في الرياض
في الفندق
دخلت العنود بتعب وزيد شايل فستانها الطويل وجلس على السرير بتعب : اففف مب فستان ذا
العنود راحت تغير الفستان ، زيد غير ولبس قميص ابو سبعه
خرجت العنود بعد ما غيرت وهي متقرفه : ليش لابس كذا
زيد بعدم اهتمام : مب عاجبك
العنود وهي تمشط شعرها : لا عادي
اخذ زيد الفراش وراح ينام على الارض
العنود باستغراب : ليش ما نمت على السرير
زيد بتصريفه: ماحب نومة السرير
العنود بتنهيده واخذت اللحاف وجلست عنده : عادي انام هنا
زيد : ما تتعبين من الارض انتي متعوده على نومة السرير
العنود وهي تنسدح جمبه : عادي
صد وجهه زيد عنها ، العنود : احس اني جيعانه بقوم اسوي لي شي اكله تبي
زيد كان بيموت جوع : لا ما ابي
قامت العنود من الفراش ودخلت المطبخ
فتحت الثلاجه كانت فيها بيض
سوت بيض وحطته على الطاوله وهي تجلس وقعدت تاكل ، زيد من كثر جوعه وريحه البيض كانت فايحه في كل الغرفه مما خلا زيد يقوم ويجلس على الطاوله ومد يده ياكل ، ضحكت العنود : مو كنت ماتبي
زيد بجحده : انا ماقلت
العنود وهي تقوم التفتت لها زيد : شبعتي
العنود : لا ما شبعت بس بروح احط نواشف
راحت العنود للمطبخ وهي تطلع النواشف وحطت لبنه وزيتون وحلاوه طحينيه وسوت شاهي وحطته على الطاوله
مد زيد يده في ذهول : تعرفين تطبخين
العنود وهي تاكل : اي
زيد : كنت احسب ان الاغنياء مايطبخون
العنود بضحكه : لا شدعوه
—
وصل الاسعاف للقصر ، نوره راحت ل عيسى وهي تبكي : ليش سويت شذي ها ليش مو كنت اول معك الياهل وتضحك وتلعب معها وش وصلك لهني
عيسى وهو في حالة صدمه : جميله وينج حبيبتي تعالي شوفي قصيد تبكي سكتيها جميله
حمود وهو يصفق كفوفه ببعض : لاحول ولاقوة الا بالله
دلال وهي تبكي وتترجى حمود : الله يخليك لا تبلغ على ولدي الله يخليك
حمود بصراخ : ببلغ عليه هذا المجرم
جلست دلال وهي تترجاه وتبوس يدينه : الله يخليك
رفعها طلال من على الارض : يمه شفيج قومي
حمود : دلال والله هذا واجد ما ينفعج يوم القيامه
اصوات رجال الشرطه وهم يقتحمون المكان
التفتت عليهم دلال وهي تبكي ، اشر حمود على عيسى : هذا المجرم ، راحوا رجال الشرطه مسكوه وكلبشوه
تنهدت دلال تنهيده قهر وحسره على ولدها وهي تناظر في زوجها : بجيب له اكبر محامي وارفع عليك قضيه طلاق
حمود وهو مصدوم : عشانك ولدج شفيج احنا عشرة عمر
دلال : انت الي ما حشمت العشره ، وصدت وهي تطلع
حمود بصراخ : روحي شوفي امج المينونه عقليها ، صدت نوره وهي تطلع ورا امها
طلال الي اخذ قصيد من على السرير وقاعد يهديها
وصلت اخبار مقتل جميله لديره ديار القصيد
سعود : بسافر بكرا اجيب بنتها وناخذ ثارنا
غازي : انت صادق يايبه كيف تجيب بنتها بعد ماسودت وجهنا وش تبي تقول الناس عنا وعين من الله خير وش ثاره
اسامه : بروح معك يبه والثار نجيبه يعني نجيبه
دخل نايف : وهو صادق وش ثاره يا يبه معليك ربي ياخذ حقنا
اسامه بصراخ : ما بقي الا انت يا البزر تعلم ابوي شلون يتصرف اقول اص لا اقطع العقال ذا على ظهرك
صد نايف وهو يطلع بعصبيه
،
بعد يومين
وصل سعود ومعه اسامه الامارات
سعود وهو يسأل عن عائلتهم
وصل بيتهم دق الجرس وهو في قمه التعب
فتحت الشغاله الباب نطق اسامه : وين بابا
الشغاله : موجود الحين انا نادي بابا
دخلوا المجلس اقبل عليهم وهو يسلم : السلام عليكم
سعود : وعليكم السلام
حمود : مين انتم
اسامه بعصبيه : احنا الي ولدك لعب على بنتنا واخذها وذبحها
حمود : وش تبون مني
سعود : نبي ثارنا
حمود وهو يضحك : اي ثار اهاا قصدك بنتك الي هربت من هناك وجات هنا وتزوجت ولدي الثاني وخلته يقتل اخوه وهو الحين في السجن بسببها ها اي ثار تبي اقول ، وهو يقوم : اقول اطلعوا من بيتي قبل لا اطلب لكم الشرطه ، وصد عنهم
طلع اسامه المسدس وهو يطخ فوق ، التفت لهم وهو يصارخ وجه اسامه المسدس على راس حمود : طلع لنا بنت جميله وعطنا حلالك مانسويلك شي بسرعه
حمود بخوف : بخاف الحين
اخذ سعود المسدس من يد اسامه وهو يمشى ناحيه حمود لين وصل عنده : بالطيب ولا بالغصب بسرعه ترا حنا مجانين نسوي اي شي عشان الثار
حمود بصراخ: نزله ولك الي تبي
نزل سعود المسدس نادى حمود الخدامه تجيب قصيد ، اخذ سعود قصيد من يد الخدامه مد قصيد لاسامه : يلا بقي حلالك نبي المزارع الي في السعوديه كلها ترا ادري انه عندك مزارع ونبي بعد شركتك الي بالرياض بس شفت كيف احنا بسيطين
حمود بخوف وتوتر : بس كل شي في الشركه كيف اجيبه
سعود وهو يمد له اوراق الملكيه : لا تعب نفسك معنا كل شي خذ وقع
وقع حمود ، اسامه وسعود وهم يمشون : يلا في امان الله
قبل لا يخرجون طخ اسامه رجل حمود وقال وهو يضحك : قلنالك نسوي اي شي عشان الثار
حمود وهو يتألم وينادي الخدامه : بتندم بتندم صدقني
ضحك سعود وهو يخرج
نايف بعد ما سمع القصه ذي كلها وهو يتنهد : معقول ابوي يسوي كل ذا
حمود وهو يتنهد : واكثر
نايف : طيب انا وش دخلني
حمود : انت رهينه
نايف : طيب انت وش تبي
حمود وهي يضحك : ابي ادمر سعود مثل ما دمرني ابي فلوسه ابي كل شي اهله عياله كل شي ابيه يتحسر ويبكي ويندم على كل الي سواه فيني
قصيد صحت بنشاط وهي مبتسمه وهي تناظر للجو الي كان غيوم : الله شكله بيجي مطر
نطت قصيد عند اميره وهي تصارخ : اميرههههههه يلا الساعه ٤ عصر يلااا
اميره بانزعاج : وجع وجع مب صوت مكبر ماشاءالله عليك عسى لما تتزوجين ديار بعيش معك الله يعين ديار عليك قرده ، قصيد بصدمه وهي تضربها ركضت اميره بسرعه جلست عند رقيه وهي تضحك وصلت عندها قصيد وهي تبي تضربها تخبت اميره ورا رقيه وقصيد تضربها من ورا رقيه بصراخ : الله لا يوفقكم من بنات وجع ان شاء الله قومن من عندي ، اخذت عصاتها وهي تضرب قصيد واميره ، ركضت اميره للغرفه وركضت وراها قصيد وتضاربوا على الحمام مين تدخل اول قامت اقبال من ازعاجهم ؛ الله يهديكم بزران انتم
بعد ما خلصوا جلسوا اقبال : بنات وش رايكم نروح المزرعه دام الجو ماشاءالله حلو واحس بعد امي رقيه تعبانه
اميره : اي حتى انا احس مدري شفيها يا حلوه الجو
ومنها نكلم العنود بعد تجي
قصيد : اففف خلاص وش تبين فيها خليها تستانس مع زوجها نشبه انتي
اميره : مالك دخل وبعدين هي يومين ومسافره شهر عسل نقضي معها وقت قبل لا تسافر
اقبال وهي تقوم : دامنا كلنا موافقين بروح اكلم امي رقيه
جلست اقبال عند رقيه وهي تحني شعرها : مساك الله بالخير يمه
رقيه بابتسامه : هلا امي
اقبال : يمه وش رايك دام الجو زين نطلع كلنا المزرعه
رقيه : فكره زين بكلم جدك واشوفه قبل لا يسافر
اقبال بصدمه : يسافر وين متى
رقيه : بيروح الامارات بعد يومين يحضر عرس غزيل ويسافر عند شغل
اقبال وهي تقوم : على خير ان شاء الله
