في الاسطبل
ديار : سعد شب النار وانا بروح اجيب الشاهي
مشى ديار للمطبخ وعقد حواجبه وهو يسمع اصوات ضحك وناظر لهم كانوا اخواته وبنت كانت فوق خيل نحيله وشعرها طويل اسود كما سواد الليل قرب اكثر يدقق في الملامح وقرب اكثر واكثر لين صار بينه وبينهم مسافه شجره ودقق في ملامحها وناظر لا بتسامتها واسنانها الي كأنها صفوف فناجيل وخشمها الي كأنه سله سيف وهي تركض بالخيل والبنات يعززون لها صد عنها وهو يستغفر رن جواله وفز من صوته و فزن البنات ديار بوهقه : الله ياخذ راسك الي تقل حبة فول يا هتان
اقبال بخوف : لا يكون احد شافنا والله ان احد شافنا اني لا انتفك تنتف يا اميره
اميره بهياط : وانا بنت غازي لا اصفقه ذا تصفيق
وراحت متوجهه لديار : وش تبي يا هتان وقتك الحين
هتان : شفيك تتكلم بصوت خافت عسى ما جنبك احد
لمح ديار اخته اميره وهي مقبله عليه : هتان باي باي بعدين ادق عليك ، وسكر الخط
اميره باستغراب : ديار؟!!!
ديار وهو مستغرب ومعصب : اميروه وش جابك هنا
اميره بخوف : كله من قصيد قالت تعالو اوريك البدر
ديار بصدمه : البدر منهو ذا بعد
اميره : الخيل الخيل لا يروح بالك بعد
ديار : الحين ذي قصيد
اميره : صد صد يا قليل الخاتمه
ديار بضحكه: والله انها قمرا
—————-
في بيت سلطان
زيد : عمي انا متى خطبت بنتك
اسامه : من بكرا تخطب
زيد بصدمه وهو يناظر في ابوه : متى انا كلمتك انا مو موافق
سلطان بوهقه : معليك معليك موافق موافق من بكرا نجي نخطب ولا يهمك بس تعرف مد رجولك على قد لحافك ما عندي مهر يرضيكم
اسامه بضحكه : يحلوك يا النسيب انا الفلوس اخر همي يلا انا استئذن وطلع
زيد باستغراب : وشو موافقين من متى ويجي يعرض بنته علي بكل وقاحه ما نبي انت اصلا ليش تقول موافقين
سلطان بصدمه : هذا وانا ابوك ما حشمتني من بكرا عرسك على العنود بنطلع ذهب من وراها وانت تقول مو موافقين زيدان غصب عنك وقام يبشر شريفه طارت من الفرحه وهي تزغرط : اي هذي الاخبار السنعه يصير زواجك وزواج اختك في يوم واحد
دخل زيد غرفته وهو معصب وسكر الباب وراه بقوه
شريفه باستنكار : وجع يوجعك زيدوه
سلطان : معليك منه بزر ما يعرف مصلحة نفسه
—————
في الاسطبل
ديار : الحين روحوا البيت ماني معلم احد عنكم
اميره رمت له بوسه في الهواء وراحت عند البنات
رجع ديار للمطبخ يكمل الشاهي حط الملح بدال السكر كان يهوجس فيها اخذ نفس واستغفر وكمل الشاهي فتح الدرج يطلع بيالات لا حظ كرتون بسكويت ريكو وابتسم بخفه من تذكرها وهي صغيره كانت تحبه والى الان
لقطات من الماضي /
في عز الظهر والحر والقوايل ركضت قصيد معها وفي يدها الصغيره ٣ ريال ودخلت بقاله سلطان ( ابو زيد ) : عمي سلطان ابي ريكو
سلطان بضحكه : هلا هلا بالقصيد امري اليوم شرينا كرتونين عشانك
دخل البقاله ديار : عمي ابو زيد ابي غوار ورفع نظره لقصيد الي معها ريكو : مو حلو كيف تحبينه
قصيد طلعت لسانها : وش دخلك
راح ديار ل سعد تنهد سعد : بدري بدري كان قعدت
ديار : يلا معليه يا رجال ، تكلم وهو يصب الشاهي : تبي سعيد
سعد : اكيد ما يسموني الشايب عبث
ضحك ديار وهو يمسك العود : وش تبي تسمع
سعد بابتسامه : ابو ساره
ديار بضحكه : تبي عيونك اخر امالي
سعد : اي اي
