كيما قتلكم فالحلقة لي فاتت قعدت تقلب فالسيت حتا تفتح ايييي وييي فوق صدمة لي داتها لقات روحها مداتش طيحت فرد دمعة لي بدلتلها حياتها قعدت فليل بينها بين روحها صيبوا حنبدل كلش فحياتي رجعت تضحك وتقصر مع صحباتها رغد وياسمين كانوا هوما قوتها حتا قربت لقراية سجلت بالمراسلة بقات تكونيكتي انستا وفايسبوك بش متملش من نهارها صح انوا مزال ضرب وسبان مي هادي هيا لحياة غلطة تخلص مي مزالها عيانة من حياتها انوا علاه منيش كي لبنات صيبوا متضربوش ونهار المشؤم كانت قاعدة توجد فالماكلة لابسة للركبة بيسك بين عايلتها ويماها خرجت برك وحدها حتا دخل للكوزينة باباها
باباها: راكي شابة بنتي
اماني: كثر خيرك بابا مع ضحكة تع لحشمة
باباها: كملي مسحق نحكي معاك فالشومبرة
اماني: تشوكات مي قالت اوكي بابا معليش دك نكمل ونجي
طلع هوا للشومبرة هيا كملت خدمتها وطلعت مكانت حاطة والوا فبالها باباها وش حيدير زعما طبطبت دخلت
باباها: ارواحي ريحي بنتي
اماني: فقلبها وشبيه يشوف هكا كشما درت انا ايه بابا
باباها: دكا ربيتك وكبرتي الله يبارك بلغتي
اماني: ااااا ايه بابا
حتا بدا يقرب ليها لفم خافت بزاااف ناضت تزعق مي واحد ماهوا فدار متخيلين واحد ماهو فالدار واب يحب يغتاصب بنتوا ايييه هكا صرا حتا هربت دخلت لبيتها وقفلت لباب ولفم جات يماها وشكاين واماني تبكي اما سبقها باباها قالها سمعتها تحكي مع واحد ونحيتلها تيلفون امها بدات تبكي هيا عيات تشرح هدرتها راحت صوتها راح لمتلها امها حوايجها وطيشتهم قاتلها منحبش نزيد نشوفك هنا بهدلتي بيا قليلة تربية وخرجت خرجت متعرف شكون ووين برك دمعتها على خدها قعدت فوم لباب تستنا ربي يفرج عليها وتدخل للدار لاشتا تسكت المهم بلاصة تسترها رقدت مالبكا وصوت ريح ولبرد حتا بدات تتخيل ايه والله بدات تتخيل في فارس احلامها ههه كانت عندها ورقة وستيلوا مع لحوايج جبدت وقعدت ترسم في فارس الاحلام طويل وسمر يكون حنين يعوضني فحنانة بابا وماما وكامل لعايلة منيش مسحقة صوارد ولا حتا حاجة برك يوقف معايا سيد رجال وزادت انوا ميكونش مربي شعروا بش تحس شغل موش راجل لي يربي صح حتقولوا كافية متعرفش كل وحدة وذوقها ويكون سبور خاطيه دخان ولبيوا يكون سبور باتت تشوف فالنجوم وتتخيل وكتبت مام لحوايج لي حبت ديرهم كي تكبر احلام وطموحات انوا تولي اعلامية ودير برنامج تاعها ولا تكون مخرجة لي دير مسلسل ولا فيلم تاعها كانت تبغي عالم الشهرة مع لوقت تعرفوا احلام ثانيين تاعها فات لوقت وطلع نهار فتحوا لباب لقاوها لفم كيما خلاوها كي لبيبي صغير خلوها دخلت بيسك الاب قالهم عار نخلوها تخرج يااما نقتلوها ولا نديرولها فحص العذرية راكم متخيلين اب يدير هكا كيما كان لحال راحت دير لفحص مي كان راسها مرفوع بسكوا جامي غلطت مع واحد ولا قاسها واحد بيسك حاطة فيبالها انوا جسمها لانسان واحد راجلها فاتت وقعدت فوق طابلة لي كانت باردة كي قلبها منكثر ماتجرح قلبها مولاش يحس كملت طبيبة وخرجت قاتلهم............. يتبع
