪي هذول حلوات توالمج
طبت انهار..
انهار: ها لڪيتي..
الولد ابو الچلب سلم ع حسن وطلع..
ضليت ساڪته ورحت دفعت حساب الاقراص لحسن
حسن: واصله..
انهار بصفي انحرجت..
قمر: حسن هاك عيني والي دفع الحساب انطيهن اله
ما معتازه احد اني والله يالله..
ضحك واخذهم مني وطلعت ادردم..
انهار: ولج شبيج
قمر: ماڪو شي هذا واحد.. استغفرالله...
انهار: ولج احجي..
قمر: امشي خلي نرجع مال ارڪع براسه الافلام..
..؟..؟.........؟.....؟....؟......؟........؟
قائد چان شڪله حنطاوي وضخم وطويل وعنده شوارب وعيونه سوده وعنده ڪرش صغير..
الطريق ڪله ادردم ماعرف اضحك مااعرف شسوي.
هوه ورانه استحي عليه هسه يڪول مصدڪت.
طبيت للبيت اختي ثولتني شڪو وشڪو
خفت لا اخواني يشوفو جانو بالباب..
فتت اني وايدي ع ڪلبي..
اجه الولد وڪف وي اخواني اسمع يڪولوله هلا قائد
يمه يعرف اخواني طبيت رڪض
اختي تزن شڪو لزمتها حجيت الها الصار....... مختصر.. ڪالت
انهار: يمه ع لسانج منو يعاشرج موزين لڪيتي معجب..
وتضحك عليه..
بيومها ماڪدرت اشوف الافلام بالي يم تصرفاته
اروح وارجع اباوع ع اخواني من الشباك
اشوفه بعده لو لا...
اجوي اهلي من بيت عمي ولتهينه وياهم سوالف والڪل ڪعد بغرفته..
سويت العشا اڪيد وحدي اختي حايره بس تاڪل
موتتني..
وڪعدنه نباوع فلم چان اڪشن مو الشي الي احبه
ڪله طلقات وعصابات بلا هذا يوالمني شاافني هذا..
بالي وتفڪيري يمه ويم ڪلامه رعب اني رعب
خرب ليش هيج يڪول...
بيومها بالي صار بي وبتصرفاته وجرئته مامسبوقه قبل....
ثاني يوم جمعه والڪل يمنه بيت خالي ومرته وجهاله.
چان بشار ابن خالي يريدني...
والڪل تڪول قمر لبشار.
بس اني ولا بالي هوه.......
متعجبني شخصيته ويتحشك يمه ويڪضيها سوالف..
بس بقى يحطلي مڪياج..
ما ارغب اله ابد شڪد چان يحاول يسولف لو شي اصده بشقه وچانت عندي ميانه وياه احسبه اخويه.
وارزل بي..
اني ربيت بين اخواني اخذت منهم هوايه مااعرف اجامل اابد..
مرات يڪولولي انتي رابعتنه..
ويصيحولي ابو ڪمرة..
مااعرف ليش طبعي عفوي مابي لواڪه ودلع ودلال ابد بس بقه ابالي موضوع الرعب..
بقيت الوب اريد اسأل ع قائد منين يعرفو اخواني..
بس ما حجيت شي ولا بينت الهم..
بليل بعد ما خلصنه من بشار والزڪه مالته..
البيت انڪلب عود اختي طبت تنظف..
وهيه تڪضيها تفرفر وماڪو شي......
طلعت بالحوش اغسله اندك الباب..
صحت منو واحد ڪال اني تقربت بابنه عالي منو انته
رد وڪال قائد......
قمر: عزة بعينك المن جاي.. فتحت الباب
قائد: هههههههههه هاي العزة عليه..
قمر: ايي عليك شو انته فد مره سويتها.
قائد: هههههههه يولو صيحيلي سجاد..
قمر: تخوصرت ومنين تعرف سجاد بلا.
قائد: يابوي شنو انتي هدي عليه وضربني چم مڪوار.
قمر: هاااااا
قائد: وله اطيج البرنو ههههههههههه..
قمر: انته شدتحجي..
شفت نفسي طولت وفاڪه حلڪي بڪلامه
ڪتله ماڪو.. ورڪعت الباب وطبيت جوه.....
أم قمر: شڪو.
قمر: واحد مڪدي..
أم قمر: يامي حرام هيج تطردي مخبله انتي.
امي اخذت فلوس من المجر وطلعت ضليت اصيحها راح راح تعاي راح ماڪو ماما فتحت الباب
الولد ڪاعد ع دراجه..
أم قمر: وين المڪدي هذا مڪدي..
قائد صافن مديفتهم شڪو..
قمر: يمڪن راح
أم قمر: لعد هذا منو..
قائد: سلم ع امي وسأل ع سجاد.
أم قمر: طالع.
قائد: مشڪورة حجيه..
ويباوع عليه..
طبيت جوه ميته ضحك من الموقف حيل بي..
خلصت اليوم فرحانه ڪلش احس بنصر عليه شسوه بيه...
اليل ڪله عشته برعب من ثاني يوم..
خاف يسوي بيه شي....
راح يطلعلي قرش يمڪن...
نمت بعد ما قريت روايه حب بعيده عن واقعنه...
اعيش وياها واتخيل نفسي البطله..
اذڪر اسمها الاعمى والحب..
نمت......... حسيت ع المنبه
ڪمت من نومي غسلت وبدلت چان الزي
لو تنوره رصاصي لو سودة وقميص ابيض...
لبست تنورة وقميص وستره ولفاف.
واڪلت تفاحه ع السريع وطلعت.....
امشي واحس بخوف..
وصلت للشارع ڪمت امشي بسرعه..
عبرت بابهم ڪمت ابتسم عرفت ماڪو شي ارتاحيت...
مشيت وسياره اجتي بوجهي..
ماسدس دب لونها فيلي....
اني صعدت ع الرصيف وڪف بصفي ونزل الچام..
وڪال....
قائد: الضيف يمڪم مڪدي والله خوش مضيافه..
ويرفع بحاجبه. عافني ومشه بالسياره.....
للحڪايه بقيه.......
الڪاتبه: زهراء الاسدي. 🤎
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسابي انستا احبڪم قلبوشاتي💙
