جبـروت الزمـرد

بارت|6

بنات گلبي تصويت للبارتات وتعليق حلو مثلج ؏ الفقرات ومُتابعه للحساب📌🤎🌿

«جـبروت الزمـرد»

بـقلم:: آشور

~~~~~~~~~~~~~~~~~~~~~~

جبتهن بالتدرج هاي تدفع هاي
ومسايس عمر يا هاديَ اتهدّي
الم بيهن سنة وتفلت سنة من الخيط
طشة وما نفعها اتبلبسي وشدّي

عريان السيد خلف

....

شفت گدامي الشيطان الي اسمه سامر جانت الدنيا تصعق بقوه وصوت الرعد عالي والمطر بلل كُل جسدي وهو واگف گدامي يلعب بالجداحه وكأنو يعرف اني اريد انهزم بده يتقدم واني ارجع ليوره دخلت مره ثانيه للغرفه رفعت اصبعي بوجهه وحجيت بصوت هادئ

زُمرد::ياويلك تتقرب خطوه وحده اكسر ايدك والله

سامر::ههههههه شگد تحبين تبينين قويه بس مهما يكون تبقين بنت والبنات ضعيفات

زُمرد::يضحك بأستهزاء واني مارفلي جفن حجيت بنفس نبرته المستهزئه اووو كُل عقلك اخضع لناس مثلكم

سامر::غصب عنج يا صغيرونه
ردتي تنهزمين ست زُمرد مو اني اعرف شنو من عقاب اعاقبج

زُمرد::واگفه گدامه بجسدي النحيل التعبان وشحوبي لتفتت ماريد اشوف شكله ماحسيت بس قطعه قماش على وجهي وبعدها عيوني بدت تنغلق من وحدها ماگدرت اقاوم

زُمرد::گعدت وحسيت نفسي جنت بغيبوبه باوعت بالمكان مو نفسه والغرفه الي اني بيها مو اقل ريحه او وسخ من ذيج جانت قذره ولعبت نفسي اريد اتقيء لمحت فتحه كلش صغيره بالغرفه يجي منها ضوه وعرفت انو دنيا الصبح واني

جنت مخدره گمت اريد اشوف اي شي من الفتحه حتى اعرف اني وين بالبصره او بمكان ماعرفه ولا اعرف عنه شي باوعت وشفت بس مي هواي يعني مثل انو اني گاعده ابيت

ع ضفاف نهر او بحر حتاريت اني وين منو راح يشوفني حتى استنجد بيه يطلعني حسيت بصوت اقدام جاي للغرفه بسرعه رجعت گعدت بالگاع دخل رجال قبيح وريحته قذره

عواد::هاج اكل يحلوه حرام هل جمال يروح هيج وتضعفين

زُمرد:: هو گاعد گبالي وقريب وحاط صينيه بيها خبزه وجبنه والصينيه جانت وسخه ماحسيت ع نفسي بس تقيأت عليه

عواد:: خ** شبيججج عا** حقيره

زُمرد:: ابتسمت واني امسح حلگي تستاهل ههههه

عواد:: سا** ك** مامربايه ما الج رداد تاكلين سم

زُمرد:: اخذ الصينيه وطلع واني لميت رجليه ومتلفلفه لأن الجو بارد وألم بطني يگطع بيه تگطع تعبت نفسيتي وحتاريت بزماني وين جنت او وين صرت اهلي باعوني لناس ماترحم انس وين ودره بعمله اهلنه لو لا حرام والله يتسمون أهل بعد الي سوه ابنتهم