بنات گلبي صوتو للبارتات وعلقو على الفقرات وتابعو الحساب لا تنسون حتى نكمل🤎🌿
اللهُم صلي على مُحمد وآل مُحَمَّد
«جـبروت الزمـرد»
بقـلم:: آشور
°°°°°°°°°°°°°°°°°°°°°°°°°°°°°°°
عَيونها تهُد الحَيل بويه شگثر حلوه
...
زُمرد:: ضوه الشمس صار بعيوني گعدت على حيلي وباوعت بأتجاه الشباك شفت أنس گاعد يباوع عليه
-أنس بعدك هنانه!!
أنس:: ماگدرت اعوفج خاف تحلمين مره ثانيه
:: انس ماكو داعي ليش باقي اكيد نعسان روح نام
:: طلع الصبُح بعد شينومني
:: اسفه طيرت النومه من عيونك بس شسوي
:: شبيج شهل حجي اذا ما اجي يمج منو يجي هو بس اني وياج النه احد غير بعض!!!
:: لا
:: چا سكتي واگلج صدك روحي اخطبيلي اليوم ليش ننتضر للأسبوع اليجي
:: ها ءء اي ان شاء الله ماريد اروح البيتهم وألتقي بيه ماريد اشوفه
:: زين اني راح انطي الولد خبر
:: طلع أنس من الغرفه كمت لميت الفراش الي بالگاع وفتحت الكنتور حتى اخذ ملابس البسهن طلعت فستان طويل اسود وبيه نقشه رماديه خليته على الچربايه وطلعت اسوي ريوگ سويت چاي وطماطه انس يحبها كملت وصحته
:: جاي هسه
:: يلا انوسي لا يبرد الأكل
:: شهل ريحه ياخي والله احسج امي
:: هههههه الف عافيه اكُل اني رايحه للحمام
:: خير وانتِ ماتاكلين!!
:: ما اشتهي نفسي تلعب
:: لا تعالي شنو نفسج تلعب
:: انس ماريد اكُل الف عافيه
:: اوف منج اوف
:: سبحت وطلعت بالبرنص ولافه شعري بالمنشفه قفلت باب الغرفه وگفت گبال المرايه ونزعت البرنص والمنشفه الي على
راسي باوعت الجسمي من الطول للطول جرح فوك من صدري بعظم الترقوه صاير ازرك على بنفسجي وكدمه ابطني لونها ازرك طوخ جرح بفخذي واكبرهن حديده ونبتت بفخذي
شنو تتوقعون اثرها زنودي بيهن علامات زرگه ضهري بيه جرح طويل لبست ملابس حتى اخفي الندوب گعدت امشط بشعري اباوع على المشط شلون ينترس شعر شعري ليش
صار هيج وچان المثل ينضرب بيه حتى يغارن مني البنات الي جانن بالمدرسه وياي على طوله وكثافته ونعومته الشعر تكوم بحضني معقوله من التفكير الوهواس القهر الحقد الألم لميته بعد ماكملت فتحت الموبايل دزيت رساله الياسه
أنت تقرأ
جبـروت الزمـرد
Narrativa generaleرِوايـه بـقلم::آشور آلـ فاضل تبدأ الحِكايه عندمـا تُباع فتاه لمن لا يرحمون ثُم يأتي مُنقذ ويخرجها من قوقعـه حياتُها هل يا تُرى ستُهزم لكثره المصائِب الذي في حياتُها أم تُقاوم 📌 داده بنيات گلبي اول بارتات...
