غزيل وهي تتنهد : يمه صدق ليش خليتي زيد يتزوج اليوم
شريفه : وانتي شعليك خليها يتزوج
غزيل : بس هي ماتبي
شريفه : تذلف هي وجها غصب عنها
سلطان وهو يدخل ومعه زيد : يلا ما خلصتو
شريفه : انا خلصت بس بنتك تحب البربره والركاده شفها الحين بتلبس فستانها
سلطان بصراخ : غزيل وجع ان شاء الله مافي وقت اخلصي علينا
غزيل وهي تقوم : اففف الحين بلبس خلاص لا تقروشوني
زيد الي قاعد ساكت ويتنفس بالقوه توجهت له شريفه وهي تبخره : ابتسم عرسك اليوم مو تعبس كذا ترا يرفضونك وجع ان شاء الله
سلطان وهو يخرج ويسحب زيد : يلا حنا طالعين وانتم اذا خلصتو اطلعو ترا العرس في المزرعه
شريفه : طيب ، وهي تصارخ : غزيلللل
طلعت غزيل وهي لابس الفستان وتتوجه عند امها : طيب بس سكري السحاب
شريفه : واه يا بنت مو كأنك متنتي بكرا تمشين في السوق لين تنحفين مو طبيعي ولا كأنه عرسك بعد ٣ ايام وطلعت
———
العنود في الغرفه واقبال تمكيجها
دخلت اميره على قصيد : وش فيك ماسويتي مكياجك
قصيد بدون نفس : مالي خلق
اميره وهي تقول منها : انتي حماره خلاص انسي الموضوع وبسرعه تمكيجي وانا بسويلك شعرك وصح ترا نسيتي تعلمين وش صار معك في الاسطبل ورجعتي مبتسمه حتى حضنتي جدي وجدتي واعتذرتي منهم ترا ما نسيت ، مدت لها فستان احمر : خذي البسي الفستان الاحمر ترا ديار يحب ذا اللون وطلعت وهي تغمز
اقبال بعد ما سوت مكياج للعنود
اميره : عنود تعالي اسويلك شعرك وانتي اقبال سوي مكياجك وبعدين سوي لي مكياجي وانا اسويلك شعرك انتي وقصيد
اقبال هزت راسها بالموافقه وجلست اسوي لنفسها مكياج
جلست العنود على الكرسي وبدأت تسوي اميره لها شعره
دخلت عليهم الهنوف : اقبالوه تعالي سوي لي مكياجي
اميره : اففف يمه دوري
الهنوف: وجع انا امك تعالي سويلي
اقبال وهي تسكت اميره وتطلع : ان شاء الله يمه
——-
عند الرجال
كلهم لبسوا الا سعد الي توه صحى
سعد وهو يصارخ : دياروه ليكون اخذت سروالي
ديار: لا لا ما دريت عنه
سعد وهو يدور : اجل وينه ليكون بعد احمد اخذه
احمد وهو جالس على جواله : شفت سروال هنا اخذته
سعد : ياكلب حقي ليه تاخذه جعل الله ياخذك
احمد: مين قالك ترميه
سعد وهو متوجه عنده : فسخه فسخه الحين احمدوه
احمد وهو يركض : والله يا كلب يا وصخ ما افكه
سعد ركض وراه : احمدددد فكه بسرعه
ديار يضحك عليهم
سعد وهو يركض دق في بطن غازي : وجع سعيد
احمد وهو يضحك عليه : غبي انت تركض بدون ما تشوف
سعد وهو يمسح على راسه : ماشاءالله عليك يبه وش تاكل انت بطنك حديد
احمد وديار يضحكون
غازي بضحكه : ياكلب ابوك انا
دخل اسامه وسعود نطق سعد : وين نايف
توتر سعود وهو يكذب : راح حايل
ديار بشك: وش يسوي نايف هناك
اسامه بجديه وحزم ونظره قاتله : راح مالكم دخل ايش عنده شغل راح وخلاص ويلا نروح المزرعه قبل لا يجون المعازيم
لحقوه العيال المزرعه
—-
اميره بعدت ما سوت شعرها وشعر القصيد وشعر اقبال : اففف والله لا تحنطوني سويت لكم شعوركم اجحدوها
العنود وهي ترسل قبله في الهواء لاميره : جعله عرسك بعد العنود ان شاء الله
العنود بقفطه : ان شاء الله على اخوي
اقبال : الله يكتب الي فيه الصالح تعالوا نشوفه جدتي وامي وعمتي خلصوا ولا بعد
طلعت اقبال ومعها اميره
وجلست قصيد عند العنود : خايفه
العنود : مرههه ومتوتره بعد
مسكت كفوفها قصيد وهي تمسح عليهم : انا اسفه
العنود باستغراب : على ايش
قصيد : اني ظلمتك
طلعت القصيد وهي قلبها يتقطع على العنود لانها احس انه ظلمتها لمًا تزوجت زيد لانها تعرف ان زيد يحبها هي
رقيه وهي تتبخر وتنادي : يا سميره يا هنوف يا قصيد يا اميره يا اقبال يلا
مشت اقبال واميره وقصيد لها : حنا خلصنا يمه والعروس بعد
مشت لهم سميره وهي تشكر اقبال واميره : الله يسعدكم
اميره : لا عادي شدعوه يا عمه
ابتسمت سميره وهي تمشي للعنود ودخلت عليها وهي مبتسمه : زعلانه يمه
العنود : لا يمه عادي هذا نصيبي ويمكن يكون خير لي
توجهت لها سميره وهي تبكي ومبتسمه وقربت باين راسها : الله يوفقك يمه
الهنوف وهي تتوجه للبنات والجده رقيه : انا خلصت
رقيه بتنهديه : مابغيتي الله يشوفك يقول عروس شدعوه من قبل العصر وانتي تجهزين تقل عروس
ضحكت قصيد وهي تصد وجهًا تجهمت الهنوف وهي تخرج
——-
في الامارات
تعبت جميله من عبدالله وراحت لغرفة عيسى وهي تبكي : خلاص تعبت منه ساعدني ارجع عند اهلي
عيسى : انتي مينونه اهلج تبرو منج
جميله : عشاني انا الحماره الي حبيته
عيسى : عندي فكره بس لازم اسمع منج كلمه عشان ننفذ الخطوه ، توجه عندها ومسكه يدها وهو يطالع في عيونها : انتي تحبيني ؟
صدت جميله بخجل من بين دموعها ، مسك وجهها وعدله عليه : اي ولا
ابتسمت جميله وهزت راسها بمعنى اي
ابتسم عيسى : الحين اقولج الخطه سمعي الحين اخذي ورقه الطلاق الي انا بعطيج هي بعد شوي وخليه يوقعها وهو مخدر وبعد ما تخلصين العده نتزوج بالسر
جميله : وليش بالسر
عيسى : لانو لو دروا اني تزوجتج بعد ما طلقج اخوي بيتحسبون بينا علاقه فهمتي
جميله وهي تهز راسها : اي
مد لها ورقه الطلاق التفتت عليه : بس انت ليش مجهز اوراق الطلاق قبل ما تعرف جوابي
عيسى : اعرفه من زمان
اتسعت عيون جميله وهي تتوجه لغرفتها ومعها الورقه بخوف اتجهت عند عبدالله وهي تجلس على السرير بخوف : ءء عبدالله ابوك كلمني على ذي الاوراق في الشركه يبي منك توقيع الحين
فز عبدالله من سمع سيره ابوه واخذ الورقه والقلم من يدها وهو يوقع ونطق بصوت عالي ومخيف : وانتي ليه وجهك كذا وع تسدين النفس لا حمره لا ميكب وجع ، مسك وجهها بقوه وهو يضربها كف : مالت على ذي الشيفه
جميله حطت يدها على خدها من قوه الكف وخرجت
———-
في المزرعه
بدأ عرس الرجال ومشى زيد في صدر المجلس يجلس هو وابوه ويسلم
واحمد الي كان يسولف مع سعد
وديار كان يبخر الضيوف توجه عند سعد واحمد : وجع انت وياه قوموا معي تعبت وانا كل شي لحالي
قام سعد وهو يمسك البخور ويبخر ، التفتت ديار على احمد : وانت يا بعدهم كلهم وش فيك قاعد
ابتسم احمد وهو يقوم يقهوي الضيوف
؛
عند الحريم
اقبال الي قاعده في الغرفه مع العنود تعدل مكياجها وسميره تقرا على العنود المعوذات
وغزيل الي تسلم على الضيوف ، واميره وقصيد يرقصون
اميره بتعب : افففف تعبت من الكعب ذا متى يدخل المعرس ويحطون العشا ترا انا قضيت
قصيد وهي تناظر في الساعه : الساعه الحين ١١ الحين يحطون عشا الرجال وبعد شوي يدخل المعرس اما احنا عشانا ١٢ بقي لك ساعه اصبري
تنهدت اميره
رقيه قاعده تسولف مع شريفه ( ام زيد )
والهنوف قعدت مع وحده من المعازيم : تدرين انا زوجي ما يخلي علي قاصر تخيلي قبل اسبوعين سافرت باغي
وحده من المعازيم : غازي زوجك من متى عندها فلوس تراه كحيان من زمان
قلبت عيونها الهنوف وهي تقوم : الحمدالله ربي انعم عليه
ضحكت وحده من المعازيم : جعل ربي ينعم علينا ان شاء الله
بعد عشاء الرجال
شريفه بصراخ : تغطو يا حريم المعرس وصل
وزيد الي عند الباب وخايف ومتوتر
دخل زيد مع غزيل الي كانت ماسكته من يده ومتوجهين للكوشه
.
