عشقت انفاسك
الحلقه 8
هشام ** عمري اسمعيني
ولاء** منبيش نسمع شئ ونساني ياهشام لاني مستحيل نسامحك
وطلعت نبكئ
/
/
/
/
/
( عند حسام )
زينب مردتش علي رسالتي بعتلها اخره ع الخاص
انا ( زينب شن في شن قصته اشرف هضا )
هي( مدخلكش من انت بش تسأل)
انا( زينب منبصرش )
هي ( قتلك مدخلكش )
انا ( أنا حاس ان في موضوع خطير ولو مقلتيليش بندز لاشرف رساله وبنسأله هو )
هي ( لا لا بالله عليك تو ينشر الصور )
انا ( صور شن )
هي ( خلاص ياحسام أنهي الموضوع )
/
/
/
/
(عند زينب)
كنت نكتب لي حسام ودموعي يصبن كيف بنقوله صور شن . كيف بنقوله
فجأه القيته يتصل بيا ع الماسنجر
مش عارف ليش رديت وكنت نبكئ
حسام ** زينب شن في احكي وليش البكئ
زينب 😢😢😢😢😢😢😢😢😢😢
حسام ** احكيلي صور شن الي بينشرهن
زينب ** حسام خلاص بنصكر منقدرش نحكي
حسام ** زينب احكيلي ونوعدك اني نساعدك
زينب **😢😢 وعد
حسام ** وعد غير احكي
كنت بحاجه لشخص نحكيله ونطلب منه المساعده .وحسام باين عليه اكويس وقررت ندويله
حسام ** ها احكي
زينب ** 😢 حسام انا المده الي فاتت متعرفه علي بنت المهم خلطت عليا وتقربت مني واجد وانا تقربت منها وقعدت نحكيلها في كل شئ
في مره خدت نقالي وانا معدلتش عادي كنت واثقه فيها المهم بعتت صوري وكنت لابسه اقصير وعريان في الصور . عدت عطتهن لي ولد اسمه اشرف يقرأ معاي في الكليه وهو ركب الصور ودارلي لقطات بايخات علي اساس انا وياه بس والله الصور مفبركات ياحسام 😢😢😢😢
حسام ** باهي بعدين كملي
زينب ** قعد يهدد فيا هو والبنت اني لو مطلعتش امعاه في السياره بينشر الصور ويفضحني
حسام ** 😠 حقير حيوان ولد ال...........
زينب ** 😢😢 انا مش عارفه شن اندير ياحسام بالله عليك ساعدني كل يوم يهدد فيا وآخر مهله الاسبوع الجاي
حسام ** خيرك محكيتيش من الاول
زينب ** 😢😢كنت خايفه ومش عارفه شن اندير
حسام ** باهي خلاص اسكتي ومتشغليش بالك ومتخافيش انا معاك وتو انساعدك
زينب ** بس متحكيش لحد
حسام ** 😡بدون ماتحكي ياهبله
/
/
/
/
/
/
( عند أحمد )
ليا أربع ايام في فرنسا
هناء من المطبخ ** حبي تبي عصير
أحمد من البلكونه ** لا ياروحي كان في قهوه جيبي
جت هناء مدتلي القهوه وقعمزت جنبي قعدنه نتفرجوا علي الطريق والسيارات وساكتين
هناء ** محمد رقد لاكن بعد حرقلي دمي
أحمد ** بكره يكبر يااعيوني وتنسى تعبه
هناء ** احميده شن رأيك نتعشو بره اليوم
أحمد ** حاضر نتعشو بره بس انت اختاري المطعم الي تبيه وانا جاهز
هناء** نجك ليا ياغلايا
وباستني ومشت لمحمد ناض يعيط
قعدت نشرب في القهوه ونفكر .انفكر فيها هي .في هاليومين شاغله تفكيري ضحكتها هدرزتها دلعها كله استاحشته . صورتها قاعده في بالي
أحمد ** اه ياليلى اه
طلعت نقالي واتصلت بيها بس برقم متعرفاش
ليلى** الو
ليلى** من امعاي
ليلى** الو الو من المتصل
