جبـروت الزمـرد

بارت|7

بنات گلبي تصويت للبارتات وتعليق حلو مثلج ؏ الفقرات ومُتابعه للحساب📌🤎🌿
                                                 

«جـبروت الزمـرد»

بقلم:: آشور

~~~~~~~~~~~~~~~~~~~~~~

خسرنه اول خساره وكلنه تتعوض
وخسرنِه الثانية وكلنه العتب عله الحض
ماضلت والاحجه شبعد ياكلبي تترجه
هاي الثالثه وبيه السكوت افرض

....

صُهيب:: دنيا نص ليل واني بفراشي محتار بأخت انس وين الگاها صح مو شغلي واني حجيت وي ضباط اعرفهم حتى يدوروها لكن مامطمن احس البنيه كلما نتأخر جاي تروح من ادينا الدنيا مابيها امان وهي صغيره يارب بس خليها بخير لحد ما اوصلها

زُمرد:: يمممه فزيت مخروعه من المي الي نشمر عليه شفت گدامي ثنين ملثمين واشكالهم تخرع صارت الخرعه خرعتين كشش وخرت شعري الي لازگ على وجهي بسبب المي وملابسي الي لزگت على صدري حسيت نوكلت بسبب نضراتهم جبت شعري وغطيت بيه صدري

رجال:: ست وين گاعده ونايمه بأريحيه عبالك حاطينج بفندق خمس نجوم

زُمرد:: ليش مو من حقي انام لو تردوني اسهر واتبجبج لأن والله خاطفيني روح بابا روح

رجال:: سدي حلگج لا تندمين ع كل كلمه

زُمرد:: كونك رجال تعال

رجال:: شوكت تخلص هل طلابه والله لو ما أمر الأستاذ جان خليت دمج بطولج

زُمرد:: لا والله خفتت مستهزئه بيهم لأن مخنثين ومابيهم الرجال حالهم حال مرجان الخيخه

_طلعو بعد ماگعدوني الله لينطيهم اكو واحد يگعد بشر هيج الغسل لهل وجوه اي والله گبر يلفكم يا مخانثه

گعدت على الگاع ثلجج هاي اني شلون جنت نايمه هيج ويمي بطل مي شربته الجوع بده يمزق بطني واحس بطني لزگت على ضهري خليت ايدي على بطني

زُمرد:: ياا والله ضعفانه نعمه ماحتاجيت لا رياضه ولا دايت الله دزلي خوش دايت جاهز لجج يازُمرد بيا حال انتِ وقت فن لا مُبالاتج

سمعت همس رحت لطشت روحي وي الباب سمعتهم يحجون بيناتهم

_لك هسه احنه شني شغلنه نحرس هاي ام لسان والله وكت ونوب گاعدين بشقه خايسه

_يخوي غير فلوس قابل جايين ابلاش غصب علينه نحرسها لا تطلع وتصيرلنه سالفه

_يابه وذا شردت وين تولي منين ماتلتفت تشوف ماي لاتنسه احنه بالميناء

زُمرد:: وهنانه ادركت انو اني بالميناء واذا طلعت مااندل حتى وجهتي المنو بس ماستسلمت كلشي بوقته حلو سمعت خطوات رجعت اركض گعدت بمكاني

نفتح الباب ودخل واحد منهم بيده صينيه اكل مدري شعجب نضيف اكلت شويه بس حتى مااوگع او يصير بيه شي لأن احس نفسي مومياء