بارت جديد ي سكاكرى
حبيت اعوضكم عن الغياب الطويل 🙈
يلا نبدأ
.
.
.
تذكير لنهاية البارت اللى فات
خالد : مالك ي نسر انت متصاب
لتقترب منها ساره لترى يدها المصابه
بريمو : اييه ده ي نسر انت متصاب
لينتفض الجميع
نانو : اتصابت فين ي نسر
خالد : طب خدوه وروحوا المستشفى
نسر : انا كويس بلاش قلق هبقى اعقمها
خالد : ي نسر ال
لتقاطعه فرح
: ماتقلقش هرجع البيت وهعقمه واستريح
الجميع : الف سلامه عليك ي نسر
نسر : الله يسلمكم ومبروك ي شباب بعد اذنكم بقى
لتخرج فرح ومى وساره متجهين بسرعه نحو القصر
....
هاقد وصلوا بسرعه قياسيه امام بوابه قصر النسرين ليترجلن سريعا
ويهموا بالدخول
ساره : تعالى ي فرح اعقملك الجرح
فرح : ساره حبيبتي ده جرح سطحى ممكن بلاش قلق انا هطلع اخد شور وهلفه وانام عشان تعبانه
مى : بس ي ف
لتقاطعها فرح : مى قولت خلاص يلا روحوا ارتاحوا عشان تلحقوا تصحوا وتجيبوا فساتين للحفله
: حاضر تسبحى على خير
فرح : وانتم من اهله
لتصعد فرح لغرفتها وتاخد حمام بارد ليريح اعصابها
وتخرج لتعقم الجرح وتضع لاصقه طبيه
ثم تغفو على السرير من كثره الإرهاق
.
وكذلك الحال عند الشباب فقد اتخذ كل منهم طريقا للفراش
.
.
.
.
فى الصباح استيقظ الجميع ماعدا فرح التى كانت تغط فى نوم عميق
ولم يريدوا ايقاظها ليخرجوا لشراء مستلزماتهم للحفل
تستيقظ فرح فى تمام الساعه الواحده
فرح بالم : اااه
لتنظر فى ساعه هاتفها لتتفاجئ من الساعه
فرح : هو انا نمت كل ده نهار ابيض
لتهم للدخول للمرحاض ثم ترتدى بيجامه سوداء ناعمه وتهبط للاسفل
سميره : صباح العسل
فرح: صباح الورد ي سمسم ..عامله ايه
سميره: الحمد لله ي حبيبتى وانتى عامله ايه دلوقتي
فرح: الحمد لله اومال فين باقى البشر
سميره : خرجوا من شويه تحبى احضرلك فطار خفيف
فرح: ماشى ي داده ..يااه فطار من ايدك الحلوه دى طب تعالى اساعدك
ليدخلا المطبخ فى مرح
....
..
فى قصر الشاذلى
سعيد: هااا ايه اخبار التجهيزات
محمد : كله تمام ي بابا
سعيد : طب الحمد لله يعنى فرح ماجتش الصبح
محمد : مش عارف ممكن تكون مشغوله ولا حاجه
سعيد : ممكن يلا هروح ارتاح شويه
محمد : ماشى ي حبيبي
...........
عند فرح
كانت تجرى اتصال
فرح بمرح : الووو ازيك ي خلوووده عامل ايه
خالد بضحك : ي بنتى مش هتحترمينى مره
فرح: يعم مش بحب اكبرك اخبارك ي جميل
خالد: الحمد ي حبيبتى وانتى عامله ايه دلوقتي كدا مش قولتلك تخلى بالك من نفسك
فرح : اش اش اش استهدى بالله مش كدا انا فله اصلا وبعدين ده حته خدش صغير بلاش قلقك الزياده ده
خالد : ماشى ي ست فرح كلى بعقلى حلاوة
فرح بهزار : ولا حلاوة ولا جبنه
لتنقلب نبرتها الى الجد ..هاا اعترف ولا اجى اقرره
خالد : لاء اعترف انه كان مشترك مع عزيز بس هو مش عارف عنهم اى حاجه بس هو حط من قريب عين ليه عند عزيز ماحدش يعرف عنها حاجه واحنا هنستغل ده
فرح : تمام ...يلا بقى الرصيد هيخلص عليكى سلملى على مزتى
خالد بضحك: نفسى اعرف بقيتى بيئه امتى
فرح : من القاعده مع الواد على والبت مى
خالد : تصدقى فعلا على العموم هسلملك عليها يلا سلام
: سلام
لتتنهد فرح قليلا فقد شعرت انها بدأت فى استرداد حق ابيها
ظلت تتصفح على هاتفها حتى أصبحت الساعه الثانيه والنصف
وفى اقل من الثانيه وجدت هجوم على باب غرفتها
ليدخلوا كالمخبرين
مى وساره وفادى
فرح بعصبيه خفيفه: اييييييييييييه داخلين زريبه اييه مش كدا براحه هضيتونى منكم الله حسيت بزلزال
فادى بسماجه : الف سلامه عليكى من الخضه ي فروحتى
فرح : غوروا منها ي عيال انتم
مى : وربنا ابدا انا بايته هنا
ساره: وانا كمان
فادى : وانا كمان
مى : مش هنسيبك الا لما نفرفشوك ونعنشوك ي حاتم
فادى : كلام صح الصح
ساره: وانا معاهم
فرح : باااااس اييه هى حفله وبعدين ايه الظيته والهيصه اللى عاملينها دى هى حنه شيماء وانا ماعرفش
ساره : معلش قولنا نغيروا مودك ي شبح
فرح: بقيتى بيئه ي ساره بدل ما كنتى كيوت ماتقعديش مع العيال دى كتير
فادى: لييه ي اختشي جربانين ولا ريحتنا منتنه
مى : مثلا
فرح : لا طبعا حاشا لله حد يقدر يقول الكلام ده عليكم
فادى: افكرر
فرح : امم شكلكم رايقين وانا بصراحه مش ناقصه عندى صداع ..عاوزين ايه من غير لف ودوران
ساره : ولا حاجه
مى : قولنا نغلس عليكى بس
فرح : اممم بس
فادى: بس
فرح: تحبوا اطلع النسر اللى جوايا عليكم
مى وهى تصتنع الخوف : لاء لاء الطيب احسن
فادى انا بقول كدا برضو
فرح : غوروا من وشى صدعتونى
فادى : يعم احنا ماشيين ماتزقش
فرح : لاء انا عوزاك انت خليك
مى بهمس لساره : شكله عامل مصيبه
ساره بنفس الهمس : ممكن
: يلا بقى سولام ي فرح نسيبك تستفردى بالواد ونطير احنا عشان نجهز نفسنا للحفله
فرح : طيب
بعد خروجهم من الغرفه
فادى : هااااهوووهيي
فرح : هتسمع ولا
فادى: هسمع ي ستى
فرح : كنت قولتلى انك معجب ب كنزى
لتتغير معالم وجه فادى ويزداد بريق عينه: ااه اه ايوه
فرح : اهدى ي نحنوح مش كدا وعشان انا اخت كويسه
فادى: ايوهه هتعملى ايه
فرح : هساعدك واظبطك الجو
فادى : وربنا بحبكك
ليحتضنها بشده
فرح : وفرهم ليها ي عم العاشق
فادى : عيونى ليها اصلا
فرح : غور يلاا قلبت بطنى
فادى : همشى هروح اتشيك
فرح وهى تضحك على اخيها العاشق: ماشى ي عم
ليخرج فادى
وتبدأ فرح بالعمل على حاسوبها حتى الساعه الخامسه لتقف تتجهز نفسها
فاختارت فستان من بسيط القطيف يصل إلى الركبه ذو أكمام من الشيفون العالى باللون الأسود
.
أنت تقرأ
النسر والصقر
Nouvellesهى فتاه سلبت منها طفولتها لتصبح مثل الصخر تسعى لاخذ حقها من الذين قتلوا ابيها لكنها من الداخل طفله صغيره. هو بارد كالجليد غضبه اعمى يظن ان جميع الفتيات كل همهم الاول والوحيد هو المال.لطيف وحنون مع عائلته فقط. فما راى القدر فى كل منهما ؟؟! بليييز ادع...
