جبـروت الزمـرد

بارت|1

بنات گلبي تصويت للبارتات وتعليق حلو مثلج ؏ الفقرات ومُتابعه للحساب📌🤎🌿
                                                 

«جـبروت الزمـرد»

بـقلم:: آشور

~~~~~~~~~~~~~~~~~~~
وانه بروحي
حزن ديرة وملامح خوف
وحرب جذبة وحلم تايه
ونهر ثالث حفر خدي
غريب بكاع متلمني
جم ليلة أذب دموع
على ألمامش ولا أدري

...

زُمرُد:: گعدت ع عياط اخواني مرجان وانس مع انو نومي ثگيل لكن اصواتهم مُزعجه صارو بگد الحمير وهم يتعاركون نهار كُله دخلت سبحت وكملت ونزلت ع اهلي لگيتهم يتريگون صباح الخير ماما بابا

ام مرجان وابو مرجان _صباح النور بنتي تعالي تريگي

زُمرُد:: گعدت انقش بالأكل لأن كُل فكري بالأحلام الي تجيني نص الليل وماعرف شنو تفسيرها

نسيت اعرفكم عليه وع عائلتي

اني اسمي زُمرُد وعمري 19 سنه عايشه بين عائله مكونه مِن ماما عبير وبابا ابراهيم  اخويه الجبير مرجان عُمره 26 سنه واخوي الثاني انس عُمره 23 سنه وأُختي مسره عُمرها 20 سنه واني اصغر وحده بالعائله

هادئه ماحب اتناقش وي احد هوايه وكُل وقتي اقره كُتب او ارسم
مااحب اختلط بالكُل بس الي ارتاحله ومااثق بأحد بسرعه
وذكيه بدراستي ودائما الأولى جريئه
احب اكون وحدي بعيد عن الناس

سولفت هواي صح خلينه نكمل قصتنه

..
..
..
زُمرُد:: صافنه ع الأكل وفززني بابا من صاح بأسمي

ابراهيم:: شبيج شارده زُمرُد

زُمرُد:: لا بابا مابيه شي بس جنت افكر شوكت ابدي ادرس تفضل شنو ردت تگولي

ابراهيم:: بابا انتِ الصغيره هنانه وتعرفين شگد نحبج ومدللينج ونشتريلج كُلشي تحبيه ونطلعج شوكت متحبين بس ليش هيج جاي تتعاملين وي اخوج مرجان دائما يشكي منج يگول متحجي وياي ودائما متنرفزه مني ومتقبل اي شي مني

زُمرُد:: رغم هدوئي لكن احس بشرارات الغضب تتطاير من عيوني وحجيت بصوت هادئ

بابا مو يوميه نفس الموضوع گتلك قبل وهسه حرجع اگلك اني هذه تعاملي يقبل هلا بيه ميقبل هم هلا بيه ماريد اغير نفسي لخاطر استاذ مرجانن

ابراهيم:: اسكتي زُمرُد نطيتج عين كُلش

زُمرُد:: عفتهم وصعدت الغرفتي واحس النار تاكل بيه محد يعرف شنو بداخلي ولا احد يفهم ليش هاي نضرتي لمرجان الكُل ضدي الكُل

عبير:: اگُلك ابراهيم هاي زُمرُد صايره كُلش فد مره ماعرف شنو تصرفاتها كلش غريبه ومجاي تحترم مثل قبل

ابراهيم:: سكتي عبير سكتي اني گوه متحملها وفوك كل هذه متحترم اخوها ابد وتخزره حتى واحنه گاعدين سوه عبالك عدو الها مو اخوها

زُمرُد:: مع انو احنه عايشين بقصر جبير والكُل يتمنه يگعد ويشوف قصر ابراهيم وشنو بداخله لكن محد غيري يعرف

شنو جاي يصير بهذه القصر مشاكل ليل نهار مع كُل هذه احس بالغربه واني بين اهلي ليش مااعرف احس نفسي غريبه ومااشبههم بأي شي

انس:: مرحباً يا من ساكنين في المنزل

عبير:: هلا ابني تعال يمنه

انس:: شنو وين الجماعه لا زُمرُد لا مسره

عبير:: مسره راحت ع صديقتها خابرتها  وزُمرد بغرفتها

انس:: اگلج عبير اريد فلوسس

عبير:: لك احتم امك شنو تگول عبير شبيك تخبلت

انس:: هي شنو هو انتِ اسمج عبير قابل اسمج امي اعرف الحقيقه مره  واسمج ع اسم جدتي السحاره بس   بس شنسوي يا عبوره

عبير:: امشي لك امشي اصعد ماريد اشوف خلقتك كُلها لتنزل عليه

زُمرُد:: ضحكت بهدوء لأن جاي اسمع سوالف انس
انس الوحيد الي احسه قريب الي ويعرفني اكثر من باقي افراد عائلتي

ندگ الباب

زُمرُد:: تفضل

دخل انس للغرفه واجه گعد بصفي
انس:: حبيبتي زُمرُد منو مضوجج هم اهلي ع مود سالفه مرجان

زُمرُد:: دنگت ماريد احجي بهل موضوع
صار انس يحجي
انس:: زُمرُد  معليج بيهم لجج اريد ضحكتج تملي وجهج يحلوتي انتِ شو بلا وريني سنونج الصفررر

زُمرُد:: وخرت ايده من وجهي وضربته ع راسه وضحكت

انس:: مع الأسف زُمرُد هيج تسويين وتضربين اخوج الجبير بس يلا وگعتها لضحكتج حبيبي

زُمرُد:: حجيت بگلبي واني اشوفه يريد يطلع من الغرفه
انس انت الوحيد الي احسك صدك اخويه بالرغم من انو اكره الرجال لكن انت احسك نقي وقلبك صافي مو مثل بعض الناس اتمنه تبقه الي
دائما هيج ومحد يغيرك عليه

مسره:: دخلت للبيت لأنو جنت ابيت صديقتي وصتني ع غراض وگالتلي تعالي نتونس
طبعاً اني من النوع المرح وكلش احب اطلع عكسس اختي زُمرُد الگئيبه دوده الكتُب
يابه شگد هادئه بس لو اخذ من هدوئها شويه احبها لكن مو قريبه الها وهي متحب تحجي اي شي لأحد كتومه كُلش

صعدت لغرفتي سبحت ونمت

علي:: لك صُهيب شگد صار اتصل عليك ليش مجاي ترد شبيك صاير شي

صُهيب:: هلا علي مابيه شي لتخاف بس جهازي صامت ومااسمعه
ياسه وين

علي:: متوثه نوم هل جنيحه شتتوقع مثلاً تگعد تطبخلي مو اگلك تزوج خلي مرتك تطبخلنه ع الأقل ناكل شي غير العدس والباميه

صُهيب:: علي هاي ياستي عوفها لتتقربلها خليها تنام اذا مو عندنا ترتاح وين ترتاح يم زوجها مثلاً وبعدين شكم مره گتلك سد سالفه الزواج لا اجي املص اذاناتك ولي يلا عندي شُغل

علي:: اي يابه مو تدلل شعندي غيرك اني احبل اجيب الله وياك

صُهيب:: عراقي عُمري 29 سنه عايش وي اختي ياسه حبيبتي واخوي علي المجلفط

تيتمنه من الصغر وبقت بس الاملاك وبيتنه الجبير من اهلي الي عايشين بيه وكأنما عايشين بغابه ثلاث نفرات ابيت جبير ومملي بذكريات طفولتنه وابونه وامنه الي ماشبعنه منهم

____________

«تعبانـين جـن ضحكـة شهيــد معلكـه بصـوره» 

يتبِعع...