فداك نهار لي تقابضوا فيه روح بقا يبعثلها بليميساج
محمد: عمري صيبوا زينة تاعي متزعفيش مني معنديش غيرك وتعرفيني نحبك صح غلطت كي درت هكاك مي اني ندمان صيبوا سمحيلي
اماني: كيفاه نسمحلك مفهمتش
محمد: صاي حبي والله صاي منزيدش
اماني: خليني
محمد: منيش مخليك حتا تقوليلي اوك سماح
اماني: خليني
محمد: نبقا نهدر حتا تقولي سماح وتروحي نبقا نعيطلك نحرقلك تيلفون
راحت قعد هوا يعيط حتا رفدت عليه
اماني: مالك حتحرقلي تيلفون
محمد: قتلك من قبل ونتي دبري راسك
اماني: وش تسحق
محمد: نسحقك نتي راكي قلبي متزعفش حنونتي مني حبيت نفهمك بلي ميش قصدي نهدر معاها وقتلك وش قاتلي مي كي طلعت وجهك ضعفت قدام عينيك وشواربك وكلشي فيك وصرا لي صرا مي بلا منفيق والله ونتي تعرفي
بقات اماني ساكتة
محمد: اهدري مسامحتيني
اماني: ايه
محمد: وشبيه صوتك
اماني: والوا منبعد نحكوا وغلقت
بقا محمد يعيط يعرف وشبيها مي غالقاتوا عرفها تكون تبكي قعد يخمم يتفكر فديك لقطة مقدرش ينساها ولا ينسا ديك لحظة ومام هيا قعدت تتفكر رفدت تيلفونها وعيطتلوا
اماني: الوا
محمد: وي عمري😓
اماني: صيبوا انسا وش صرا مي متتعاودش اوك
محمد: اوك حنونتي والله نحبك
اماني:مام انا
محمد: غدوا فارغة شغل
اماني: وي
محمد:نخطفك شوي ومنبعد نردك
اماني: وين
محمد: عال 2 وين مالفين وكوبا
غدوتها ناض لبس وعدل
مام اماني لبست مكياج خفيف خرجت
تلاقو سلام سلام كيراكي صفا صفا 🤧كامل تعرفوا بلا منكمل منبعد راحوا يتمشاو ويحكوا ويضحكوا حتا شافت اماني طفل صغير برا يلعب راحت عندوا
ياااقلبيي محمد شوف كي شباب وشنو اسمك
قالها الطفل تيم
ياعمري اسمك شباب وقعدت تحكي معاه جات حتروح عنقاتوا هبط محمد مام هوا للطفل همسلها فوذنها اممممم مام حنا حنجيبوا كتكوت كيفوا مبقاش قد لي فات
تشوكات وفنفس لوقت حشمت حتا خرجت ام الطفل ههه كيراكم قالولها حمدالله ونتي وطلبت اماني سماح منها كي قعدت مع طفل قاتلها ربي يخليكم لبعظاكم هدا راجلك؟؟
حشمت اماني وملقات متقول حتا قالها محمد هه نشالله قريب مخطوبين برك شافت اماني معاه وسكتت قاتلها لمرا ربي يكمللكم قالوا نشالله وكملوا مشاو حتا نطقت اماني
اماني: شكون قالك انا خطيبتك 😒
محمد: ااا دك نصرعك ايه مرتي وخطيبتي وكلشي امشي معايا واسكتي 😑
اماني: منسكتش 🙂
قرصها على خدها وقالها هكا تسكتي ولا لالا
اماني: صيبوا نحي وجعتني هاني ساكتة 🥺وزعفت
محمد: بواش نراضي بنتي دكا
اماني: منيش بنتك فاشيتك
محمد: هاه قتلك طفلة صغيرة نتي برك تشتي تكذبيني
اماني: منيش صغيرة 😤
محمد: تموتي على مهأ ومأه تزعفي بالخف 😒وتقولي منيش صغيرة لالا اكي عجوز اسيدي
هوما يتمشاو شاف محمد منجيهة طريقهم بزاف ولاد مجمعين
محمد: احكمي تشو يدي وراسك فالرض طلعيه نقسمهولك
اماني ضحكت فقلبها ودارت وش قاللها هبطت راسها حتا فاتوا عليهم
محمد: صاي حنونتي
اماني: تغار عليا؟
مردش عليها شغل مسمعش
حطت راسها على كتفوا وضحكت غيار
